ކަށިމިޔަރު މަސްވެރިކަން ހުއްޓުވަން ހުށަހެޅި މައްސަލަ ބަލައެއް ނުގަތް

ރާއްޖޭގައި ކަށިމިޔަރުގެ މަސްވެރިކަމަށް ހުއްދަ ދީ ހުޅުވާލަން ސަރުކާރުން ނިންމައި އާންމުކުރި ގަވާއިދާއި ޕްލޭން ބާތިލްކުރަން ހައި ކޯޓަށް ހުށަހެޅި ދުސްތޫރީ މައްސަލަ ބަލައިނުގަންނަން އެ ކޯޓުގެ ރަޖިސްޓްރާ އިއްޔެ ނިންމައިފި އެވެ.

ވީކިހިނެއް؟ - ކަށިމިޔަރު މަސްވެރިކަމަށް ހުޅުވާލަން ސަރުކާރުން ނިންމީ، އެކަން ނުކުރުމަށް ތިމާވެށި ހިމާޔަތްކުރާ ޖަމިއްޔާ ޖަމާއަތްތަކުންނާއި ގިނަ އަދަދެއްގެ ޑައިވަރުން ވެސް ގޮވާލަމުން ދަނިކޮށެވެ.

ހައި ކޯޓަށް މި މައްސަލަ ހުށަހެޅީ ހުމައިދާ އަބްދުއްގަފޫރު، ހ. ޝޭޑީކޯނާ އާއި މުހައްމަދު ސީނީން، މ. މުލި އެވެ. މި ދެ މީހުންނަކީ ވެސް ތިމާވެށި ހިމާޔަތްކުރުމަށް ވަކާލާތުކުރާ އިޖުތިމާއީ ދެ ހަރަކާތްތެރިންނެވެ.

ތަފްސީލް - އެ މައްސަލަ ކޯޓަށް ބަލައިނުގަތުމަށް ރަޖިސްޓްރާ ނިންމުމުގައިވަނީ:

ރަޖިސްޓްރާގެ ނިންމުން ރިވިއުކޮށްދިނުމަށް ފަނޑިޔާރުންގެ މަޖިލީހުގައި އެދެވޭނެ އެވެ. ފަނޑިޔާރުންގެ މަޖިލީހަށް ހުށަހަޅާނެ ކަމެއް އަދި ނޭނގެ އެވެ.

އެނގުން މުހިންމު - ރާއްޖެ އާއި ރާއްޖޭން ބޭރުގެ ޖަމިއްޔާތައް ވެސް ހިމެނޭ ގޮތަށް ތިމާވެށި ހިމާޔަތްކުރުމަށް ވަކާލާތުކުރާ 60 ޖަމިއްޔާއަކުންނާއި 50 ސައިންޓިސްޓުންގެ ސޮއި ވެސް ހިމެނޭ ގޮތަށް މި ކަން ނުކުރުމަށް އެދި ރައީސް މުހައްމަދު މުއިއްޒަށް ސިޓީއެއް ވެސް ފޮނުވި އެވެ.

ކަށިމިޔަރުގެ މަސްވެރިކަން މަނާކޮށް، ރާއްޖޭގައި މިޔަރު ހިމާޔަތްކުރީ 2010 ވަނަ އަހަރުން ފެށިގެންނެވެ.