ހައްޔަރުކުރި ހަތަރު މީހުން (ކ-ވ): ޒިވާރު އިސްމާއިލް، މުއާޒް އަލީ، މުހައްމަދު ވަހީދު އަދި އަހުމަދު އާރިފް.
2 ކޮންޓެއިނަރުގެ ސިނގިރޭޓު ވަގަށް ނެގުން: އެޕޯލޯގެ މުހައްމަދު ވަހީދާއި ލޮޓަސްގެ އާރިފް ހައްޔަރުކޮށްފި
އެމްޕީއެލްގެ ހުޅުމާލެ ބަނދަރުގައި ބަހައްޓާފައި ހުރި ދެ ކޮންޓެއިނަރުގެ ތެރޭގައި ހުރި 13 މިލިއަނަށް ވުރެ ގިނަ ސިނގިރޭޓު ވަގަށް ނެގި މައްސަލާގައި ހަތަރު މީހަކު ރޭ ހައްޔަރުކުރިއިރު، އޭގެ ތެރޭގައި މަޝްހޫރު ދެ ވިޔަފާރިވެރިން ކަމަށްވާ އެޕޯލޯގެ ވެރިޔާ މުހައްމަދު ވަހީދު (ދިގަލި) އަދި ލޮޓަސްގެ ވެރިޔާ އަހުމަދު އާރިފް (އާއްޓޭ) ހިމެނޭކަން އެނގިއްޖެ އެވެ.
ވީ ކިހިނެއް؟ - ފުލުހުން ރޭ ނެރުނު ބަޔާނެއްގައި ބުނީ އެ މައްސަލާގައި މިހާތަނަށް 12 މީހަކު ފުރުން މަނާކޮށްފައިވާ ކަމަށެވެ. އަދި ބައެއް އުޅަނދުތަކާއި ތަންތަން ބަލައި ފާސްކޮށްފައިވާ ކަމަށް ވެސް ބުންޏެވެ.
ފުލުހުން ބުނީ:
-
އެކަން ރާވާ ހިންގުމުގައި އިސްކޮށް އުޅުނު ކަމުގެ ތުހުމަތުގައި ހަތަރު މީހަކު ރޭ ހައްޔަރުކުރި
-
އޭގެ ތެރޭގަައި ދެ ވިޔަފާރިވެރިއަޔާއި ކަސްޓަމްސްގެ އިސް މުވައްޒަފަކު ހިމެނޭ
-
އެއްވެސް މީހެއްގެ ވަނަވަރު ހާމައެއް ނުކުރޭ
ތަފްސީލް - 'ދައުރު'އަށް އެނގިފައިވާ ގޮތުގައި، ފުލުހުން ހައްޔަރުކުރީ:
-
އެޕޯލޯގެ ވެރިޔާ މުހައްމަދު ވަހީދު (ދިގަލި)
-
ލޮޓަސްގެ ވެރިޔާ އަހުމަދު އާރިފް
-
ސަރުކާރުގެ މަސް ކުންފުނި، މިފްކޯގެ ޖެނެރަލް މެނޭޖަރު (އިންޖިނިއަރިން ޕްރޮޖެކްޓްސް)ގެ މަގާމުގައި މިހާރު ވެސް ހުންނެވި އަދި ކަސްޓަމްސްގެ ކުރީގެ ސީނިއާ ސުޕްރިންޓެންޑެންޓް މުއާޒު އަލީ، ހ. ނިއުހެޕިނަސް؛ 430 ސިނގިރޭޓް ކޭސް ރާއްޖެއަށް އެތެރެކުރުމާ ގުޅޭ މައްސަލައެއްގައި ރިޝްވަތު ހޯދަން މަސައްކަތްކުރި ކަމުގެ ތުހުމަތުގައި އޭނާގެ މައްޗަށް ދައުވާކޮށްދިނުމަށް އެދި އެންޓި-ކޮރަޕްޝަން ކޮމިޝަން (އޭސީސީ)ން ވަނީ މި މަހުގެ ތެރޭގައި ޕްރޮސެކިއުޓާ ޖެނެރަލްގެ އޮފީހަށް މައްސަލަ ހުށަހަޅާފައި
-
ކަސްޓަމްސްގެ ޑިޕާޓްމަންޓެއްގެ އިސް ވެރިއެއް ކަމަށްވާ ޒިވާރު އިސްމާއިލް؛ އޭނާ މަސައްކަތް ކުރަނީ އެމްޕީއެލްގެ ހުޅުމާލޭ ބަނދަރުގައި
ފުލުހުން ރޭ ބުނި ގޮތުގައި، އެ މައްސަލައިގެ އިތުރު އޮޕަރޭޝަނެއް ރޭ ވެސް ކުރިއަށް ގެންދިޔަ އެވެ.
އެނގުން މުހިންމު - އެނގިފައިވާ ގޮތުގައި ވަގަށް ނެގީ މިދިޔަ އޭޕްރީލް ފަހުކޮޅު ވަގަށް އެތެރެކުރަން އުޅެނިކޮށް، ކަސްޓަމްސްއިން ހިފެހެއްޓި ސިނގިރޭޓު ދެ ކޮންޓެއިނާގައި ހިމެނޭ ސިނގިރޭޓެވެ.
އޭރު ކަސްޓަމްސްއިން ބުނެފައިވާ ގޮތުގައި:
-
40 ފޫޓުގެ ދެ ކޮންޓެއިނަރުގެ ތެރެއިން 1،360 ކޭސް ސިނގިރޭޓް (13.6 މިލިއަން ސިނގިރޭޓް ސްޓިކް) ވަނީ ފެނިފައި
-
މި ޝިޕްމެންޓްގައި ހިމެނޭ ބްރޭންޑްތަކުގެ ސިނގިރޭޓަށް ޑިއުޓީ ދައްކަން އާންމުކޮށް ކަނޑައަޅާ އަގުތަކަށް ބަލާއިރު، ޑިއުޓީއަށް ގާތްގަނޑަކަށް 122 މިލިއަން ރުފިޔާ އަރާނެކަމަށް ލަފާކުރެވޭ
އިތުރަށް ކިޔާލަން
-
ކުށްކުރުންރައްޔިތުންނަށް ޒިންމާދާރުނުވެ މި ތިން ވެރިންނަށް ފަރެއްނުޖެއްސޭނެ
13 އޮކްޓޯބަރު 2025 -
13 މިލިއަން ސިނގިރޭޓް ވައްކަން1،360 ކޭސް ސިނގިރޭޓް ވަގަށް އެ ބޭރުކުރީ ހިލަމެއް ވެސް ނެތި؟
12 އޮކްޓޯބަރު 2025 -
13 މިލިއަން ސިނގިރޭޓް ވައްކަންކަސްޓަމްސްގެ ބެލުމުގެ ދަށުން 2 ކޮންޓެއިނާގެ ސިނގިރޭޓު ގެއްލިއްޖެ
9 އޮކްޓޯބަރު 2025
ކޮމެންޓް (6)
މަގްޝޮޓް
ސިކުނޑި
ރިޓަޔާޑް އިންވެސްޓިގޭޓަރ
ސދސދދ
ތެފައާސާ.
އިހުސާން