ކޮންޓްރޯލް ބިލު ފާސްކޮށްފި؛ މިނިވަން ނޫސްވެރިކަމަށް ކަޅު ދުވަހެއް

މިނިވަން މުއައްސަސާތަކުގެ ކޮމިޓީން ބިލު ފާސްކުރީ އިއްޔެ

ކޮމިޓީން ބިލު ފާސްކުރީ އެ ބިލާ މެދު ނޫސްވެރިންގެ ފާޅުކުރި ކަންބޮޑުވުންތަކަށް ރިއާޔަތްނުކޮށް؛ ކޮމިޓީން ފާސްކުރި ބިލު ވެބްސައިޓުގައި ޝާއިއުނުކޮށް، މަޖިލިސް ވެބްސައިޓު ވަނީ 'ޑައުން' ކޮށްލާފައި

މަޖިލީހުގެ ޕެޓިޝަން ކޮމިޓީން ވަނީ، 151 ނޫސްވެރިއަކު ސޮއިކޮށް، އެ ބިލާ ދެކޮޅަށް ހުށަހެޅި ޕެޓިޝަން ބޭރުކޮށްލާފައި

ބިލު ފާސްކުރަން ކުއްލި ގޮތަކަށް މިއަދު ދައުރުން ބޭރުން ޖަލްސާއެއް ތާވަލުކުރި؛ އެ ޖަލްސާގެ އެޖެންޑާ މެމްބަރުންނަށް ވެސް ލިބުނީ އެތައް ގަޑިއިރެއް ފަހުން

ކޮމިޓީ ރިޕޯޓު ފާސްކުރަން މިއަދު ކުއްލި ގޮތަކަށް މިނިވަން މުއައްސަސާތަކުގެ ކޮމިޓީން އިތުރު ބައްދަލުވުމެއް ތާވަލުކުރި

އެ ބައްދަލުވުން 2 ޖަހާއިރަށް ތާވަލުކުރި ނަމަވެސް، ފެށީ 3 ޖެހި ފަހުން؛ ބިލު ކިޔާލުމުގެ ފުރުސަތު ނުދީ، ކޮމިޓީން ވަނީ ރިޕޯޓު ފާސްކޮށްފައި

އިހުތިޖާޖު ކުރަމުންދަނިކޮށް ވަކިވަކި ނޫސްވެރިންނަށް މަރުގެ އިންޒާރު ދީ، ސަރުކާރު ވަޒީފާތަކުގައި އުޅޭ، ނޫސްވެރިންގެ އާއިލާ މެމްބަރުންނަށް ވަޒީފާގެ ބިރު ދައްކާ މައްސަލައެއް ފެންމަތިވި

އޭގެ ފަހުން މެންދުރުފަހު ފުލުހުން ވަނީ ހާލަތާ ނުބައްދަލު ބާރުގެ ބޭނުންކޮށް، ވަކިވަކިން ފަހަރަކު މީހެއް ގެންގޮސް، އިހުތިޖާޖު މަޖީދިއްޔާ ސްކޫލާ ހަމައަށް ފަހަތަށް ޖައްސާފައި

ބާރުގެ ބޭނުން ކުރުމުގެ ތެރޭގައި ރާއްޖެ ޓީވީގެ މުދަލަށް ފުލުހުން ވަނީ ގެއްލުންދީފަ

'އަދަދު' ނޫހުގެ ނޫސްވެރިޔާ އަދި މީޑިއާ ކައުންސިލްގެ މެމްބަރު ލީވާން އަލީ ނަސީރު އާއި ޓެކްސީ ޑްރައިވަރެއް ކަމަށްވާ މުހައްމަދު ޝާމިން ފުލުހުންގެ ބެލުމުގެ ދަށަށް ގެންދިޔުމަށް ފަހު މިހާރު ވަނީ ދޫކޮށްލާފައި