'މީީޑިއާ ކޮންޓްރޯލް ބިލު' ބޭރުކުރަން އައިއެފްޖޭން ގޮވާލައިފި

މީޑިއާތަކުގެ ކޮންޓްރޯލް ސަރުކާރަށް ލިބޭ ގޮތަށް މިހާރު މަޖިލީހަށް ހުށަހަޅާފައިވާ ބިލާ ގުޅޭ ގޮތުން ކަންބޮޑުވުން ފާޅުކޮށް، އެ ބިލު އަނބުރާ ގެންދިއުމަށް އިންޓަނޭޝަނަލް ފެޑެރޭޝަން އޮފް ޖާނަލިސްޓްސް (އައިއެފްޖޭ) އިން މިއަދު ގޮވާލައިފި އެވެ.

ވީ ކިހިނެއް؟ - 'މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަންގެ ބިލު'ގެ ނަމުގައި  މިދިޔަ ހޯމަ ދުވަހު މަޖިލީހުގެ ޖަލްސާއަށް މި ބިލު ހުށަހެޅުއްވީ، އަމިއްލަ ގޮތުން މަޖިލީހުގައި އިންނަވާ ނަމަވެސް ސަރުކާރަށް ތާއީދުކުރައްވައިގެން ހުންނެވި ތުޅާދޫ ދާއިރާގެ މެންބަރު އަބްދުލްހަންނާން އަބޫބަކުރެވެ. މި ބިލާ ގުޅޭ ގޮތުން ދިވެހި ނޫސްވެރިންގެ ޖަމިއްޔާ (އެމްޖޭއޭ) އިން ވެސް ކަންބޮޑުވުން ފާޅުކޮށް ބިލު އަނބުރާ ގެންދިއުމަށް އިއްޔެ ގޮވާލާފައިވެ އެވެ.

އެމްޖޭއޭން ނެރުނު ބަޔާނަށް ތާއީދުކޮށް އައިއެފްޖޭން ވެސް މިއަދު ވަނީ ބަޔާނެއް ނެރެފަ އެވެ.

ބުނީ ކީކޭ؟ - އައިއެފްޖޭން ބުނިީ މިޑިއާ ރެގިއުލޭޓް ކުރުމުގެ މިފަދަ ބިލެއް ހުށަހަޅަން ވާނީ މި ދާއިރާގެ ފަރާތްތަކުގެ ހިޔާލާ އެކު ފުޅާ ދާއިރާއެއްގައި މަޝްވަރާ ކުރެވިގެން ކަމަށެވެ. އެގޮތުން، އެ ބަޔާނުގައި ފާހަގަކުރި ގޮތުގައި:

ތަފްސީލު - އައިއެފްޖޭގެ ބަޔާނުގައި ބިލާ ގުޅޭ ގޮތުން އެމްޖޭއޭން ނެރުނު ބަޔާނުގައި ފާހަގަކޮށްފައިވާ ކަންކަން ވެސް ހިމަނާފައިވެ އެވެ. އަދި އެ ކަންބޮޑުވުންތަކަށް ތާއީދުކޮށް، ބިލު އަނބުރާ ގެންދިއުމަށް އެ ފެޑްރޭޝަނުން ގޮވާލި އެވެ.

ބިލުގައިވާ ގޮތުން، މި ބިލު ގާނޫނަކަށް ވުމާ އެކު، މިހާރު އޮތް މީޑިއާ ކައުންސިލާއި ބްރޯޑްކާސްޓިން ކޮމިޝަން އުވޭނެ އެވެ. އެެއަށް ފަހު އެ ތަނުގެ މަސައްކަތްތައް ކުރިއަށް ގެންދާނީ 'މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން'ގެ ނަމުގައި ރައީސް އުފައްދަވާ އޮފީހަކުންނެވެ.

ބިލުގައިވާ ގޮތުން އެ ކޮމިޝަން އެކުލެވިގެންވާނީ ހަތް މެމްބަރުންގެ މައްޗަށެވެ. އެއީ:

ކޮމިޝަނަށް މެމްބަރުން އައްޔަންކުރެވެންދެން ކޮމިޝަން ވަގުތީ ގޮތުން ހިންގާނީ ސިވިލް ސާވިސް ކޮމިޝަނުން އެކުލަވާލާ ފަސް މެމްބަރުންގެ ވަގުތީ ކޮމެޓީއަކުން ކަމަށް ބިލުގައިވެ އެވެ.

މި ކޮމިޝަނަށް ދީފައިވާ ބާރުތަކުގެ ތެރޭގައި: