ކައުންސިލްތަކުގެ މާލީ ބާރު ހަނިކުރާ ބިލު މާދަމާ ނިންމަނީ

ކައުންސިލްތަކުގެ މާލީ މިނިވަންކަން ހަނިކުރާ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް ގެންނަ އިސްލާހުތައް އާންމުންގެ ހިޔާލަށް ހުޅުވާލައި އެ ބިލާ މެދު މާދަމާ ގޮތެއް ނިންމަން ލާމަރުކަޒީ ކޮމިޓީން ނިންމައިފި އެވެ.

ވީ ކިހިނެއް؟ - ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް އިސްލާހު ގެންނަން ހުށަހަޅާފައިވަނީ ސަރުކާރުގެ ފަރާތުން، ފުވައްމުލަކު ދެކުނު ދާއިރާގެ މެންބަރު އިބްރާހީމް ހުސައިން އެވެ. އަދި އެ ބިލު މިއަދު މަޖިލީހަށް ވަނީ ހުށަހަޅާފަ އެވެ.

އެ ބިލު ދިރާސާކުރަން މިއަދު ލާމަރުކަޒީ ކޮމިޓީން ބޭއްވި ބައްދަލުވުމުގައި އާންމުންގެ ހިޔާލަށް ހުޅުވާލުމަށާއި ބިލާ މެދު ކޮމިޓީން މާދަމާ ގޮތެއް ނިންމަން ހުށަހެޅުއްވީ ހެންވޭރު އުތުރު ދާއިރާގެ މެމްބަރު އަހްމަދު އައިފާނެވެ.

އޭނާ ހުށަހެޅުއްވީ:

އެ ހުށަހެޅުން ކޮމިޓީގެ އިއްތިފާގުން ވަނީ ފާސްވެފަ އެވެ.

ތަފްސީލު - ލާމަރުކަޒީ ގާނޫނަށް އިސްލާހު ގެނައުމުގެ ބިލު ހުށަހަޅާ ސަބަބުތަކުގެ ތެރޭގައި އޮތީ:

އެ ބިލުގައި ކައުންސިލްތަކުގެ ދައުރުގެ ފަހު އަހަރުގައި މާލީ ގިނަ ބާރުތަކެއް އަތުލުމަށް ވަނީ ހުށަހަޅާފަ އެވެ.

އޭގެ ތެރޭގައި ހިމެނެނީ:

އެ ކަންކަމާ ގުޅޭ ނިންމުންތައް ނިންމަން ވާނީ، ބިލުގައިވާ ގޮތުން، ފިނޭންސް މިނިސްޓްރީ އާއި ލޯކަލް ގަވަމަންޓް އޮތޯރިޓީ (އެލްޖީއޭ) އިން ކަނޑައަޅާ ގޮތެއްގެ މަތިންނެވެ.

ގުޅުންހުރި - އެ ބިލާ މެދު ކޮމިޓީން މާދަމާ ގޮތެއް ނިންމާއިރު، އިދިކޮޅު އެމްޑީޕީއިން އަންނަނީ އެ ބިލަށް ފާޑުކިޔައި، ކައުންސިލްތަކުގެ ބާރު ކަނޑުވާލާތީ އެކަމާ ކަންބޮޑުވުން ފާޅުކުރަމުންނެވެ.