ފެނަކަ ސައީދަށް ހިޔާނާތުގެ އިތުރު ދައުވާއެއް ކޮށްދޭން އޭސީސީން އެދިއްޖެ

މިދިޔަ ސަރުކާރުގައި ފެނަކައިގެ މެނޭޖިން ޑިރެކްޓަރު އަހުމަދު ސައީދު މުހައްމަދުގެ މައްޗަށް ތުހުމަތު ކުރެވޭ ހިޔާނާތުގެ އިތުރު މައްސަލައެއްގައި އޭނާ އަށާއި އެތަނުގެ އޭރުގެ އެހެން ވެރިއެއްގެ މައްޗަށް ދައުވާ ކުރުމަށް އެދި އެންޓި ކޮރަޕްޝަން ކޮމިޝަން (އޭސީސީ)ން ޕްރޮސެކިއުޓާ ޖެނެރަލް އޮފީހަށް ފޮނުވައިފި އެވެ.

ވީ ކިހިނެއް؟ - ސައީދުގެ އިތުރުން، އެ ކުންފުނީގެ އޭރުގެ ޗީފް އެކައުންޓެންޓް މުހައްމަދު މަސްއޫދު، ހިންމިޔާ/ ރ. އުނގޫފާރުގެ މައްޗަށް ދައުވާ ކުރަން އޭސީސީން އިއްޔެ ފޮނުވީ:

ތަފްސީލު - އެކަމާ ގުޅޭ ގޮތުން އޭސީސީން މިއަދު ނެރުނު ބަޔާނުގައި ބުނީ މާމެންދޫގައި ކައިޒާން އިންވެސްޓްމަންޓުން ގާއިމްކޮށްފައިވާ އައިސްޕްލާންޓް ފެނައިކައިން ގަނެފައި ވަނީ ކުންފުނީގެ އުސޫލުތަކާ ހިލާފަށް އަދި ވަރަށް ބޮޑަށް ކުންފުންޏަށް ގެއްލުންވާ ގޮތަށް ކަމަށެވެ. އެގޮތުން ބުނީ:

"އައިސްޕްލާންޓްގެ ވެލުއޭޝަންގެ ގޮތުގައި [އޭރުގެ ޗީފް އެކައުންޓެންޓް] މުހައްމަދު މަސްއޫދު ހުށަހަޅާފައިވާ އަގަކީ، މާކެޓް ވެލިއުއަށްވުރެ މަތީ އަގެއްކަން ތަހުގީގަށް ވަނީ ހާމަވެފަ އެވެ. އައިސްޕްލާންޓް ފަދަ ތަކެތި ވެލިއޭޝަން ހެދުމުގެ ގާބިލުކަން ފެނަކައިގައި ހުރި ނަމަވެސް މާކެޓް ވެލިއު ހޯދުމުގެ މަސައްކަތް ނުކޮށް، އައިސްޕްލާންޓް ވިއްކި ފަރާތުން ހުށަހެޅި އަގުތައް ބޭނުންކޮށްގެން ވެލުއޭޝަން ތައްޔާރުކޮށްފައި ވަނީ އޮޅުވާލައިގެން،" އޭސީސީގެ ބަޔާނުގައި ބުންޏެވެ.

އޭސީސީން އެދުނީ މި މައްސަލައިގައި އެ މީހުންގެ މައްޗަށް ގާނޫނުލްއުގޫބާތުގެ ދަށުން ދެ ކުށެށްގެ ދައުވާ ކޮށްދިނުމަށެވެ. އެއީ:

ފާހަގަކޮށްލެވޭ ކަމެއް - މިދިޔަ ޑިސެމްބަރު މަސް ތެރޭ ވެސް އޭސީސީން ސައީދުގެ މައްޗަށް ތުހުމަތު ކުރެވޭ ހިޔާނާތުގެ މައްސަލައެއްގައި ދައުވާ ކުރުމަށް ޕީޖީ އޮފީހަށް ފޮނުވާފައިވެ އެވެ. އޭގެ އިތުރުން ސައީދު ފެނަކައިގައި ހުންނެވި އިރު ހިންގި ކަމަށް ބުނާ ހިޔާނާތުގެ މައްސަލަތަކާ ގުޅިގެން އޭނާގެ ޕާސްޕޯޓު ވެސް އޮތީ ހިފަހައްޓައިފަ އެވެ.