ފެނަކަ ކޯޕަރޭޝަނުން 8 ނޮވެމްބަރު 2023 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި އެ ކުންފުނީގެ މެނޭޖިން ޑިރެކްޓަރު އަހްމަދު ސައީދު. (ދައުރު ފޮޓޯ/ހުސެން ސުނޭން)
ފެނަކައިގެ ކުރީގެ އެމްޑީ ސައީދުގެ މައްޗަށް ދައުވާކުރަން ފޮނުވައިފި
ފެނަކަ ކޯޕަރޭޝަނުގެ ކުރީގެ މެނޭޖިން ޑިރެކްޓަރު އަހުމަދު ސައީދާއި އިތުރު ވެރިއެއްގެ މައްޗަށް ކޮރަޕްޝަނުގެ ތުހުމަތުކޮށް، ދައުވާ ކުރުމަށް ކްރިމިނަލް ކޯޓަށް މިއަދު ފޮނުވައިފި އެވެ.
ވީ ކިހިނެއް؟- ސައީދުގެ އިތުރުން، އެތަނުގެ ޕްރޮކިއުމަންޓް ހެޑް، މަރިޔަމް ދީނާ ސޯލިހުގެ މައްޗަށް ކުރަނީ މާކެޓިން، ޕަބްލިކް ރިލޭޝަންސް އަދި ބިޒްނަސް މެނޭޖްމެންޓް ކުންފުންޏެއް ކަމަށްވާ، ބްލޭޒަން އިންކަށް ނާޖާއިޒް ފައިދާ ހޯދައިދިނުމުގެ ތުހުމަތެވެ.
ޕްރޮސެކިއުޓާ ޖެނެރަލްގެ އޮފީހުން ބުނާގޮތުގައި:
-
ފެނަކަ އާއި ބްލޭޒަން އިންކްއާ ދެމެދު އެއްބަސްވުމުގައި ސޮއިކޮށްފައިވަނީ 2018 ވަނަ އަހަރު
-
އެކަމަކު ބްލޭޒަން އިންކް އިން މަސައްކަތް ފުރިހަމަ ނުކުރަނީސް އަދި މަސައްކަތް ނިންމިކަން ކަށަވަރުނުކޮށް، އެ މަސައްކަތަށްވާ ފައިސާ ކުންފުންޏަށް ދޫކޮށްފައިވޭ
މި ތުހުމަތުގެ ދަށުން އެ މީހުންގެ މައްޗަށް ކުރަނީ:
-
ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ
-
އޭގެ އަދަބަކީ އޭގެ އަހަރާއި ހަތް މަސްދުވަހަށް ޖަލަށްލުން
ޕީޖީ އޮފީހުން ބުނިގޮތުގައި ވެރިންގެ މި އަމަލުގެ ސަބަބުން، ކުންފުންޏަށް، 848،000 ރުފިޔާގެ ގެއްލުން ވަނީ ލިބިފަ އެވެ.
އެނގުން މުހިއްމު- މިދިޔަ ސަރުކާރުގެ ދައުރު ހަމަވި އިރު، ސައީދު ހިންގެވި ފެނަކައާ ގުޅޭ 75 ކޮރަޕްޝަނުގެ މައްސަލައެއް ދިޔައީ ތަހުގީގުކުރަމުންނެވެ.
ކޮމެންޓް (1)
ޞައްދާމު