ފެނަކައިގެ ކުރީގެ އެމްޑީ ސައީދުގެ ޕާސްޕޯޓު ހިފަހައްޓައިފި

އެންޓި ކޮރަޕްޝަން ކޮމިޝަން (އޭސީސީ) އިން ބަލަމުންދާ މައްސަލައަކާ ގުޅިގެން، ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ފެނަކަ ކުންފުނީގެ މެނޭޖިން ޑިރެކްޓަރު (އެމްޑީ)ގެ މަގާމުގައި ހުންނެވި އަހުމަދު ސައީދުގެ ޕާސްޕޯޓު ހިފަހައްޓައިފި އެވެ.

ތަފްސީލް - އޭސީސީ އިން ބުނީ ސައީދުގެ ޕާސްޕޯޓު ހިފެހެއްޓީ މި މަހުގެ 9 ވަނަ ދުވަހު ކަމަށެވެ. 

ބަލަމުންދާ މައްސަލައަކާ ގުޅިގެން ސައީދުގެ ޕާސްޕޯޓު ފެހެއްޓިކަން ޔަގީންކޮށްދިން ނަމަވެސް ތަހުގީގު ކުރަމުންދާ މައްސަލައަކަށް ވާތީ އެ މައްސަލައިގެ ތަފްސީލެއް ނުދެ އެވެ.

ސައީދu ފެނަކައިގެ އެމްޑީ އަކަށް ހުންނެވި އިރު، އެ ކުންފުނީގެ ތެރެއިން ވައްކަމާއި ކޮރަޕްޝަނަށް މަގުފަހިވާ ކަންތައްތަކެއް ކޮށްފައިވާ ކަމަށް ތުހުމަތު ކުރެވުނެވެ. ސަރުކާރު ބަދަލުވި އިރު، ފެނަކައާ ގުޅޭ 31 މައްސަލައެއް އޭސީސީގައި އޮތެވެ.