ޕީޕީއެމް އުވާލައި ޕާޓީތަކުގެ ދަފްތަރުން އުނިކޮށްފި

ރާއްޖޭގެ ސިޔާސީ މައިދާނުގައި އެންމެ މަގްބޫލު އެއް ޕާޓީއެއްގެ ގޮތުގައި އެތައް އަހަރެއް ވަންދެން އޮތް ޕީޕީއެމް ރަސްމީކޮށް އިލެކްޝަންސް ކޮމިޝަން(އީސީ)އިިން މިއަދު އުވާލައިފި އެވެ.

ވީ ކިހިނެއް؟ - ކުރީގެ ރައީސް މައުމޫން އަބްދުލްގައްޔޫމް އިސްވެ ހުންނަވައި، މީގެ 13 އަހަރު ކުރިން 2011ގައި އުފެއްދެވި ޕީޕީއެމް ރަސްމީކޮށް އީސީން މިއަދު އުވާލާފައި މި ވަނީ، އެ ޕާޓީ އުވާލުމަށް މިދިޔަ ޑިސެމްބަރު މަހު ކުރީކޮޅު ޕާޓީގެ ސެނެޓުން ނިންމި ނިންމުމާ ގުޅިގެންނެވެ.

ތަފްސީލު - ސެނެޓުގެ އެ ނިންމުމާ ގުޅިގެން ގާނޫނީ ގޮތުން ފުރިހަމަ ކުރަން ޖެހޭ އިޖުރާއަތްތައް ފުރިހަމަކޮށް އެޕާޓީ މިހާރު އުވާލާފައިވާކަން އީސީގެ މެންބަރު އަދި ތަރުޖަމާނު ހަސަން ޒަކަރިއްޔާ 'ދައުރު'އަށް ކަށަވަރުކޮށްދެވި އެވެ.

"އެ ނިންމުން މިއަދުގެ ވަގުތެއްގައި ގެޒެޓް ކުރާނެ،" އޭނާ ވިދާޅުވި އެވެ.

ޕީޕީއެމް އުވާލުމާއެކު، އިސީގެ ވެބްސައިޓުގައި ޝާއިއުކޮށްފައިވާ ޕާޓީތަކުގެ ދަފްތަރުން އެޕާޓީގެ ނަމާއި ލޯގޯ މިހާރު ވަނީ އުނިކޮށްފަ އެވެ. އަދި އުވާލާފައިވާ ޕާޓީތަކުގެ ލިސްޓުގައި އެޕާޓީ ހިމަނާފައިވެ އެވެ.

މައުމޫން އިސްވެ ތިން ވަނަ އަށް އުފެއްދެވި އެމްއާރުއެމް ވެސް އިއްޔެ އުވާލާފައިވެ އެވެ. އެޕާޓީ އުވާލާފައި ވަނީ 3،000 މެންބަރުން ހަމަނުވާ ކަމަށް ބުނެ އެވެ. 

މިހާތަނަށް އުވާލާފައިވާ ޕާޓީތަކުގެ ލިސްޓުގައި ދެން ހިމެނެނީ މައުމޫން އެންމެ ފުރަތަމަ އުފެއްދެވި ޑީއާރުޕީ އަދި ލޭބާ ޕާޓީ އެވެ.

ޕީޕީއެމް އުވާލަން އެޕާޓީގެ ސެނެޓުން ނިންމާފައިވަނީ އެ ކޯލިޝަންގެ ލީޑަރު، ރައީސް މުއިއްޒުގެ އިރުޝާދާއެކު އެވެ. އަދި މި ނިންމުން ނިންމާފައި ވަނީ، އެކަން ފަސޭހަ ކުރުމަށް ޕާޓީގެ އަސާސީ ގަވައިދުގައި ވެސް އިސްލާހުކޮށްގެންނެވެ.  

ޕީޕީއެމްއަކީ ކުރިން ޑީއާރުޕީގެ އެތެރޭގައި އުފެދުނު ހިޔާލުތަފާތުވުންތަކުގެ ތެރެއިން، ކުރީގެ ރައީސް މައުމޫން  އެ މަނިކުފާނުގެ ސަޕޯޓަރުން ޑީއާރުޕީން ވަކިވެގެން އުފެއްދެވި ޕާޓީ އެވެ. އެގޮތުން: