ގާނޫނުއަސާސީއަށް ގެނައި ބަދަލުން މެމްބަރުންގެ ނަޒާހާތްތެރިކަން ކަށަވަރުވާނެ: އަބްދުއްރަހީމް

ރައްޔިތުންގެ މަޖިލީހަށް އިންތިހާބުވާ ޕާޓީން ވަކިވެއްޖެ ނަމަ މަޖިލީހުގެ ގޮނޑި ގެއްލޭ ގޮތަށް މިއަދު ހުށަހަޅައި ފާސްކޮށް އަދި ތަސްދީގު ވެސް ކޮށްފައިވާ، ގާނޫނުއަސާސީއަށް ގެނައި ބަދަލުގެ ސަބަބުން މެމްބަރުންގެ ނަޒާހާތްތެރިކަން ކަށަވަރުވާނެ ކަމަށް މަޖިލީހުގެ ރައީސް އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.

ވީ ކިހިނެއް؟ - މަޖިލީހުގެ މެންބަރަކު ޕާޓީން ވަކިކުރިޔަސް އެ މެންބަރެއްގެ ގޮނޑި ގެއްލުމާ އެކު ހަތަރު ހާލަތެއް ބަޔާންކޮށް، ސަރުކާރުގެ ފަރާތުން މަޖިލީހަށް ހުށަހެޅި ގާނޫނުއަސާސީގެ އިސްލާހު މިއަދު ފާސްކޮށް، ރައީސް މުހައްމަދު މުއިއްޒު ވަނީ ތަސްދީގު ކުރައްވާފަ އެވެ.

ބުނީ ކީކޭ؟ - އެކަމާ ގުޅޭ ގޮތުން މިރޭ ޕީއެސްއެމްއަށް ދެއްވި އިންޓަވިއުއެއްގައި މަޖިލީހުގެ ރައީސް ވިދާޅުވީ މިއީ ރައްޔިތުންގެ ހައްގުތައް ހިމާޔަތްކޮށްދޭނެ ބޮޑު ބަދަލެއް ކަމަށެވެ. އެ މަނިކުފާނު ވިދާޅުވި ގޮތުގައި:

"އަޅުގަނޑުމެން މިއަދު މި ކޮށައިދިނީ މެމްބަރުންގެ ނަޒާހާތްތެރިކަން އިތުރުވާނެ މަގެއް. މެމްބަރުންގެ އިއްޒަތާއި ގަދަރު އުފުލޭނެ މަގެއް،" އަބްދުއްރަހީމް ވިދާޅުވި އެވެ.

"މިހާރު ތިބި މެމްބަރުންނަކީ އަމިއްލަ މަސްލަހަތަށް ވުރެ ރައްޔިތުންގެ މަސްލަހަތު އިސްކުރާނެ ބައެއްކަން މި އެނގުނީ."

އަބްދުއްރަހީމް ވިދާޅުވީ މިއީ އާ ކަމެއް ނޫން ކަމަށާއި ޕީޕީއެމް ސަރުކާރާއި އެމްޑީޕީ ސަރުކާރުގައި އޮތް މަޖިލީހުން ވެސް ޕާޓީ ބަދަލުކުރުމާ ގުޅޭ ގާނޫނެއް އެކުލަވާލި ކަމަށެވެ. އެކަމަކު ޕީއެންސީ ސަރުކާރުގެ މެޖޯރިޓީ އޮތް މަޖިލީހުން މި ގެނައި ބަދަލަކީ، ގާނޫނުއަސާސީން ބާރުވެރިކަން ދީ، ގާނޫނުއަސާސީއަށް ބަދަލު ގެނައުން ކަމަށާއި އެއީ ކުރީގެ މަޖިލިސްތަކަށް ކުރަން ނުކެރުނު ކަމެއް ކަމަށް އެ މަނިކުފާނު ވިދާޅުވި އެވެ.

އަބްދުއްރަހީމް ވިދާޅުވީ: