ސަރުކާރަަކަށް ފާޑުކިޔާ އުފެއްދުންތަކަށް އެވޯޑު ދޭން ހުރަސް އެޅޭ ގޮތް ނުހެދުމަށް އެމްޖޭއޭން ގޮވާލައިފި

ކޮންމެ އަހަރަކު މީޑިއާ ކައުންސިލް (އެމްއެމްސީ) އިން ދެމުންދާ ނޫސްވެރިކަމުގެ އިނާމަށް ސަރުކާރަކަށް ފާޑުކިޔާ އުފެއްދުންތައް ހުށަހަޅައި އިންސާފު ކުރަން ހުރަސް އެޅޭ ގޮތަށް ކަންކަން ނުކުރުމަށް ނޫސްވެރިންގެ ޖަމިއްޔާ، މޯލްޑިވްސް ޖާނަލިސްޓް އެސޯސިއޭޝަނުން ގޮވާލައިފި އެވެ.

ކަމުގެ ފެށުން - ރައީސް މުހައްމަދު މުއިއްޒުގެ ދޮން މަންމަ، ސްރީލަންކާގެ ރައްޔިތެއް ކަމަށްވާ ޖީ ސްކީލާން އެމަނިކުފާނުގެ މައްޗަށް ކުރާ ތުހުމަތުތަކަށް 'އަދަދު'ން ތައްޔާރުކުރި ޑޮކިއުމަންޓަރީއަކަށް ތަހުގީގީ ދާއިރާގެ އޯޑިއޯ ވީޑިއޯ ކެޓަގަރީން އެވޯޑު ދިނުމަށް ފަހު، އެ އުފެއްދުން ބަލައިގަތީ ގޯސްކޮށް ކަމަށް ބުނެ ފަނޑިޔާރުން ސޮއިކޮށް ބަޔާނެއް ނެރުނެވެ.

ވީކިހިނެއް؟ - އެ އެވޯޑާގުޅިގެން ހިނގައި ދިޔަ ކަންކަމަށް ކަންބޮޑުވުން ފާޅުކޮށް، މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން ބަޔާނެއް ނެރުނެވެ. އެމްޖޭއޭގެ ބަޔާނުގައި ކަންބޮޑުވުން ފާޅުކޮށްފައިވާ ކަންކަމަކީ:

ކީކޭ ބުނީ؟ - "އެ ބަޔާންތަކަކީ މީޑިއާ ކައުންސިލްގެ ރައީސް އަހުމަދު މުސްތަފާ އާއި ސަރުކާރުގެ ވަޒީފާތަކުގައި އުޅޭ ބައެއް ފަނޑިޔާރުން ވެސް ވަޒީފާގެ ބިރަށް ނެރެފައިވާ ބަޔާންތަކެއް ކަމަށް ބުނެ ދެކެވޭ ވާހަކަތަކީ ވެސް މި އެސޯސިއޭޝަނުން ނުހަނު ކަންބޮޑުވާ މައްސަލައެކެެވެ." އެމްޖޭއޭން ނެރުނު ބަޔާނުގައިވެ އެވެ.

މީގެ ސަބަބުން ކުރިއަށް އޮތް ތަނުގައި ބާއްވާ ނޫސްވެރިކަމުގެ އިނާމަށް ނާޖާއިޒު ނުފޫޒު އިތުރަށް ވަނުމާއި އެ އިރެއްގައި އޮންނަ ސަރުކާރަކަށް ފާޑު ކިޔުން އަމާޒުވާ ފަދަ ގޮތަކަށް ނޫސްވެރިން އުފައްދާ އުފެއްދުންތަކަށް އިންސާފު ކުރުމަށް ވެސް ހުރަސް އެޅިގެން ދާނެ ކަމަށް ބުނެފައިވެ އެވެ.

އެ ކަމާ ގުޅިގެން އެންޓި ކޮރަޕްޝަން ކޮމިޝަން (އޭސީސީ)އިިން ވަރަށް އަވަސްކޮށް ތަހުގީގެއް ފަށާފައިވާތީ ނޫސްވެރިކަމުގެ އެވޯޑާ މެދު ކުރެވޭ ޝައްކުތައް އިތުރަށް ބޮޑުވެގެންދާތީ އެ ޖަމްއިއްޔާއިން ކަންބޮޑުވާ ކަމަށް ވެސް ބުންޏެވެ.

މީޑިއާ ކައުންސިލުން މީގެ ކުރިން ވެސް އަމަލު ކުރަމުން އައި ގޮތަށް މި އަހަރު ވެސް މާކްސް ޝީޓުތައް އާންމު ކުރުމުން އެވޯޑާ ގުޅޭ ގޮތުން ފަނޑިޔާރުން ކޮށްފައިވާ ތުހުމަތުތަކާއި ސަރުކާރުގެ އެކި އޮފިޝަލުން ކުރަމުން އަންނަ ތުހުމަތުތަކުގެ ހަގީގަތް ހާމަވެ ދެ ފުށް ފެންނަ ގޮތެއްގައި މަސައްކަތްތައް ކުރިއަށް ގެންދަން މަގުފަހިވި ކަމަށް އެމްޖޭއޭން ބުންޏެވެ.

އެމްޖޭއޭގެ ބަޔާނުގައި އިތުރަށް ފާހަގަކޮށްފައިވާ ކަންކަމަކީ: