ތަހުގީގީ ވީޑިއޯ އެވޯޑް ދީފައިވަނީ އުސޫލާ ހިލާފަށް: ފަނޑިޔާރުން

މިދިޔަ ބުދަ ދުވަހުގެ ރޭ ބޭއްވި މޯލްޑިވްސް މީޑިއާ ކައުންސިލް (އެމްއެމްސީ)ގެ 11 ވަނަ ނޫސްވެރިކަމުގެ އެވޯޑު ހަފްލާގައި އޯޑިއޯ ވީޑިއޯ ކެޓަގަރީގެ ތަހުގީގީ ނޫސްވެރިކަމުގެ އިނާމް ދީފައިވަނީ މޯލްޑިވްސް މީޑިއާ ކައުންސިލް (އެމްއެމްސީ)ގެ އެވޯޑް ދިނުމުގެ އުސޫލާއި މަގުސަދުތަކާ ހިލާފަށް ކަމަށް އެ އެވޯޑްގެ ފަނޑިޔާރުން ބުނެފި އެވެ.

ވީ ކިހިނެއް؟ - އޯޑިއޯ ވީޑިއޯ ކެޓަގަރީގެ ތަހުގީގީ ނޫސްވެރިކަމުގެ އިނާމް ލިބިފައިވަނީ "އަދަދު" ނޫހުން އުފައްދާފައިވާ "ސްކީލާން" ޑޮކިއުމެންޓަރީއަށެވެ. އެ ޑޮކިއުމެންޓްރީއަކީ ރައީސް މުހައްމަދު މުއިއްޒުގެ މައްޗަށް ކުރި ތުހުމަތުތަކެއްގެ މައްޗަށް، ރިޔާސީ އިންތިހާބުގެ ކެމްޕެއިން ތެރޭގައި ތައްޔާރުކުރި ޑޮކިއުމެންޓްރީއެކެވެ.

ތަފްސީލް - އެކަމާ ގުޅިގެން ފަނޑިޔާރުންގެ ބެންޗުން ރޭ ނެރުނު ނޫސްބަޔާނެއްގައި ބުނީ އެ އެވޯޑް ދީފައިވާ އުފެއްދުމަކީ ދިވެހި މީޑިއާގެ އަހުލާގީ މިންގަނޑުގައި ބަޔާންކޮށްފައިވާ އުސޫލުތަކަށް ބެލުމެއް ނެތި ޝާއިއުކޮށްފައިވާ ކޮންޓެންޓެއްކަން އެމްއެމްސީއަށް ފާހަގަވެ، އެކަން އޮގޮތަށް ނުކުރަން އެމްއެމްސީއިން ސެޕްޓެމްބަރު 28ގައި ނެރެފައިވާ ނޫސްބަޔާނަކުން އެނގެން އޮތް ކަމަށެވެ.

އެ އެވޯޑުގެ ފަނޑިޔާރުންގެ ޕެނަލުގައި ތިއްބެވީ:

އެ ނޫސްބަޔާނުގައި ފަނޑިޔާރުން އިތުރަށް ބުނެފައިވަނީ:

"މިހެންވެ މިއީ އިނާމް ދިނުމުގެ އުސޫލާ ހިލާފަށް ގެންގޮސްފައިވާ ކަމެއްކަމުގައި ދަންނަވަމެވެ،" އެ ބަޔާނުގައި ބުނެފައިވެ އެވެ.

ގުޅުން ހުރި: އެ އެވޯޑު ހަފްލާ އިންތިޒާމުކުރި ފަރާތުން ޕީއެސްއެމްގެ އެޑިޓޯރިއަލް ކޮންޓެންޓާއި ނޫސްވެރިކަމުގެ މިންގަނޑުތަކާ ހިލާފު ވީޑިއޯއެއް ދެއްކި މައްސަލައެއް ބަލައިދިނުމަށް ޕީއެސްއެމްއިން ވަނީ ރައްޔިތުންގެ މަޖިލީހަށް ހުށަހަޅައިފަ އެވެ. އަދި އެކަމާ ގުޅިގެން އެމްއެމްސީގެ ރައީސް އަހުމަދު މުސްތަފާ ޕީއެސްއެމްގައި އަދާކުރައްވަމުން ގެންދެވި ވަޒީފާއިން ވަކިކުރުމަށް ފަހު އަލުން ވަނީ ވަޒީފާ ދީފަ އެވެ.