ބައްސާމްގެ އެޕާޓްމަންޓްތައް ނެގި މައްސަލަ ބޭރުކުރުމުން އިސްތިއުނާފުކޮށްފި

އެފްއޭއެމްގެ ހިޔާނާތުގެ ފައިސާއިން އެ އެސޯސިއޭޝަންގެ ކުރީގެ ރައީސް ބައްސާމް އަދީލް ޖަލީލު ގަތް ކަމަށް ތުހުމަތުކުރެވޭ ދެ އެޕާޓްމަންޓް ފުލުހުން ނެގުމަށް ހުޅުމާލެ މެޖިސްޓްރޭޓް ކޯޓުން ނެރުނު އަމުރުގެ މައްސަލަ ބަލައިނުގަންނަން ހައި ކޯޓުގެ ރަޖިސްޓްރާ ނިންމުމުން، އެ މައްސަލަ ބައްސާމްގެ ފަރާތުން ފަނޑިޔާރުންގެ މަޖިލީހުގައި އިސްތިއުނާފުކޮށްފި އެވެ.

ވީ ކިހިނެއް؟ - ބައްސާމްގެ ދެ އެޕާޓްމަންޓް ފުލުހުންނާ ހަވާލުކުރަން ހުޅުމާލެ މެޖިސްޓްރޭޓް ކޯޓުން ނެރުނު އަމުރު އޭނާގެ ފަރާތުން ހައި ކޯޓުގައި އިސްތިއުނާފުކުރީ މި މަހުގެ 9ގަ އެވެ. އެ މައްސަލަ ބަލައިނުގަތުމަށް މިދިޔަ ބުރާސްފަތި ދުވަހު ރަޖިސްޓްރާ ނިންމެވި އެވެ.

ތަފްސީލް - ރަޖިސްޓްރާގެ ނިންމުންތައް ފަނޑިޔާރުންގެ މަޖިލީހަށް އިސްތިއުނާފު ކުރެވޭނެ އެވެ. ބައްސާމް ހައި ކޯޓުގެ ފަނޑިޔާރުންގެ މަޖިލީހަށް ނިންމުން އިސްތިއުނާފުކޮށްފައިވާ ކަމަށް ހައި ކޯޓުން މިއަދު ބުންޏެވެ.

ފުލުހުން ބައްސާމްގެ އެޕާޓްމަންޓްތައް ނަގާފައިވަނީ މަނީ ލޯންޑަރިން އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ގާނޫނުގެ 51 ވަނަ މާއްދާގެ ދަށުންނެވެ.

ފުލުހުން 'ދައުރަށް' ބުނެފައިވާ ގޮތުގައި:

އެނގުން މުހިންމު -  ފުލުހުން މިދިޔަ މަހުގެ 18ގައި ބޭއްވި ނޫސްވެރިންގެ ބައްދަލުވުމެއްގައި ހާމަކޮށްފައިވާ ގޮތުގައި:

ފަސްމަންޒަރު - ބައްސާމާއި އެފްއޭއެމްގެ ކުރީގެ ވެރިންގެ މައްޗަށް ތުހުމަތު ކުރެވޭ ހިޔާނާތުގެ ބޮޑެތި މައްސަލަތަކެއް އެންޓި ކޮރަޕްޝަން ކޮމިޝަނާއި ފުލުހުން ދަނީ ތަހުގީގު ކުރަމުންނެވެ. އެއް މައްސަލައެއްގައި ބައްސާމްގެ މައްޗަށް ދައުވާކޮށް އެ ޝަރީއަތް ކްރިމިނަލް ކޯޓުގައި އެބަ ހިނގަ އެވެ.

އެފްއޭއެމުން ހިންގާފައިވާ އެކި މުއާމަލާތްތަކުގައި ފައިސާ ނުލިބޭ ގިނަ މައްސަލަތަކެއް ސިވިލް ކޯޓަށް ވެސް ހުށަހަޅާފައިވެ އެވެ. ގިނަ މައްސަލަތަކެއް އެ ކޯޓުގައި ހިނގަމުންދާއިރު، ފައިސާ ދެއްކުމަށް ގިނަ މައްސަލަތަކެއްގައި ހުކުމް ކޮށްފައި ވެސް ވެ އެވެ.