ބައްސާމްގެ އެޕާޓްމަންޓްތައް ފުލުހުން ނެގި މައްސަލަ ހައި ކޯޓަށް

އެފްއޭއެމްގެ ހިޔާނާތުގެ ފައިސާއިން އެ އެސޯސިއޭޝަންގެ ކުރީގެ ރައީސް ބައްސާމް އަދީލް ޖަލީލު ގަތް ކަމަށް ތުހުމަތުކުރެވޭ ދެ އެޕާޓްމަންޓް ފުލުހުން ނެގުމަށް ހުޅުމާލެ މެޖިސްޓްރޭޓް ކޯޓުން ނެރުނު އަމުރު ބައްސާމްގެ ފަރާތުން ހައި ކޯޓުގައި އިސްތިއުނާފުކޮށްފި އެވެ.

ވީކިހިނެއް؟ - ބައްސާމް އެދުނު ގޮތަށް ދެ އެޕާޓްމަންޓް ފުލުހުންނާ ހަވާލުކުރުމަށް މި މަހުގެ ނިޔަލަށް ވަގުތު ދޭން ފުރަތަމަ ނިންމި ނަމަވެސް މިދިޔަ އަންގާރަ ދުވަހު ފުލުހުން ވަނީ ބައްސާމް އެދޭ ގޮތަށް މުއްދަތު އިތުރުކޮށްދެވެން ނެތް ކަމަށް އަންގައިފަ އެވެ.

ހުޅުމާލެ މެޖިސްޓްރޭޓް ކޯޓުން ނެރުނު އަމުރެއްގެ ދަށުން ފުލުހުން އެކަން އެންގުމުން، އެ ދުވަހުގެ ރޭ ބައްސާމް ވަނީ ފުލުހުންނާ އެ ދެ އެޕާޓްމަންޓް ހަވާލުކޮށްފަ އެވެ.

ތަފްސީލް - ހުޅުމާލެ މެޖިސްޓްރޭޓް ކޯޓުން ނެރުނު އަމުރު މިދިޔަ ބުދަ ދުވަހު ބައްސާމްގެ ފަރާތުން ހައި ކޯޓުގައި އިސްތިއުނާފުކޮށްފައިވާކަން ހައި ކޯޓުގެ ރަޖިސްޓްރީން ދައްކަ އެވެ. ރަޖިސްޓްރީން ދައްކާ ގޮތުން މައްސަލަ ބަލައިގަތުމަށް ކޯޓުން އަދި ވަކި ގޮތެއް ނުނިންމަ އެވެ.

ފުލުހުން ބައްސާމްގެ އެޕާޓްމަންޓްތައް ނަގާފައިވަނީ މަނީ ލޯންޑަރިން އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ގާނޫނުގެ 51 ވަނަ މާއްދާގެ ދަށުންނެވެ.

ފުލުހުން 'ދައުރަށް' ސާފުކޮށްދިން ގޮތުގައި:

އެނގުން މުހިއްމު - ފުލުހުން މިދިޔަ މަހުގެ 18ގައި ބޭއްވި ނޫސްވެރިންގެ ބައްދަލުވުމެއްގައި ހާމަކޮށްފައިވާ ގޮތުގައި:

ފަސްމަންޒަރު - ބައްސާމާއި އެފްއޭއެމްގެ ކުރީގެ ވެރިންގެ މައްޗަށް ތުހުމަތު ކުރެވޭ ހިޔާނާތުގެ ބޮޑެތި މައްސަލަތަކެއް އެންޓި ކޮރަޕްޝަން ކޮމިޝަނާއި ފުލުހުން ދަނީ ތަހުގީގު ކުރަމުންނެވެ. އެއް މައްސަލައެއްގައި ބައްސާމްގެ މައްޗަށް ދައުވާކޮށް އެ ޝަރީއަތް ކްރިމިނަލް ކޯޓުގައި އެބަ ހިނގަ އެވެ.

އެފްއޭއެމުން ހިންގާފައިވާ އެކި މުއާމަލާތްތަކުގައި ފައިސާ ނުލިބޭ ގިނަ މައްސަލަތަކެއް ސިވިލް ކޯޓަށް ވެސް ހުށަހަޅާފައިވެ އެވެ. ގިނަ މައްސަލަތަކެއް އެ ކޯޓުގައި ހިނގަމުންދާއިރު، ފައިސާ ދެއްކުމަށް ގިނަ މައްސަލަތަކެއްގައި ހުކުމް ކޮށްފައި ވެސް ވެ އެވެ.