ކްރާސާ ފިހާރަތެރޭ މުހައްމަދު އަހްމަދު ދީދީ މަރާލި ކަމަށް ދެމީހުން ވެސް އެއްބަހެއްނުވި

މިދިޔަ ފެބްރުއަރީ މަހު، 'ކްރާސާ' ފިހާރަ ތެރެއަށް ބަޔަކު ވަދެ ވަޅިން ހަމަލާދީ މަރާލި މުހައްމަދު އަހުމަދު ދީދީ (ނައުއްޓެ)ގެ މަރުގެ މައްސަލާގައި ދައުވާކޮށްފައިވާ ދެ މީހުން ވެސް އެ ދައުވާއަށް އިންކާރުކޮށްފި އެވެ.

ވީ ކިހިނެއް؟ - މިދިޔަ އަހަރުގެ 24 ފެބްރުއަރީގެ ރޭ 9:28 އެހާކަންހާއިރު މާފަންނު މުރަނގަމަގުގައި ހުންނަ 'ކްރާސާ' ފިހާރަ ތެރެއަށް ބަޔަކު މީހުންވަދެ އެ ފިހާރަ ތެރޭގައި ހުރި މުހައްމަދު އަހްމަދު ދީދީ، 30، އަށް ތޫނު ހަތިޔާރަކުން ހަމަލާދީ ޒަހަމްކޮށްލާފައިވެ އެވެ. އެ ޒަހަމުތަކަށް އައިޖީއެމްއެޗްގައި ފަރުވާދެމުން ދަނިކޮށް އޭނާ މަރުވެފައިވަނީ އޭގެ ތިން ދުވަސް ފަހުން 27 ފެބްރުއަރީގަ އެވެ.

އެ މައްސަލާގައި ތޫނު އެއްޗެއް ބޭނުންކޮށްގެން ގަސްތުގައި މީހަކު މެރުމުގެ ކުށުގެ ދައުވާކޮށްފައިވާ ދެ މީހުންނަކީ: 

ތަފްސީލް - މި މައްސަލާގައި މިއަދު ހެނދުނު 9 ޖެހިއިރު ކްރިމިނަލް ކޯޓުގައި ބޭއްވި އަޑުއެހުމުގައި އޮތީ ދައުވާތައް ހުށަހެޅުމާއި ދައުވާތަކަށް ޖަވާބުދާރީވުމުގެ ބައި ކުރިއަށް ގެންދިއުމެވެ.

މިއަދުގެ އަޑުއެހުމުގައި ދައުލަތުން ހުށަހެޅި ދައުވާގައިވާގޮތުން:

މިއަދުގެ އަޑުއެހުމުގައި ދެމީހުން ވެސް ވަނީ އެ ދައުވާއަށް އިންކާރުކޮށްފަ އެވެ. އެ ދެ މީހުން ދައުވާއަށް އިންކާރުކޮށްފައިވާތީ ހެކި ހާމަކުރަން މިއަދުގެ އަޑުއެހުމުގައި ދައުލަތަށް ފުރުސަތުދީފައިވެ އެވެ. މިއަދުގެ އަޑުއެހުމުގައި ހެކިތަކުގެ ތަފްސީލު އިއްވާފައެއް ނުވެ އެވެ. ނަމަވެސް ލިއުމުން ދައުލަތުން ހުށަހެޅި ހެކިތަކަށް ރިއާޔަތްކޮށް މި މައްސަލަ ކޯޓުގައި ބައްލަވާ ގާޒީ އައިޝަތު ނުޒުހާ ވަނީ މައްސަލައަކީ މަދަނީ މިންގަނޑުން ކުރިއަށް ގެންދެވޭނެ މައްސަލައެއް ކަމަށް ނިންމާފަ އެވެ.

ދިފާއީ ހެއްކާއި ޝަރީއަތުގެ ކުރިން ހުށަހެޅުންތައް ހުށަހެޅުމުގެ ބައި ކުރިއަށް ގެންދިއުމަށް ވެސް މިއަދުގެ އަޑުއެހުމުގައި ފުރުސަތު ދީފައިވެ އެވެ. އެކަމަކު ފައިހްގެ ވަކީލު އާދަމް އާސިފް އެދިލެއްވީ ލިއުމުން ހެކި ހުށަހަޅަން ފުރުސަތު ދެއްވުމަށެވެ.

އެހެންވެ ގާޒީ އައިޝަތު ނުޒުހާ ނިންމެވީ ދެން އޮންނަ އަޑުއެހުމެއްގަައި އެބައި ކުރިއަށް ގެންދިއުމަށެވެ. މި މައްސަލައިގެ އިތުރު އަޑުއެހުމެއް ދެން އޮންނާނީ މިމަހުގެ 24ގަ އެވެ.

އެނގުން މުހިންމު - މި މައްސަލާގައި ހިމެނޭ ފައިހް ނިޒާމް ހައްޔަރުކުރީ ފައިހް ފޮރުވައިގެން އުޅުނު ކަމުގެ ތުހުމަތުގައި ފަސް މީހަކު ހައްޔަރުކުރި ފަހުން، އޭނާ އަމިއްލައަށް ފުލުހުންނާ ހަވާލުވުމުންނެވެ. ކެފޭއެއްގެ ތެރޭގައި ހިންގި މާރާމާރީތަކާ ގުޅިގެން އޭނާގެ މައްޗަށް ތުހުމަތުކުރާ އިތުރު މައްސަލައެއްގެ ޝަރީއަތެއް ވެސް ކޯޓުގައި މިހާރު ކުރިއަށް އެބަދެ އެވެ.

އެ މައްސަލާގައި މިދިޔަ އަހަރުގެ އޭޕްރީލް މަސް ތެރޭ އޭނާގެ މައްޗަށް ތިން ދައުވާއެއް އުފުލި އެވެ. އެއީ: