ހެކިން ހާޒިރުނުކުރެވިގެން ފައިހްގެ މައްސަލަ ތާށިވެފައި

ގްރޫޕު ހަދައިގެން މާލޭގައި ސިލްސިލާކޮށް ހިންގި މާރާމާރީތަކަކާ ގުޅިގެން ހައްޔަރުކޮށް ދައުވާ އުފުލާފައިވާ އިބްރާހީމް ފައިހް ނިޒާމްއާ ދެކޮޅަށް ދައުލަތުން ހުށަހަޅާފައިވާ ހެކިވެރިން ހާޒިރުނުކުރެވިގެން ހެކިބަސް ނެގުމުގެ މަރުހަލާގައި އަޑުއެހުންތައް ކުރިއަށް ނުގެންދެވި، ޝަރީއަތް މަޑުޖެހިއްޖެ އެވެ.

މައްސަލައިގެ ފެށުން - މާލޭގައި ސިލްސިލާކޮށް މާރާމާރީތަކެއް ހިންގަމުން ދަނިކޮށް، އެ ކަމުގެ ތުހުމަތުގައި އިބްރާހީމް ފައިހް ނިޒާމު، ރަށްދެބައިގެ/އައްޑޫ މަރަދޫފޭދޫ، ހޯދަން އެންމެ ފުރަތަމަ އިއުލާންކުރީ މިދިޔަ 15 ފެބްރުއަރީގަ އެވެ.

އޭގެ ފަހުން މަހެއް ވީއިރު ވެސް އޭނާ ނުފެނުނީ ބަޔަކު އޭނާ ފޮރުވައިގެން ގެންގުޅުމުން ކަމަށް ފުލުހުން ބުނެފައިވެ އެވެ. ފައިހް ފޮރުވައިގެން އުޅުނު ކަމުގެ ތުހުމަތުގައި ފަސް މީހަކު ހައްޔަރުކުރި ފަހުން، އޭނާ ވަނީ މާޗު މަހުގެ ތެރޭގައި އަމިއްލައަށް ފުލުހުންނާ ހަވާލު ވެފަ އެވެ.

ޖެހިގެން އައި އޭޕްރީލު މަސް ތެރޭ އޭނާގެ މައްޗަށް ތިން ދައުވާއެއް އުފުލި އެވެ. އެއީ:

މި މައްސަލާގައި ޝަރީއަތް ފެށުމަށް މިދިޔަ މޭ މަހުގެ ތެރޭގައި ބޭއްވި އަޑުއެހުމަށް ފަހު މިހާތަނަށް ތާވަލުކުރި އެއްވެސް އަޑުއެހުމެއް ކުރިއަށް ގެންދެވިފައެއް ނުވެ އެވެ. 

ބުނީ ކީކޭ؟ - ދައުލަތުގެ ފަރާތުން ފައިހްއާ ދެކޮޅަށް ހުށަހަޅާފައިވާ ސިއްރު ހެކިވެރިންގެ ހެކިބަސް ނެގުމަށް މި މަހު ވެސް ދެ އަޑުއެހުމެއް ތާވަލުކޮށްފައި ވެއެވެ.

ކޯޓުން 'ދައުރު'އަށް ބުނި ގޮތުގައި:

އިއްޔެ ބޭއްވި އަޑުއެހުމުގައި މި މައްސަލަ ބައްލަވާ ގާޒީ އިސްމާއިލް ޝަފީއު ވިދާޅުވީ، ދެން އަޑުއެހުމެއް ތާވަލުކުރައްވާނީ ހެކިވެރިޔާއަށް ޗިޓު ފޮނުވައި އެ ޗިޓު ރައްދުވެ، ހެކިބަސް ދޭން ހެކިވެރިޔާ ހާޒިރުވެވޭ ނަމަ ކަމަށެވެ. 

އެނގުން މުހިންމު - މި މައްސަލައިގެ އަޑުއެހުންތައް ފެށުމަށް މިދިޔަ 9 މޭގައި ބޭއްވި އަޑުއެހުމުގައި މި މައްސަލަ ބައްލަވާ ގާޒީ ވަނީ، ފައިހް އަކީ މީގެ ކުރިން ވެސް ފިލައިގެން އުޅެފައިވާ މީހަކަށް ވާތީ އާއި މައްސަލައިގެ ބާވަތުން މުޖުތަމައުއަށް ނުރައްކާވުމުގެ ފުރުސަތު އޮތުމުން، ޝަރީއަތް ނިމެންދެން އޭނާ ބަންދުކުރަން އަމުރުކުރައްވާފަ އެވެ. އެކަމަކު އޭގެ ފަހުން ޝަރީއަތްތައް ކުރިއަށް ނުގެންދެވި ގިނަ ދުވަސްތަކެއް ވުމުން އޭނާ ދޫކޮށްލީ އެވެ.

ދޫކޮށްލާފައި ހުއްޓައި އަލުން މި މަހުގެ ތެރޭގައި ފައިހް ހައްޔަރުކޮށް، މިހާރު ބަންދުގައި ބަހައްޓާފައިވަނީ:

ފައިހު އަލުން ހައްޔަރުކޮށް، އޭނާގެ ބަންދާ މެދު ގޮތެއް ނިންމުމަށް މިދިޔަ އަންގާރަ ދުވަހު ކްރިމިނަލް ކޯޓަށް ހާޒިރުކުރުމަށް ފަހު ވެސް ފުލުހުން އެދުނީ ޝަރީއަތް ނިމެންދެން ބަންދުގައި ބެހެއްޓުމަށެވެ. ނަމަވެސް، ބަންދުގެ މުއްދަތު ޖެހި ގާޒީ އަލީ ނަދީމް އަމުރުކުރެއްވީ އޭނާ 45 ދުވަހު ބަންދުގައި ބެހެއްޓުމަށެވެ.