ފައިހް ޝަރީއަތް ނިމެންދެން ބަންދުކޮށްފި

ގުރޫޕު ހަދައިގެން މާލޭގައި މާރާމާރީ ހިންގި ކަމަށް ތުހުމަތުކުރެވޭ މައްސަލައެއްގައި ދައުވާކޮށްފައިވާ އިބްރާހީމް ފައިހް ނިޒާމު ޝަރީއަތް ނިމެންދެން ބަންދުކުރަން ކްރިމިނަލް ކޯޓުން މިއަދު އަމުރުކޮށްފި އެވެ.

މައްސަލައިގެ ފެށުން - މާލޭގައި ސިލްސިލާކޮށް މާރާމާރީތަކެއް ހިންގަމުން ދަނިކޮށް، އެ ކަމުގެ ތުހުމަތުގައި އިބްރާހީމް ފައިހް ނިޒާމު، ސ. މަރަދޫފޭދޫ/ރަށްދެބައިގެ ހޯދަން އެންމެ ފުރަތަމަ އިއުލާންކުރީ މިދިޔަ ފެބްރުއަރީ 15 ވަނަ ދުވަހު އެވެ.

އޭގެ ފަހުން މަހެއް ވީއިރު ވެސް އޭނާ ނުފެނުނީ ބަޔަކު އޭނާ ފޮރުވައިގެން ގެންގުޅުމުން ކަމަށް ފުލުހުން ބުނެފައިވެ އެވެ. ފައިހް ފޮރުވައިގެން އުޅުނު ކަމުގެ ތުހުމަތުގައި ފަސް މީހަކު ހައްޔަރުކުރި ފަހުން، އޭނާ ވަނީ މާޗު މަހުގެ ތެރޭގައި އަމިއްލައަށް ފުލުހުންނާ ހަވާލު ވެފަ އެވެ.

ފައިހްގެ މައްޗަށް ދައުވާ އުފުލީ 10 މާޗުގަ އެވެ. އޭނާގެ މައްޗަށް އުފުލީ:

ވީ ކިހިނެއް؟ - މިއަދު ކްރިމިނަލް ކޯޓުގައި ތާވަލުކޮށްފައި އޮތީ މި މައްސަލައިގެ އިބްތިދާއީ އަޑުއެހުން ފެށުމަށެވެ. އެކަމަކު، ފައިހްގެ ވަކީލު އާދަމް އާސިމް ވަނީ ދައުވާތަކަށް ޖަވާބުދާރީވާން އިތުރު ފުރުސަތަަކަށް އެދިވަޑައިގެންފަ އެވެ. އެ ގޮތަށް އެދުނީ ފައިހްއާ ބައްދަލުނުކުރެވި އޮތުމުން ކަމަށް އޭނާ ވިދާޅުވި އެވެ.

ތަފްސީލް - މި މައްސަލަ ބައްލަވާ ގާޒީ އިސްމާއިލް ޝަފީއު މިއަދު ވަނީ ޖަވާބުދާރީވާން އިތުރު ފުރުސަތެއް ފައިހަށް ދެއްވާފަ އެވެ.

ފައިހްގެ ބަންދުގެ މުއްދަތު ހަމަވެފައިވާތީ އާއި މައްސަލައިގެ ބާވަތުން މުޖުތަމައުއަށް ނުރައްކާވުމުގެ އިހްތިމާލު އޮތުމުން ދައުލަތުން މިއަދު ވަނީ ފައިހް ޝަރީއަތް ނިމެންދެން ބަންދުކުރުމަށް އެދިފަ އެެވެ.

މީގެ ކުރިން ވެސް ފައިހް ފިލައިގެން އުޅެފައިވާތީ، ގާޒީ ޝަފީއު މިއަދު ނިންމެވީ ޝަރީއަތް ނިމެންދެން ބަންދުކުރުމަށެވެ.