ފިނޭންސް މިނިސްޓްރީގައި 15 ސިޔާސީ މީހުން؛ މަހަކު ބައި މިލިއަން ހަރަދުކުރޭ

ފިނޭންސް މިނިސްޓްރީގައި މިނިސްޓަރާ އެކު ޖުމްލަ 15 ބޭފުޅަކު ސިޔާސީ މަގާމުތަކަށް އައްޔަންކޮށްފައިވާކަން ހާމަވެއްޖެ އެވެ.

ފާހަގަކޮށްލެވޭ - އެ މީހުން މުސާރައަށް މަހަކު  ބައި މިލިއަނަށް ވުރެ ގިނަ ރުފިޔާ ހަރަދުވެ އެވެ.

ވީ ކިހިނެއް؟ - މިކަން ހާމަވީ، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން މި މަހުގެ ދެ ވަނަ ދުވަހު ފިނޭންސް މިނިސްޓްރީގެ ސިޔާސީ މަގާމުތަކުގެ މައުލޫމާތު ހޯދުމަށް 'ދައުރު'ން އެ މިނިސްޓްރީގައި އެދުމުން އިއްޔެ އެ މިނިސްޓްރީން ފޮނުވި ޖަވާބުންނެވެ. 

ތަފްސީލު - 'ދައުރު'ން އެދިފައި ވަނީ، މިދިޔަ ނޮވެމްބަރު އިން ފެށިގެން މި މަހުގެ 2 ވަނަ ދުވަހުގެ ނިޔަލަށް އެ މިނިސްޓްރީއަށް އައްޔަންކޮށްފައި ތިބި ސިޔާސީ ބޭފުޅުންގެ އަދަދާއި އެމީހުންގެ މުސާރަތަކުގެ ތަފްސީލް ހޯދުމަށެވެ.

އެ މިނިސްޓްރީން ފޮނުވި މައުލޫމާތުތަކުގައިވާ ގޮތުގައި:

އޭގެ އިތުރުން ދެން ހުރި މަގާމުތަކަށް:

އެ ހުރިހާ އެންމެންގެ ޖުމްލަ މުސާރައަކީ މަހެއްގެ މައްޗަށް 580،000ރ. އެވެ. އެއީ، އަހަރަކަށް ބަލާނަމަ ގާތްގަނޑަކަށް 7 މިލިއަން ރުފިޔާ އެވެ.

ފާހަގަކޮށްލެވޭ ކަމެއް - ރައީސް މުހައްމަދު މުއިއްޒުގެ ވައުދަކީ، ސިޔާސީ މަގާމުތަކުގެ އަދަދު 700ގައި ހިފެހެއްޓުމެވެ. ނަމަވެސް މި ސަރުކާރުގައި ސިޔާސީ މަގާމުތަކުގެ ތެރެއިން ސްޓޭޓް މިނިސްޓަރުންނާއި ޑެޕިއުޓީ މިނިސްޓަރުން ފަދަ ބޮޑު މުސާރަ ލިބޭ މަގާމުތައް މި ސަރުކާރުގައި އިތުރެވެ. އެކަމާ ގުޅިގެން ސަރުކާރަށް ފާޑުކިޔުން އަމާޒުވެފައިވެ އެވެ.

ގުޅުންހުރި - ފިނޭންސް މިނިސްޓްރީގެ ތަފާސްހިސާބުތައް ދައްކާގޮތުން މި މަހުގެ 18 ވަނަ ދުވަހާ ހަމައަށް މުސާރަތަކާއި ޕެންސަނަށް މި ސަރުކާރުން ކޮށްފައިވާ ހަރަދު ވަނީ މިދިޔަ އަހަރުގެ އެ މުއްދަތައް ވުރެ 300 މިލިއަން ރުފިޔާ އިތުރުވެފަ އެވެ. އެއީ %10ގެ އިތުރުވުމެކެވެ.