ޓުއަރިޒަމް މިނިސްޓްރީގެ ބައެް އިސްވެރިން ރަސްމީ ބައްދަލުވުމެއްގެ ތެރެއިން: އެ މިނިސްޓްރީއަށް 25 ބޭފުޅަކު އައްޔަންކޮށްފައިވޭ (ފައިލް ފޮޓޯ/ ޓުއަރިޒަމް މިނިސްޓްރީ)
ޓުއަރިޒަމް މިނިސްޓްރީގައި 25 ސިޔާސީ މީހުން؛ މަހަކު 7 ލައްކަ ރުފިޔާ
ޓުއަރިޒަމް މިނިސްޓްރީގައި މިނިސްޓަރާ އެކު ޖުމްލަ 25 ބޭފުޅަކު ސިޔާސީ މަގާމުތަކަށް އައްޔަންކޮށްފައިވާކަން ހާމަވެއްޖެ އެވެ. އަދި އެ މީހުން މުސާރައަށް މަހު މަހަކު 704،000ރ. ހަރަދު ކުރެ އެވެ.
ވީ ކިހިނެއް؟ - މިކަން ހާމަވީ، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން މި މަހުގެ ދެ ވަނަ ދުވަހު ޓޫރިޒަމް މިނިސްޓްރީގެ ސިޔާސީ މަގާމުތަކުގެ މައުލޫމާތު ހޯދުމަށް 'ދައުރު'ން އެ މިނިސްޓްރީގައި އެދުމުން މިއަދު އެ މިނިސްޓްރީން ފޮނުވި ޖަވާބުގަ އެވެ.
ތަފްސީލު - 'ދައުރު'ން އެދިފައި ވަނީ، 17 ނޮވެމްބަރު 2023އިން ފެށިގެން މި މަހު 2 ވަނަ ދުވަހުގެ ނިޔަލަށް އެ މިނިސްޓްރީއަށް އައްޔަންކޮށްފައި ތިބި ސިޔާސީ ބޭފުޅުންގެ އަދަދާއި އެމީހުންގެ މުސާރަތަށް ހޯދުމަށެވެ.
މިނިސްޓްެރީން ދިން ޖަވާބުން އެނގޭ ގޮތުގައި:
-
މިނިސްޓަރު އިބްރާހިމް ފައިސަލްއަށް 66،000ރ. މުސާރައަށް ލިބޭ
-
ސްޓޭޓް މިނިސްޓަރުގެ ގޮތުގައި އައްޔަންކޮށްފައި ވަނީ ދެ ބޭފުޅުން؛ އެ މަގާމުގެ މުސާރައަކީ، 43،500ރ.
-
ޑެޕިއުޓީ މިނިސްޓަރުގެ ގޮތުގައި 11 ބޭފުޅަކު އައްޔަންކޮށްފައިވޭ؛ އެ މަގާމުގެ މުސާރައަކީ، 31،500ރ.
-
ސީނިއާ ޕޮލިޓިކަލް ޑިރެކްޓަރުންގެ ގޮތުގައި 9 ބޭފުޅަކު އައްޔަންކޮށްފައިވޭ؛ އެ މަގާމުގެ މުސާރައަކީ، 25،500ރ.
-
ޕޮލިޓިކަލް ޑިރެކްޓަރުންގެ ގޮތުގައި ދެ ބޭފުޅަކު އައްޔަންކޮށްފައިވޭ؛ އެ މަގާމުގެ މުސާރައަކީ، 20،500ރ.
ކޮމެންޓް (3)
އަހަންމަދާ
ހޯހޯ އަހުމަދު
ނައީމްބެ