މާލޭގެ މަގުމަތީގައި މީގެ ކުރިން ކުނިތަކެއް ބަހައްޓާފައި. (ދައުރު ފައިލް ފޮޓޯ/އަބްދުﷲ އަނޫފް ޖުނައިދު)
މާލޭ މަގުމަތީ ކުނި ބަހައްޓާ މީހުންގެ ވީޑިއޯ ފޮނުވަން ކައުންސިލުން އެދެފި
މާލޭގެ މަގުތަކުގައި ކުނި ބެހެއްޓުމުގެ މައްސަލައަށް ހައްލެއް ނުލިބުމުން އެންމެފަހުން އެކަން ކުރާ މީހުން ހޯދުމަށްޓަކައި ފޮޓޯ އާއި ވީޑިއޯ ފޮނުވުމަށް މާލޭ ސިޓީ ކައުންސިލުން އާއްމުންގެ ކިބައިން އެދިއްޖެ އެވެ.
ވީ ކިހިނެއް؟ - ރޯދައަށް ގޭތެރެ ސާފުކޮށް ފަރުނީޗަރު އާ ކުރުމަށް ފަހު، ބޮޑެތި ކުނިތައް މަގުމައްޗަށް ދޫކޮށްލާ މައްސަލަ، ރޯދަ މަސް އައުމުގެ ދެތިން ހަފްތާ ކުރިންސުރެ ވަނީ ކުރިމަތިވެފަ އެވެ. މިގޮތަށް ބަހައްޓާ ކުނި ކައުންސިލުން ނަގަމުންދިޔަ ނަމަވެސް، އަދިވެސް އެކަން ދަނީ ތަކުރާރުވަމުންނެވެ.
ތަފްސީލު - ކައުންސިލްްގެ މީޑިއާ އޮފިސަރު މަރިޔަމް ޝަތުފާ ނޫސްވެރިންނަށް މިރޭ ފޮނުއްވި މެސެޖެއްގައި ވިދާޅުވީ އަދިވެސް މަގުތަކުގައި ކުނި ބަހައްޓާކަން ފާހަގަކުރެވެމުންދާ ކަމަށެވެ. އެހެންވެ، އެފަދަ މީހުންގެ މައުލޫމާތު ކައުންސިލަށް ދިނުމަށް އެދޭ ކަމަށް އެ މެސެޖްގައި ބުނެފައިވެ އެވެ. އޭނާ ވިދާޅުވިގޮތުގައި:
-
އެފަދަ މީހުންގެ ފޮޓޯ/ ވީޑިއޯ ފޮނުވާނީ 9341144 (ވައިބާ ނުވަތަ ވަޓްސްއެޕް) އަށް
-
އެ އިދާރާގެ ވެބްސައިޓްގެ ޝަކުވާ ހުށަހެޅުމަށް ހަދާފައިވާ ލިންކް މެދުވެރިކޮށް ވެސް ފޮނުވޭނެ
އެނގުން މުހިއްމު - މިކަން ކުރާ މީހުން ދެނެގަނެވޭ ހިސާބުން 500ރ.ގެ ރޭޓުން އެ މީހުން ކައުންސިލުން ދަނީ ޖޫރިމަނާ ވެސް ކުރަމުންނެވެ. ފެބްރުއަރީން ފެށިގެން މާޗް މަހުގެ ދެވަނަ ހަފްތާއާ ހަމައަށް އެފަދަ 100 މީހަކު ޖޫރިމަނާކޮށްފައިވެ އެވެ.
ރޯދަމަހުގެ މިދަން ގަޑީގަވެސް @MaleCitymv ގެހީވަގި މުވަށްޒަފުން ދަނީ ވަރށްބުރަކޮއް މާލެ ސިޓީ އަކީ ރީތި ނަލަ ތަނެއްގެ ގޮތުގަ ބޭއވުމަށް ގަދަ އަޅާމަސައްކަތް ކުރަމުން.
— Adam Azim (@adamazim) March 14, 2024
އަޅުގަނޑު އެދެނީ މަގުމައްޗަކީ ކުނި އަޅާ ތަނަކަށް ނުހެއްދެވުމަށް. ދިރި އުޅޭ ގެދޮރާއި… pic.twitter.com/mYdQmAdiG0
ފާހަގަކޮށްލެވޭ - ޝަތުފާ ރޭ ފޮނުއްވި މެސެޖެއްގައިވާ ގޮތުން އިއްޔެ އެކަނި ވެސް 30.4 ޓަނުގެ ކުނި މަގުތަކުން ނަގާފައިވެ އެވެ. އެއީ:
-
350 ކިލޯގެ 14 ޕިކަޕް ކުނި
-
1.5 ޓަނުގެ ހަތް ޕިކަޕް
-
3 ޓަނުގެ ތިން ޕިކަޕް
-
2 ޓަނުގެ ތިން ޕިކަޕް ކުނި
އިއްޔެ އެކަނި 30 ޓަނުގެ ކުނި ނެގިއިރު، އޭގެ ކުރީ ދެ ދުވަހު ޖުމްލަ 88 ޓަނުގެ ކުނި ނަގާފައިވެ އެވެ. އެއީ ދުވާލަކަށް ގާތްގަނޑަކަށް 44 ޓަނެވެ.
ގުޅުން ހުރި ބައެއް ހަބަރުތައް
ފަރުނީޗަރު ފަދަ ކުނިތައް ކުޑަ އަގުގައި އުކާލެވޭ ގޮތް ހަަދަނީ
17 މާރިޗު 2024
މަގުމައްޗަށް ކުނި އަޅާތީ 100އަށް ވުރެ ގިނަ މީހުން ޖޫރިމަނާ ކޮށްފި
15 މާރިޗު 2024
މަގުތަކަށް ކުނި އެޅުން ވަނީ ގިނަ؛ އިއްޔެ އެކަނި 40 ޓަނު
15 މާރިޗު 2024
15 ދުވަސް ތެރޭ 200 ޓަނުގެ ކުނި މާލެއިން ނަގައިފި
11 މާރިޗު 2024