އެމްޑީޕީ ޕާލިމަންޓްރީ ގްރޫޕުން މިއަދު ބޭއްވި ނޫސްވެރިންގެ ބައްދަލުވުން(ފޮޓޯ/ރައްޔިތުންގެ މަޖިލިސް)
އެމްޑީޕީގެ އިންޒާރެއް އީސީ މެންބަރުންނަށް: ރޯދައިގައި އިންތިހާބު ބާއްވާ ނަމަ ވަކިކުރާނަން
ކުރިއަށް އޮތް ރައްޔިތުންގެ މަޖިލީހުގެ އިންތިހާބު އިލެކްޝަންސް ކޮމިޝަން (އީސީ)އިން ގޮތް ދޫނުކޮށް މިހާރު ވެސް އިއުލާންކޮށްފައިވާ ގޮތަށް ރޯދަ މަސް ތެރޭ ބާއްވާ ނަމަ އެ ކޮމިޝަންގެ މެންބަރުން މަގާމުން ވަކިކުރާނެ ކަމުގެ އިންޒާރު މަޖިލީހުގެ މެޖޯރިޓީ ޕާޓީ، އެމްޑީޕީން މިއަދު ދީފި އެވެ.
ވީ ކިހިނެއް؟ - މިއަދު މަޖިލީހުގެ އިދާރާގައި ބޭއްވި އެމްޑީޕީގެ ޕާލިމަންޓްރީ ގްރޫޕްގެ ނޫސްވެރިންގެ ބައްދަލުވުމުގައި ނޫސްވެރިން ވަނީ ރޯދައިގެ ފަހުން އިންތިހާބު ބާއްވަން މަޖިލީހުން ފާސްކޮށްފައިވާ ބިލް ރައީސް މުހައްމަދު މުއިއްޒު ތަސްދީގު ނުުކުރައްވައިފި ނަމަ ދެން އަމަލުކުރާނެ ގޮތަކީ ކޮބައިތޯ ސުވާލުކޮށްފަ އެވެ.
-
އީސީން މިހާރު އިއުލާންކޮށްފައި ވަނީ އަންނަ މަހުގެ 17ގައި އިންތިހާބު ބާއްވަން؛ އެއީ ރޯދަ މަހުގެ ކުރީކޮޅު
-
ރޯދައިގެ ފަހުން އިންތިހާބު ބާއްވަން އިދިކޮޅު ޕާޓީތަކުން ބިލް ފާސްކުރީ ރޯދަ މަހުގެ އިންތިހާބު ބޭއްވުމަކީ އާންމުނާ ކެންޑިޑޭޓުންނަށް ވެސް އުނދަގޫ ކަމަކަށް ވާނެ ކަމަށް ބުނެ
-
ރައީސް ވަނީ ރޯދައިގެ ފަހަށް އިންތިހާބު ފަސްކުރަން ތާއީދު ނުކުރައްވާ ކަމަށް ވިދާޅުވެފައި
ބުނީ ކީކޭ؟ - ނޫސްވެރިންގެ ސުވާލުތަކާ ގުޅިގެން މަޖިލީހުގެ ނައިބު ރައީސްކަން ކުރައްވާ ހޯރަފުށީ ދާއިރާގެ މެމްބަރުކަން ވެސަލީމް ވިދާޅުވީ، އެ ހާލަތުގައި އެމްޑީޕީ ޕީޖީ ގްރޫޕުން އަމަލުކުރާނެ ގޮތްތަކާމެދު ފުންކޮށް ވިސްނަމުން އަންނަ ކަމަށެވެ.
އެގޮތުން ކަންކުރާނެ ގޮތެއް ކަމަށް ވިދާޅުވީ:
-
ބިލު ތަސްދީގު ނުކުރައްވާ އަނބުރާ މަޖިލީހަށް ފޮނުވާލައިފި ނަމަ އެޔަށްވުރެ ވެސް ބޮޑު އަގުލަބިއްޔަތަކުން އެ ބިލު ފާސްކުރުން
-
އެ ހިސާބުން އެއީ އަމަލުކުރުން ލާޒިން ގާނޫނަކަށް ވާނެ؛ ދެން ވެސް އެ ބިލު ރައީސް ބަލައި ނުގެންފި ނަމަ ދެން ބަލާނީ އީސީގެ ވިސްނުން ހުރި ގޮތެއް
-
މަޖިލީހުގެ ބޮޑު އަގުލަބިއްޔަތަކުން ފާސްކޮށްފައި އޮތް ބިލެއް ރައީސް ތަސްދީގު ނުކުރައްވައޭ ވިދާޅުވެ މިހާރު ކަނޑައަޅާފައި އޮތް ރޯދަމަހުގެ ތާރީހުގައި އިންތިހާބު ބާއްވަން އީސީން ނިންމައިފި ނަމަ އީސީގެ އިތުބާރު ނެތްކަމުގެ މައްސަލަ މަޖިލީހަށް ވައްދާނަން
"އެކަން ކުރަން ޖެހުނަސް އަޅުގަނޑުމެން މިތިބީ ތައްޔާރަށް. އަޅުގަނޑުމެން ބޭނުމެއް ނުވޭ ރައްޔިތުންގެ ރޫހާ ހިލާފަށް އެއްވެސް ކަމެއް މިގައުމުގައި ހިނގާކަށް،" ސަލީމް ވިދާޅުވި އެވެ.
އެނގުން މުހިންމު - މިމަހުގެ 11ގައި ފާސްކުރި އާންމު އިންތިހާބު ތަކާ ބެހޭ ބިލު ތަސްދީގު ކުރައްވަން ރައީސް އަށް ލިބިވަޑައިގަންނަވާ 15 ދުވަހުގެ މުއްދަތު އަންްނަ ހަފްތާއަށް ހަމަވާނެ އެވެ.
އިންތިހާބު ބާއްވާ ތާރީހަށް ގެނައި އިސްލާހުގައި ބުނެފައި ވަނީ:
-
ގާނޫނެއްގައި އެހެން ގޮތަކަށް ބަޔާންކޮށްފައިވީ ނަމަވެސް، ރޯދަ މަހުގެ ދުވަހެއްގައި އިންތިހާބެއް ބާއްވައިގެން ނުވާނެ
-
އަދި އިންތިހާބު ބާއްވަން ޖެހޭ ތާރީހު ރޯދަ މަހުގެ ދުވަހަކާ ދިމާވާ ނަމަ އެ އިންތިހާބެއް ބާއްވަންވާނީ ރޯދަ މަސް ނިމި 10 ދުވަސް ފަހުން
ކޮމެންޓް (2)
ހޯރަބެ
ދެބަންދިހާރަ