ފެނަކައަށް ހުސް 'ވައްކަމު'ގެ ތުހުމަތު؛ އެމްޑީޕީ މެންބަރުން ދިފާއަށް

ފެނަކަ ކުންފުނީގެ ކޮރަޕްޝަނާއި ދަރަނި އިތުރުވުމުން ދިޔުމާ ގުޅޭ ގޮތުން، އެކަމުގައި އެ ކުންފުނީގެ މެނޭޖިން ޑިރެކްޓަރު އަހުމަދު ސައީދަށް ވައްކަމުގެ ތުހުމަތުކޮށް، އެކަންކަން ބެލުމަށް ސަރުކާރާ އިދިކޮޅު މެންބަރުން މިއަދު މަޖިލީހުގައި ގޮވާލައްވައިފި އެވެ. އަދި އެ މައްސަލަތައް ނުބަލާ ތިބޭ ކަމަށް ބުނެ، އެންޓި-ކޮރަޕްޝަން ކޮމިޝަން (އޭސީސީ)އަށް ވެސް މެންބަރުން ވަނީ ފާޑު ވިދާޅުވެފަ އެވެ. 

ވީ ކިހިނެއް؟ - މެންބަރުން މިގޮތަށް ވާހަކަ ދެއްކެވީ، އިދިިކޮޅު ޕީއެންސީގެ ނައިބު ރައީސް، މަޑުއްވަރީ ދާއިރާގެ މެންބަރު އާދަމް ޝަރީފް މިދިޔަ އެޕްރީލް މަހު، ފެނަކައިގެ މާލީ ހަލާތާ ގުޅޭ ގޮތުން ހުށަހަޅުއްވާފައިވާ ގަރާރަށް ބަހުސް ކުރައްވަމުންނެވެ. އެ ގަރާރުގައި އޭނާ ގޮވާލައްވާފައި ވަނީ:

ތަފްސީލު - ފެނަކައިން ހިންގާފައިވާ ވިޔަފާރި މުއާމަލާތްތަކަށް 2.8 ބިލިއަނަށް ވުރެ ބޮޑު ދަރަންޏެއް އަރައި، ކުދި ވިޔަފާރިތަކުގެ ބިލުތަކަށް ދޭން ޖެހޭ ފައިސާ ނުލިބޭ ކަމުގެ ކަންބޮޑުވުން އާދަމް ޝަރީފްގެ ގަރާރުގައި ވެސް ފާހަގަކޮށްފައިވެ އެވެ. ގަރާރަށް ބަހުސް ކުރެއްވި ސަރުކާރާ އިދިކޮޅު ހުރިހާ މެންބަރުން ކަހަލަ ގޮތަކަށް އެ ކަންބޮޑުވުން ފާޅު ކުރެއްވި އެވެ.

"ރައްޔިތުން ލައްވާ ކުދިކުދި ކަންކަންކޮށްފައި ދޭން ޖެހޭ ފައިސާ، އަވަހަަށް އެ ކުންފުނިތަކަށް ދެވޭނެ ގޮތެއް ދައުލަތުން ހޯދައިދޭން އެބަ ޖެހޭ، ސަރުކާރުން ހޯދައިދޭން ޖެހޭ. އޭގެ ސަބަބުން، އެ ކުންފުނިތަކާއި ކުންފުނިތަކުގެ މުވައްޒަފުންނަށް އެ ލިބެމުންދާ ނިކަމެތިކަމަކީ، ހަގީގަތުގައި ސަރުކާރުން މިއަށްވުރެ ފުންކޮށް ވިސްނައި، އެކަންކަން ހައްލުކޮށްދޭން ޖެހޭނެ ކަންކަން،" ހެންވޭރު ހުޅަނގު ދާއިރާގެ ޑިމޮކްރެޓްސް މެންބަރު ވިދާޅުވި އެވެ.

އެއާއެކު، އެނާ ނެންގެވީ، ފެނަކަ ތެރޭގައި އޮތް ކޮރަޕްޝަންގެ މައްސަލަތަކުގެ ވާހަކަ އެވެ. އެގޮތުން ވިދާޅުވީ:

"މި ސަރުކާރު އެކަންޏެއް ނޫން، ދެން އަންނަ ސަރުކާރުކަަށް ވެސް އެ ލިބެނީ ހިތްވަރެއް އެ މައްސަލަތައް ނުބެލި ދާނަމަ. 72 މިލިއަން ރުފިޔާއަކީ، ކުޑަ އަދަދެއްގެ ފައިސާއެއް ނޫން،" ގަރާރުގައި ފެނަކައިގެ އޮޑިޓެއް ހެދުމަށް ހުށަހަޅާފައިވާ ހުށަހެޅުމަށް ތާއީދު ކުރައްވައި، މަޖިލީހުގެ ކޮމިޓީތަކުން އެ މަސައްކަތް ބާރަށް ކުރުމަށް އެދިވަޑައިގެން ހަސަން ވިދާޅުވި އެވެ.

"އަދި މުއައްސަސާތަކަށް އަންގަން ޖެހޭ އެންގުންތައް ވެސް އަންގަން ޖެހޭ. އެކަން އެ މުއައްސަސާތަކުން ނުކުރާ ނަމަ، އެ މުއައްސަސާތަކުގައި ތިބި މީހުން ބަދަލު ކުރަން ވެސް ޖެހޭ."

ހުޅުދޫ ދާއިރާގެ ޑިމޮކްރެޓްސް މެންބަރު އިލްޔާސް ލަބީބް ތުހުމަތުކުރެއްވި ގޮތުގައި، އޭސީސީގެ މެންބަރުން މި ސަރުކާރުން ބަދަލު ކުރީ ފެނަކައިގެ ކޮރަޕްޝަންތައް ބަލަން ފެށުމުންނެވެ. ފަހުން އައްޔަން ކުރި މެންބަރުން، އެ ކުންފުނީގެ ކޮރަޕްޝަންތައް ބެލުމަށް 'އެއްވެސް ކަމެއް ނުކުރައްވާ' އެ މައްސަލަތައް ޕާކުކޮށްލާފައިވާ ކަމަށް ވެސް އޭނާ ވިދާޅުވި އެވެ.

"ފެނަކައިގެ މިކަހަލަ މައްސަލަތައް މުޅި ރަށު ތެރޭ ދެކެވެމުންދާއިރު، ނުބަލާ ތިބުމުން އޭސީސީގެ އިހުލާމު ވެސް އެބަ އޮތް،" އިލްޔާސް ވިދާޅުވި އެވެ.

"ގަރާރުގައި އެބަ ބުނޭ، 2.8 ބިލިއަން ރުފިޔާއަށް ފެނަކަ ދަރާފަ އޮތް ކަމަށް. މިހާރު ބަލައިފިއްޔާ، 3.5 ބިލިއަން ރިފުޔާއަށް ދަރަފާއި އޮންނާނީ، ލިބިފަ ހުރި މައުލޫމާތައް ބަލައި."

އޭނާ އިތުރަށް ވިދާޅުވީ:

ބައެއް މެންބަރުން ކުންފުނީގެ މެނޭޖިން ޑިރެކްޓަރު އަހަމަދު ސައީދަށް ވެސް ފާޑުކިޔުން އަމާޒު ކުރި އެވެ.

ސަރުކާރާ ދެކޮޅު މެންބަރުން ތުހުމަތު ކުރެއްވި ގޮތުގައި، މި ސަރުކާރުން ފެނަކަ ބޭނުން ކުރީ، އިންތިހާބު ކާމިޔާބު ކުރުމަށް ބޭނުންކުރި އާލާތެއްގެ ގޮތުގަ އެވެ. ބޭނުން ނުވާ ވަރަށް، ވަޒީފާތައް އުފައްދައި، މާލީ ހާލަތު އެ ހިސާބަށް ދިޔުމުގައި މިހާރު އެ ކުންފުނީގެ ވެރިން ޒިންމާވާން ޖެހޭނެ ކަމަށް އެ މެންބަރުން ވިދާޅުވި އެވެ. 

ފެނަކައިގެ ދިފާއުގައި ވެރިކަން ކުރާ މައި ޕާޓީ، އެމްޑީޕީގެ މެންބަރުން ވިދާޅުވީ، އެ މައްސަލަތައް ބަލަންވީ ކަމަށާއި އެކަމަށް ހުރަސް އަޅަން ނޫޅޭ ކަމަށެވެ. ނަމަވެސް އެ ކުންފުނީގެ މާލީ ހާލަތު އެ ހިސާބަށް ދިޔަ ސަބަބާ ގުޅޭ ގޮތުން އެ މެންބަރުން ދިފާއުގައި އެކި ސަބަބުތައް ދެކެއްވި އެވެ. 

ހުޅުމާލެ ދާއިރާގެ މެންބަރު އަލީ ނިޔާޒު ވިދާޅުވި ގޮތުގައި:

"ދަރަނީގެ ވާހަކަ ދައްކާއިރު، ފެނަކައިން އިތުރު ކުރި އެސެޓްެގެ ވާހަކަ އަޅުގަނޑުމެން ނުދައްކާ. އެ ދަރަންޏާ ނުބައްދަލަށް ފެނަކައިން މި ވަނީ، އެ ކުންފުނީގެ ރައުސްމާލު އިތުރުކޮށްފައި،" އެ ކުންފުނީގެ ދިފާއުގައި އެމްޑީޕީގެ ޕާލިމަންޓްރީ ގްރޫޕުގެ ލީޑަރު، ހިތަދޫ އިތުރު ދާއިރާގެ މެންބަރު މުހައްމަދު އަސްލަމް ވިދާޅުވި އެވެ.

އިތުރުކުރި އެސެޓްގެ ގޮތުގައި އަސްލަމް ވިދާޅުވީ:

އަސްލަމް ހިމެނޭ ގޮތަށް، އެމްޑީޕީގެ ބައެއް މެންބަރުން ފެނަކައިގެ މާލީ ހާލަތު އެ ހިސާބަށް އައުމުގައި، ކުރީގެ ސަރުކާރުތަކަށް ވެސް އިނގިލި ދިއްކުރި އެވެ. މި ހިސާބަށް އެހާ ބޮޑު ދަރަންޏެއް އައީ، އެ ސަރުކާރުތަކުގައި ހުރި ދަރަނިތައް އެއްވަމުން އެއްވަމުން އައިސް ކަމަށް އެ މެންބަރުން ވިދާޅުވި އެވެ.

އިތުރަށް ކިޔާލަން: ފެނަަކައިގެ ދަރަނި 2.22 ބިލިއަން ރުފިޔާގައި؛ މާލީ ހާލަތު ނާޒުކު: ޕީސީބީ

ފާހަގަކޮށްލެވޭ ކަމެއް - ފެނަކައިން އެކި މަސައްކަތްތައް ހަވާލުކުރި ކޮންޓްރެކްޓަރުންނަށް ދޭން ޖެހޭ ގިނަ އަދަދެއްގެ ފައިސާ ނުލިބޭތީ އޭގެ ތެރެއިން 19 ކޮންޓްރެކްޓަރަކު ވަނީ މިދިޔަ އޮގަސްޓް މަހުވެސް ކަންބޮޑުވުން ފާޅުކޮށްފަ އެެވެ. އެ މީހުން ބުނާ ގޮތުގައި ނުލިބި ހުރި ފައިސާގެ މިންވަރު 200 މިލިއަން ރުފިޔާއަށް ވުރެ މަތިވާނެ އެވެ. އެ ފައިސާ ހޯދުމަށް ބައެއް ކޮންޓްރެކްޓަރުން ފެނަކަ އޮފީސް ކުރިމަތީ އެކި ފަހަރު މަތިން މުޒާހަރާ ވެސް ކޮށްފައިވެ އެވެ.

ފެނަކައިގެ ދަރަނި ހަމަޖެއްސުމަށްޓަކައި، މިފަހުން ވަނީ 400 މިލިއަން ރުފިޔާގެ ލޯނެެއް މޯލްޑިވްސް އިސްލާމިކް ބޭންކު (އެމްއައިބީ)އިން ނަގައިފަ އެވެ.