ޕެންޝަން އޮފީހުގެ ސީއީއޯ ސުޖާތާ ކޮންފަރެންސެއްގައި ވާހަކަ ދައްކަވަނީ (ފޮޓޯ/ޕެންޝަން އޮފީސް)
ޕެންޝަން އޮފީހުގެ ސީއީއޯ ވެސް ބޮންޑު މައްސަލައިގައި އިސްތިއުފާ ދިފި
ޕެންޝަން ފަންޑް މެދުވެރިކޮށް ސަރުކާރުގެ ހަރަދުތަކަށް ފައިސާ ޗާޕްކުރަން މަގުފަހިކުރި މުއާމަލާތާ ހިތްހަމަ ނުޖެހިގެން ޕެންޝަން އޮފީހުގެ ސީއީއޯ ސުޖާތާ ހަލީމް ވެސް އިސްތިއުފާދެއްވައިފި އެވެ.
ވީ ކިހިނެއް؟ - ޕެންޝަން ފަންޑުން އިންވެސްޓުކޮށްފައި ހުރި 2.4 ބިލިއަން ރުފިޔާގެ ބޮންޑު އެމްއެމްއޭއަށް ވިއްކާލުމަށް ފަހު އެ ފައިސާ ބޭނުންކޮށްގެން ސަރުކާރުގެ ބޮންޑަކަށް އިންވެސްޓުކުރަން ޕެންޝަން އޮފީހުގެ ބޯޑުން ނިންމީ އިއްޔެގެ ވަގުތެއްގަ އެވެ.
އޭނާ އިސްތިއުފާ ހުށަހެޅުއްވީ މިއަދު އެވެ. އިތުބާރުހުރި މަސްދަރުތަކުން ކަށަވަރުވެފައިވާ ގޮތުގައި އޭނާ އިސްތިއުފާ ދެއްވީ އެ މުއާމަލާތް ކުރިއަށް ގެންދިޔުން ގަބޫލުނުކުރައްވާތީ އެވެ.
ގުޅުންހުރި - އެ މުއާމަލާތާ މެދު ހިތްހަމަ ނުޖެހިގެން ޕެންޝަން ބޯޑްގެ ޗެއާމަން އަހުމަދު އިނާޒު އަދި އެ ބޯޑުގެ މެންބަރެއްގެ ގޮތުގައި ހުންނެވި ސަރުވަސް އާދަމް ވެސް ވަނީ އިސްތިއުފާ ދެއްވައިފަ އެވެ. އަދި ސީއެފްއޯ ވެސް މީގެ ކުރިން ވަނީ އެކަމާ ގުޅިގެން އިސްތިއުފާ ދެއްވައިފަ އެވެ.
ކޮމެންޓް (4)
އާމި
މުޙައްމަދު
މުއިއްޒު
ހަތަރެސްކަން