މުހައްމަދު ސަރުވަޝް މީގެ ކުރިން ބޭއްވި ފޯރަމެއްގައި ވާހަކަ ދައްކަވާއިރު އަރިހުގައި ޕެންޝަން ފަންޑުގެ ޗެއާމަން އަހުމަދު އިނާޒް - ފޮޓޯ/ވޯލްޑް ބޭންކް
ސަރުކާރުގެ ބޮންޑް މައްސަލައިގައި ސަރުވަޝް ޕެންޝަން ބޯޑުން އިސްތިއުފާ ދީފި
މަރުކަޒީ ބޭންކް، އެމްއެމްއޭން ފައިސާ ދީގެން ސަރުކާރުގެ ބޮންޑެއް ޕެންޝަން ފަންޑުން ގަންނަ މައްސަލައިގައި ހިތްހަމަ ނުޖެހި އެ ބޯޑުގައި އިންނަވާ އަހުމަދު ސަރުވަޝް އާދަމް ބޯޑުން އިސްތިއުފާ ދެއްވައިފި އެވެ.
ވީ ކިހިނެއް؟ - އޭނާ އެކަން ހާމަކުރެއްވި މިއަދު އެކްސްގައި ކުރެއްވި ޕޯސްޓެއްގަ އެވެ.
"އެމްއެމްއޭން ފައިނޭންސް ކުރާ ބޮންޑް ކުރިއަށް ގެންދިއުމަށް ނިންމުމާ ގުޅިގެން އަޅުގަނޑު ޕެންޝަން ބޯޑުން އިސްތިއުފާ ދީފީން،" ސަރުވަޝް އެކްސްގައި ވިދާޅުވި އެވެ.
ތަފްސީލް - ސަރުވަޝް މިއަދު އެކްސްގައި ކުރެއްވި އެ ޕޯސްޓްގައި އިތުރަށް ވިދާޅުވީ އެ ބޮންޑް ގަތުމުގެ މުއާމަލާތަކީ ގާނޫނީ އަދި އިގްތިސާދީ ގޮތުން ސީރިއަސް ކަންބޮޑުވުންތަކެއް ހުރި ނިންމުމެއް ކަމަށް އޭނާއަށް ގަބޫލުކުރެއްވޭ ކަމަށެވެ. އަދި ވިދާޅުވީ:
-
މަގާމުން އިސްތިއުފާ ދެއްވީ ތެދުވެރިކަމާއި ނަޒާހަތްތެރިކަން އަދި މުއައްސަސާގެ މިނިވަންކަމުގެ އުސޫލުތައް ދެމެހެއްޓުމަކީ ކުރަން ޖެހޭ ކަމެއް ކަމަށް ގަބޫލުކުރައްވާތީ ކަމަށް
I have resigned from the Pension Board after the decision to proceed with the MMA-financed bond.
— Saruvash Adam (@saruvash) October 22, 2025
I believe it raises serious legal, fiduciary, and economic concerns, and I chose to step down to uphold the principles of prudence, integrity, and institutional independence.
އެނގުން މުހިންމު - އެމްއެމްއޭން ހުށަހަޅާފައި ވަނީ، ޕެންޝަން ފަންޑުން މިހާރު ގަނެފައިވާ ސަރުކާރުގެ 2.4 ބިލިއަން ރުފިޔާގެ ބޮންޑް އެމްއެމްއޭން ސެކަންޑްރީ ބާޒާރުގައި ގަނެ ފަސް އަހަރު ދުވަހުގެ ދިގު މުއްދަތުގެ ބޮންޑަކަށް ބަދަލު ކުރާށެވެ. އަދި ނިންމާފައި ވަނީ:
-
އެ ބޮންޑު ގަންނަން، އެމްއެމްއޭން ދައްކާ ފައިސާއިން 2.4 ބިލިއަން ރުފިޔާގެ ސަރުކާރުގެ އާ ބޮންޑެއް ގަންނަން ޕެންޝަން ފަންޑުން އިންވެސްޓްކުރަން
މި ބާވަތުގެ މުއާމަލާތަށް ކުއަންޓިޓޭޓިވް އީޒިންއޭ ކިޔަ އެވެ. އެކަމުގެ ކަންބޮޑުވުމަކީ މަރުކަޒީ ބޭންކުން އެ މުއާމަލާތް ކުރުމުން އިގްތިސާދުގައި ދައުރުވާ ރުފިޔާ އިތުރުވެ، ދިވެހި ރުފިޔާގެ އަގު ވެއްޓި އެކަމުން އިންފްލޭޝަން ނުވަތަ ތަކެތީގެ އަގު ބޮޑުވާނެތީ އެވެ.
ފިނޭންސް މިނިސްޓްރީން ބުނެފައި ވަނީ އެކަން ކުރަނީ ސަރުކާރުން އަމިއްލަ ކުންފުނިތަކަށް ނުދެއްކި ގިނަ ދުވަސްވެފައި ހުރި ބިލްތައް ދައްކާ ހަލާސްކުރުމަށް ކަމަށެވެ. އަދި އެކަމުގެ ސަބަބުން ކުރިމަތިވެދާނޭ އިގްތިސާދީ މައްސަލަތަކަށް އެމްއެމްއޭން އެކަށީގެންވާ ފިޔަވަޅު އަޅާނެ ކަމުގެ ޔަގީންކަން ފިނޭންސް މިނިސްޓްރީން ދީފައިވެ އެވެ. އެ މިނިސްޓްރީން ގަބޫލުކުރަނީ:
-
ކުންފުނިތަކަށް ނުދެވި ހުރި ފައިސާ ދިނުމުން ވަޒީފާތައް ރައްކާކުރެވި އިގްތިސާދީ ވިލުންތެރިކަން އިތުރުކުރެވި ހަމަޖެހުން ގެނެވޭނެ ކަމަށް
ކޮމެންޓް (4)
ހާލަތު
ޖުހާ
ހަތަރެސްކަން
ތެފައާސާ.