މިދިޔަ ހަފްތާގައި ފުލުހުން އަތުލައިގަތް 100 ކިލޯގެ މަސްތުވާތަކެތި. (ފޮޓޯ/ ޕޮލިސް)
100 ކިލޯ ޑްރަގު މައްސަލައިގައި އިސް މީހުން ދޫކުރި މައްސަލަ އިސްތިއުނާފު ނުކުރަން ނިންމައިފި
މިިދިޔަ ބުރާސްފަތި ދުވަހު ފުލުހުން ހިންގި ޑްރަގު އޮޕަރޭޝަންގައި ހޯދި 100 ކިލޯ ރާއްޖެ އެތެރެކުރި ޑްރަގު ނެޓްވޯކުގެ އިސް މީހުން ކަމަށް ތުހުމަތުކުރެވޭ މީހުން ކޯޓުން ދޫކޮށްލި މައްސަލަ އިސްތިއުނާފު ނުކުރުމަށް ޕްރޮސެކިއުޓާ ޖެނެރަލް (ޕީޖީ) އޮފީހުން ނިންމައިފި އެވެ.
އެންގުން މުހިންމު - އެ މައްސަލައިގައި ފުލުހުން ހައްޔަރު ކުރި 10 މީހުންގެ ތެރެއިން ބަންދުގެ މުއްދަތު ޖެހީ އަށް މީހުންނަށެވެ. ބަންދުގެ މުއްދަތު ނުޖަހާ ދޫކޮށްލި ދެ މީހުންނަކީ އެ ނެޓްވޯކުގެ އިސް ދެ މީހުން ކަމަށް ތުހުމަތު ކުރެވެ އެވެ.
ތަފްސީލު - ޕީޖީ އޮފީހުން މިއަދު ބުނީ، އެ މައްސަލައިސްތިއުފާ ނުކުރަން ނިންމި ސަބަބަކީ:
-
ހައި ކޯޓު މަރުހަލާގައި އިތުރު ހެކި ހުށަހެޅުމުގެ ފުރުސަތު ނޯންނާނެތީ އާއި ދަށު ކޯޓަށް ހުށަހެޅި ހެއްކާއި ގަރީނާގެ މައްޗަށް ބަލައި ބަންދުން ދޫކޮށްލި އަމުރު އިސްތިއުނާފު ކޮށްގެން ވަކި ތަފާތު ނަތީޖާއެއް ނެރެވިދާނެ ކަމަށް ނުފެންނާތީ
-
އެ ދެ މީހުންގެ މައްޗަށް އިތުރު ހެއްކާއި ގަރީނާ ހޯދިއްޖެ ނަމަ ހައްޔަރުކުރުމުގެ އާ އަމުރަކަށް އެދި ދަށު ކޯޓަށް ހުށަހެޅުމުގެ ފުރުސަތު އޮންނާނެތީ
އެ މައްސަލަގައި ހައްޔަރު ކުރި މީހުންގެ ވަނަވަރު ފުލުހުން ހާމަ ކުރީ ދޫކޮށްލި ދެ މީހުން ނުހިމަނަށެވެ.
ދެމީހުން ދޫކޮށްލަން ކޯޓުން ނިންމި ނިންމުން އިސްތިއުނާފު ކުުރުމަށް ފުލުހުންގެ ފަރާތުން މީގެ ކުރިން އެދުނެ އެވެ. މައްސަލަގައި ހައްޔަރު ކުރި މީހުންގެ ވަނަވަރު ފުލުހުން ހާމަ ކުރީ ދޫކޮށްލި ދެ މީހުން ނުހިމަނަ އެެވެ.
އެ މައްސަލައިގައި މިހާރު ހައްޔަރުގައި ތިބި 8 މީހުން؛
-
ޖުމާން މުސްއަފާ (19އ.): ނ. ވެލިދޫ، ބީޗްހެވެން
-
އިބްރާހީމް ޒައިދު ހަބީބު (25އ): ގއ. ކޮލަމާފުށި، ސޯސަންގެ
-
މުހައްމަދު އަހްމަދު (34އ): ލ. ކަލައިދޫ، ޖަނަވަރީމާގެ
-
އިބްރާހީމް ސިނާނު (24އ): ހދ. ކުމުންދޫ، ޑިއާފުރެންޑް،
-
މުހައްމަދު ހުސައިން (61އ): ދ. ބަނޑިދޫ، ޕޮލަރިސް،
-
އެމްޑީ ރަފީގުލް އިސްލާމް (35އ): ބަންގްލަދޭޝް
-
ޑީއެމް މޮބިން (24އ): ބަންގްލަދޭޝް
-
މިދުހަތު އިބްރާހީމް (26އ): ގއ. ދެއްވަދޫ، ދޭލިޔާގެ
މި މީހުން ހައްޔަރުކުރި އޮޕަރޭޝަންގައި ރާއްޖޭގެ ބައެއް ފަޅުރަށްރަށާއި ހުޅުމާލެ އާއި މާލެ އާއި މާލޭގެ ބައެއް ގޭގޭގެ އިތުރުން ސަފާރީއަކާއި ލޯންޗެއް ފުލުހުން ބަލައި ފާސްކުރި އެވެ. އެގޮތުން، 100 ކިލޯއަށް ވުރެ ގިނަ މަސްތުވާތަކެތި ހޯދާފައިވަނީ ފަޅުރަށެއް ކަމަށްވާ އދ. ބޮޑުކާށިހުރާގައި ފޮރުވާފައި ހުއްޓަ އެވެ.
ގުޅުންހުރި - އެ އޮޕަރޭޝަންގެ އިތުރުން، މިދިޔަ ހުކުރު ދުވަހު ފުލުހުން ހިންގި ބޮޑު އޮޕަރޭޝަނެއްގައި 215 ކިލޯގެ މަސްތުވާތަކެތި އަތުލައިގަނެ، ދެ މީހަކު ވަނީ ހައްޔަރުކޮށްފަ އެވެ. މިއަދު ފުލުހުން ވަނީ އެމީހުންގެ ވަނަވަރުވެސް ހާމަކޮށްފައެވެ. އަދި އެމީހުންގެ ބަންދަށް ވަނީ15 ދުވަސް ޖަހާފައެވެ.
ދެ އޮޕަރޭޝަންގައި ޖުމްލަ 315 ކިލޯގެ މަސްތުވާތަކެތި އަތުލައިގަނެވުނެވެ.
އިތުރަށް ކިޔާލަން -
ކޮމެންޓް (2)
އިބްރާހިމް
ހަހަހަހަ