މުދިމަށް ނަފްސާނީ ގޮތުން ވަނީ އަސަރުކޮށްފައި؛ ރޭގަނޑު ނުނިދޭ: އާއިލާ

ތ. ދިޔަމިގިލީގައި ވަޅިން ހަަމަލާ ދިން އެ ރަށު މިސްކިތުގެ ވަގުތީ މުދިމު އަހުމަދު ރަޝީދަށް އަދިވެސް ފަރުވާ ދެމުން އަންނައިރު އޭނާގެ ނަފްސާނީ ހާލަތު ގޯސްވެފައިވާ ކަމަށް އާއިލާއިން މިއަދު ބުނެފި އެވެ.

ވީ ކިހިނެއް؟ - ދިޔަމިގިލީ މަސްޖިދުލް އަމާނާތުގެ މުދިމެއްގެ ގޮތުގައި މަސައްކަތް ކުރަމުން އައި 55 އަހަރުގެ ރަޝީދަށް ހަމަލާ ދިނީ މި މަހުގެ 13ގަ އެވެ. އޭނާގެ ގަޔަށް 13 ފަހަރު ވަޅި ޖެހުމުގެ ސަބަބުން ބޮޑެތި ޒަހަމްތަކެއް ލިބިފައިވެ އެވެ. 

ބުނީ ކީކޭ؟ - ރަަޝީދުގެ ކޮއްކޮ، އާދަމް ޝަފީގު ބުނި ގޮތުގައި، މިހާތަނަށް ރަޝީދުގެ ދެ އޮޕަރޭޝަނެއް ކޮށްފައި ވާއިރު، އޭނާގެ ހާލު ކުރިއަށް ވުރެ ރަނގަޅެވެ. އެކަމަކު ކަނާތު ފައި އެއްވެސް ވަރަކަށް މަސައްކަތް ނުކުރާއިރު ނަފްސާނީ ގޮތުން ވެސް ބޮޑެތި އަސަރުތަކެއް ކޮށްފައިވާ ކަމަށް އާދަމް ޝަފީގު ބުންޏެވެ.

"ރޭގަނޑު އެއްގޮތަކަށް ވެސް ނުނިދޭ. ނިދި ޖެހިލާއިރަށް 'އޭއް އޭއް' ކިޔާފައި ހަޅޭއްލަވަމުން ހޭލެވޭ، " އޭނާ ބުންޏެވެ.

އާދަމް ޝަފީގު ބުުނި ގޮތުގައި:

އައިޖީއެމްއެޗުގެ ސާޖިކަލް ވޯޑުގައި ރަޝީދަށް ފަރުވާ ދެމުން އަންނައިރު އޭނާއަށް މިހާރު ރަނގަޅަށް ވާހަކަ ދައްކައި ކައިބޮއި ހެދެ އެވެ. އެކަމަކު އެއްގޮތަކަށް ވެސް ނުހިނގުމަކީ އާއިލާގެ ކަންބޮޑުވުމެކެވެ.

ޝަފީގު ބުނީ ބޭބެގެ ފައި އެއްކޮށް ރަނގަޅު ވާނެކަމުގެ ޔަގީންކަން ޑޮކްޓަރުން އަދި ނުދޭ ކަމަށެވެ.

ރަޝީދުގެ ގަޔަށް ވަޅި ޖެހީ، އޭނާގެ އެކުވެރިއެއް ކަމަށްވާ ހަސަން ސާމިދެވެ. އެ މައްސަލައިގައި އޭނާ މިހާރު ހުރީ ހައްޔަރުކޮށްފަ އެވެ.

އެނގުން މުހިންމު - ރަޝީދުގެ ގާތް ރަހުމަތްތެރިއްގެ ގޮތުގައި ހުރެ، ސާމިދު އޭނާގެ ގަޔަށް ވަޅި ޖެހީ ކީއްވެ ކަމެއް އަދިވެސް ސާފެއް ނުވެ އެވެ.  

ރަޝީދުގެ ގަޔަށް ވަޅި ޖެހި ތަން ފެންނަ ސީސީޓީވީ ވީޑިއޯ ފުޓޭޖެއް ވެސް ސޯޝަލް މިޑިއާގައި ވަނީ ދައުރުވެފަ އެވެ. ގެއެއްގެ ބޭރުގައި ހަރުކޮށްފައި ހުރި ކެމެރާއަކުން ނަގާފައިވާ އެ ވިޑީއޯއިން ފެންނަ ގޮތުގައި މަގުމަތީގައި ދެ މީހުން ވާހަކަދައްކަން ތިބެފައި ބައިސްކަލު މަތީގައި އިން ރަޝީދަށް ދިގު ވަޅިއަކުން ސާމިދު ހަމަލާ ދެ އެވެ. 

ފުރަތަމަ ހަމަލާ ދިނީ ފަސް ވަރަކަށް ފަހަރު އެވެ. އަދި ދުރަށް ދިއުމަށް ފަހު، ދެ ވަނަ ފަހަރަށް އެނބުރި ގޮސް، އަނެއްކާ ވެސް ފަސް ވަރަކަށް ފަހަރު ވަޅި ހަރާ ތަން ފެނެ އެވެ.

އިތުރަށް ކިޔާލަން -