މުދިމަށް ހަމަލާ ދިން މީހާ ވަޅީގައި ހުރި ލޭ ސާފުކުރަނީ: މުދިމަށް އިތުރު ފަރުވާދިިނުމަށް މިހާރު ވަނީ މާލެ ގެނެސްފައި.
މުދިމަށް 'ހަމަލާ ދިން މީހާ' ޝަރީއަތް ނިމެންދެން ބަންދުކޮށްފި
ތ. ދިޔަމިގިލީ މިސްކިތުގެ ވަގުތީ އިމާމަށް އިއްޔެ ވަޅިން ހަމަލާދީ ޒަހަމްކޮށްލި ކަމުގެ ތުހުމަތުގައި ހައްޔަރުކުރި މީހާ ޝަރީއަތް ނިމެންދެން ބަންދުކުރަން އެ އަތޮޅު މަޑިފުށީ މެޖިސްޓްރޭޓް ކޯޓުން މިއަދު އަމުރުކޮށްފި އެވެ.
ވި ކިހިނެއް؟ - ދިޔަމިގިލީ މަސްޖިދުލް އަމާނާތުގެ މުދިމަކަށް މީގެ ތިން ދުވަސް ކުރިން ހަމަޖެއްސި އުމުރުން 55 އަހަރުގެ އަހްމަދު ރަޝީދު މުހައްމަދަށް ވަޅިން ހަމަލާ ދިނުމުގެ ސަބަބުން އޭނާ އިއްޔެ މާލެ ގެނެސް އައިޖީއެމްއެޗްގައި އަންނަނީ ފަރުވާ ދެމުންނެވެ.
އޭނާއަށް ހަމަލާދީފައި ވަނީ އިއްޔެ ހެނދުނު 10 ޖަހަނިކޮށް، އެ ރަށު މަގެއްގެ މަތިންނެވެ.
ތަފްސީލް - ހަމަލާ ދިންތާ މާ ގިނައިރުތަކެއް ނުވަނީސް ފުލުހުން ވަނީ ތުހުމަތުކުރެވޭ މީހަކު ހައްޔަރުކޮށްފަ އެވެ. އެގޮތުން:
-
ހައްޔަރުކޮށްފައި ވަނީ 35 އަހަރުގެ ދިވެހި ފިރިހެނެއް
-
އޭނާގެ ބަންދާ މެދު ގޮތެއް ނިންމަން މިއަދު މަޑިފުށީ މެޖިސްޓްރޭޓް ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކުރަން އަމުރުކޮށްފައިވޭ
އެނގުން މުހިންމު - މުދިމުގެ އާއިލާއިން މިއަދު 'ދައުރު'އަށް ބުނީ، އޭނާގެ ހަށިގަނޑުގެ ހަތަރު ތަނަކަށް 13 ފަހަރު ވަޅި ހަރާފައިވާ ކަމަށެވެ. މައިބަދައަށް ގެއްލުންވެފައި ހުރުމުގެ ސަބަބުން، އޭނާގެ ދެ ފައި ހަރަކާތް ކުރުމުގައި މައްސަލަތަކެއް އުޅޭ ކަމަށް އާއިލާއިން ބުންޏެވެ.
ބޮލާއި ކަރުގައި ވެސް ފުން ޒަހަމްތަކެއް ހުރި ނަމަވެސް އޭނާގެ ހާލު މިހާރު މަޑުމަޑުން ރަނގަޅުވަމުން އަންނަކަމަށް އާއިލާއިން ބުންޏެވެ.
ފަސްމަންޒަރު - މުދިމަށް ހަމަލާ ދިނީ އޭނާގެ ވަރަށް ގާތް ރަހުމަތްތެރިއެއް ކަމަށް އާއިލާއިން ބުންޏެވެ. އަދި އެފަދަ ހަމަލާއެއް ދިން ސަބަބެއް ސާފު ނުވާ ކަމަށް ވެސް ބުންޏެވެ.
އިތުރަށް ކިޔާލަން -
-
1-