އަމީނީމަގު ޝަރީއަތް ފަށައިފި؛ އާދިއްތަ ދުވަހު ގޮތެއް ނިންމަނީ

ޒަމާނީ ފެންވަރަށް އަމީނީމަގު ހެދުމުގެ މަޝްރޫއުގެ ދަށުން، އެ މަގުގެ ދެ ފަރާތުގައި ހައްދާފައި ހުރި އޮފިއެލޭ ގަސްތައް ނަގަމުންދާތީ، އެކަން ހުއްޓުވުމުގެ ވަގުތީ އަމުރަކަށް އެދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ސިވިލް ކޯޓަށް ހުށަހެޅުއްވި މައްސަލައިގެ ފުރަތަމަ އަޑުއެހުން މިއަދު ބާއްވައިފި އެވެ.

ދެ ފަރާތުގެ ވާހަކަތައް އަޑުއެހުމަށް ފަހު މައްސަލަ ބައްލަވާ ގާޒީ މަރިޔަމް ވަހީދު ވިދާޅުވީ ހުށަހަޅާފައިވާ ހެއްކަށް ރިއާޔަތްކުރުމަށް ފަހު މައްސަލައާ މެދު ގޮތެއް ނިންމާނީ އަންނަ އާދިއްތަ ދުވަހު ކަމަށެވެ.

މައްސަލައިގެ ފެށުން - އަމީނީމަގު ތަރައްގީ ކުރުމަށް އެމަގުގައި ހުރި ގަސްތައް ނަގަން ފެށުމުން އާންމުން އެކަމާ ނުރުހުން ފާޅުކުރަމުން ދިޔަ ދަނޑިވަޅެއްގައި ވެރިކަން ކުރާ އެމްޑީޕީއަށް ނިސްބަތްވާ ނަޝީދު ވަނީ އަމީނީމަގުގައި ހުރި ގަސްތައް ނެގުމާ މެދު ކަމާ ބެހޭ ފަރާތްތަކުން ދެ ވަނަ ވިސްނުމަކަށް ދިއުމަށް އެދިވަޑައިގެން، އެކަން ހުއްޓުވުމަށް ކޯޓަށް މައްސަލައެއް ހުށަހަޅުއްވައިފަ އެވެ.

ތަފްސީލު - ނަޝީދުގެ ފަރާތްޕުޅުން އެ މައްސަލަ ކޯޓަށް ހުށަހެޅުއްވީ 'ޝުނާނާ އެންޑް ކޯ އެލްއެލްޕީ' އިންނެވެ. އެ މައްސަލާގައި ކޯޓުން ގޮތެއް ނިންމަންދެން، އަމީނީމަގުގައި ހުރި ގަސްތައް އުފުރުން ހުއްޓުވުމުގެ ވަގުތީ އަމުރަކަށް ވެސް ވަނީ އެދިފަ އެވެ. 

މައްސަލާގައި ދައުވާ ކުރި ފަރާތް ކަމަށްވާ ކުރީގެ ރައީސް ނަޝީދުގެ ފަރާތްޕުޅުން މިއަދު ކޯޓުގައި ފާހަގަކުރި ގޮތުގައި:

މިކަންކަން ފާހަގަ ކުރުމަށް ފަހު ދައުވާ ކުރި ފަރާތުން އެދިފައި ވަނީ:

ނަޝީދުގެ ފަރާތްޕުޅުން ގާނޫނީ ވަކީލް މަރިޔަމް ޝުނާނާ ކޯޓުގައި ވިދާޅުވީ ގަސްކެނޑުން ހުއްޓުވުމަށް ގާޒީ ވަގުތީ އަމުރެއް ނުނެރުއްވައިފި ނަމަ އެއީ ގަސް ކަނޑަން ހުއްދަ ދެއްވުން ކަމަށެވެ.

އަދި ގަސްތައް ކަނޑާފައި ތާރު އެޅުމުން މަގުގެ ހޫނުމިން އިތުރުވެ، 'އާބަން ހީޓް އައިލެންޑް އިފެކްޓް'ގެ އަސަރު ގޯސްވެ، މާލޭގެ ވައި ނުސާފުވެ، މީހުންގެ ނޭވާލުމުގެ ނިޒާމަށް ނޭދެވޭ އަސަރުކޮށް، ޖައްވަށް ދޫކުރާ ވިހަ ގޭސްތައް ގިނަވެ، އެތައް ނުރަނގަޅު ނަތީޖާތަކެއް ނިކުންނާނެ ކަމަށް އޭނާ ފާހަގަ ކުރެއްވި އެވެ.

އެހެންކަމުން އަމީނީމަގުގެ ގަސްތައް ކެނޑުމުން "އިއާދަ ނުކުރެވޭ ވަރުގެ ގެއްލުމެއް ލިބޭނެ" ކަމަށް އޭނާ ވިދާޅުވި އެވެ.

އިތުރަށް ކިޔާލަން: އަމީނީމަގުގެ ގަސްތައް ސަލާމަތްކުރަން ޖެހެނީ ކީއްވެ؟

ޝުނާނާގެ ވާހަކަތަކަށް ރައްދު ދެއްވައި ދައުވާ ލިބޭ ފަރާތްތައް ކަމަށްވާ އާރްޑީސީ އާއި ޕްލޭނިން މިނިސްޓްރީގެ ވަކީލުން ވިދާޅުވީ އަމީނީމަގުގެ ގަސްތައް ނަގައިގެން ކުރިޔަށް ގެންދާ މަޝްރޫއުއިން ލިބޭ ގެއްލުން އިއާދަ ކުރެވޭނެ ކަމަށެވެ.

ދައުވާ ލިބޭ ފަރާތްތަކުން ބުނި ގޮތުގައި:

ދައުވާ ކުރި ފަރާތުން ހެކީގެ ގޮތުގައި މަޝްރޫއުގެ އީއައިއޭ ރިޕޯޓާ އެކު ކަމާ ގުޅުންހުރި ދިރާސާ ތަކާއި އިންޑިއާގައި ކުރިޔަށްދިޔަ މިބާވަތުގެ ޝަރުއީ މައްސަލައެއްގެ ކޭސް ސްޓަޑީއާއި އެހެނިހެން ހެކި ހުށަހަޅާފައިވެ އެވެ. އަދި ކުރިޔަށް އޮތް އަޑުއެހުންތަކަށް ހެކިންގެ ގޮތުގައި ތިމާވެށީގެ ތަޖުރިބާކާރުން ގެންނާނެ ކަމަށް ވިދާޅުވި އެވެ.

ދިފާއީ ހެކީގެ ގޮތުގައި ދައުވާ ލިބޭ ފަރާތުން ހުށަހަޅާފައި ވަނީ:

ތިން ގަޑިއިރަށް ދެމިގެން ދިޔަ ޝަރީއަތް ނިންމާލަމުން މައްސަލަ ބައްލަވާ ގާޒީ މަރިޔަމް ވަހީދު ނިންމެވީ މި މައްސަލައިގެ ދެވަނަ އަޑުއެހުމެއް އާދިއްތަ ދުވަހު ބޭއްވުމަށެވެ. އެ އަޑުއެހުމުގައި ގަސްކެނޑުން ހުއްޓުވުމުގެ ވަގުތީ އަމުރާ މެދު ގޮތެއް ނިންމަވާނެ ކަމަށް ގާޒީ ވިދާޅުވި އެވެ.

ފަސްމަންޒަރު - ޒަމާނީ ފެންވަރަށް މާލޭގެ މަގުތައް ހެދުމަށް ފަށާފައިވާ 'މާލެ ސްޓްރީޓް ސްކޭޕިން ޕްރޮޖެކްޓު'ގެ ދަށުން އަމީނީމަގު ހެދުމުގެ މަސައްކަތަށް އާންމުންގެ ބޮޑެތި ފާޑުކިޔުންތަކެއް އަމަޒުވެފައި ވާއިރު، ރައީސް އޮފީހުން ބުނެފައި ވަނީ  "ގަސްތައް ކެނޑުމަކީ އެއްވެސް ބަޔަކު ބޭނުންވާނެ ގޮތެއް ނޫން" ކަމަށް ވިޔަސް، އަމީނީމަގުގައި ހުރި ގަސްތައް ކަނޑަނީ، ގަސްތަކުގެ މޫތައް ފެތުރިފައި ހުރި ގޮތުން ހޮޅި ވަޅުލުން ފަދަ ކަންކަމަށް ދަތި ވާތީ ކަމަށް ބުނެ، އެކަން ދިފާއު ކޮށްފަ އެވެ.

އިތުރަށް ކިޔާލަން - ދައްކަނީ މޮޅު ވާހަކަ އެވެ؛ ޖެހެނީ އެއްތާކު އެވެ.