ހަމަލާ ދިނީ ސިޔާސީ ބަޔަކު އަޑީގައި ތިބެގެން: ޝިމާޒް

ޓްރާންސްޕޯޓް މިނިސްޓަރުގެ ނައިބު ޝިމާޒު އަލީއަށް މިދިޔަ ހުކުރު ދުވަހުގެ ރޭ ދިން ހަމަލާއަކީ ސިޔާސީ ބަޔަކު އަޑީގައި ތިބެގެން ދިން ހަމަލާއެއްގެ ގޮތުގައި އޭނާ މިއަދު ސިފަކުރައްވައިފި އެވެ.

ވީ ކިހިނެއް؟ - ގަލޮޅު ދަނޑު ކައިރީގައި ހުންނަ ޝިމާޒް ދިރިއުޅުއްވާ ގެއިން އޭނާ ނުކުންނަވަނިކޮށް ގްރޫޕަކުން ވަނީ އޭނާއަށް ހަމަލާދީ މަރާމާރީ ހިންގާފަ އެވެ. އޭގެ ދެ ދުވަސް ފަހުން މިއަދު ހެނދުނު އޭނާ ވަނީ އެކަމާ ގުޅޭ ގޮތުން ޓުވީޓެއް ކުރައްވާފަ އެވެ.

ބުނީ ކީކޭ؟ - އެ ޓުވީޓްގައި ޝިމާޒް ވިދާޅުވީ، އޭނާއަށް ދިން "ނުރައްކާތެރި ހަމަލާ އަކީ ސިޔާސީ ބަޔަކު އަޑީގައި ތިބެގެން ހިންގި ފިނޑި އަމަލެއް" ކަމަށެވެ. އަދި މިކަމުގެ އަޑީގައި ތިބި ބަޔަކު ހޯދުމަށް އޭނާ ވަނީ ކަމާ ބެހޭ ފަރާތްތަކަށް ގޮވާލައްވާފަ އެވެ.

"މިކަން ކުރުމުގެ ކުރިން އެކި ގޮތް ގޮތުން އެތައް އިންޒާރެއް އަޅުގަނޑަށް ދީފައި ވާއިރު، މި މައްސަލަ މޯލްޑިވްސް ޕޮލިސް ސާވިސް އިން ވީހާ ވެސް އަވަހަކަށް ބަލައި މިކަން ކުރި ފަރާތްތަކާ އަދި މި ހަމަލާ ދިނުމުގެ އަޑީގައި ތިބި ފަރާތްތައް ހޯދާ ވީހާ ވެސް އަވަހަކަށް އިންސާފު ގާއިމުކޮށްދިނުމަށް އަޅުގަނޑު އެދެމެވެ،" އޭނާ ވިދާޅުވި އެވެ.

އެނގުން މުހިންމު - ހަމަލާގެ ކުރިން، މި މަހުގެ 11ގައި ޝިމާޒް ކުރެއްވި ޓުވީޓެއްގައި ވިދާޅުވެފައިވާ ގޮތުގައި، އޭނާގެ ބޮލުގައި "ދޮގު ތުހުމަތު އަޅުވާފައި" ސައިކަލަށް ގެއްލުންދީ، އިންޒާރުގެ މެސެޖުތަކެއް ފޮނުވާފައިވެ އެވެ. އަދި އޭނާގެ އާއިލާއަށް ގުޅައި އިންޒާރު ދޭން ފަށާފައިވާ ކަމަށް ވެސް އޭނާ ވިދާޅުވެފައިވެ އެވެ.

ޝިމާޒަށް ހަމަލާ ދީފައި މި ވަނީ:

މި ހަމަލާ ކުށްވެރިކުރައްވަމުން ނަހުލާ ވެސް ހުކުރު ދުވަހުގެ ރޭ ކުރެއްވި ޓުވީޓެއްގައި ވިދާޅުވީ، އާއިލާއަށް ނިސްބަތްކޮށް "އަބުރު ކަތިލުމުގެ" ވާހަކަތަކެއް ދެއްކި ނަމަވެސް، ކޮރަޕްޝަން ހުއްޓުވުމަށް ކުރަން ޖެހޭ މަސައްކަތް ކުރައްވާނެ ކަމަށެވެ.

ގުޅުން ހުރި ކަމެއް - މީގެ ކުރިން ވެސް ޝިމާޒަށް ކޮރަޕްޝަންގެ ތުހުމަތުތަކެއް ކުރެވުނެވެ. ނަމަވެސް ކޮންމެ ފަހަރަކު އޭނާ އެކަން ދޮގުކުރައްވަ އެވެ. އެގޮތުން: