ރައީސް ޓްރަމްޕް ޓެސްލާކާރަކުން ފައިބާވަޑައިގަންނަވަނީ (ކ)، އަދި ޓެސްލާގެ ސީއީއޯ އީލަން މަސްކް. ވައަތްފަރާތުގައި މަސްކްއާ ދެކޮޅަށް އެމެރިކާގައި ކުރާ މުޒާހަރާތަކުގެ ތެރެއިން ފޮޓޯއެއް.

އީލޮން މަސްކް

ޓްރަމްޕްގެ ޓެކްސް ބިލަށް މަސްކް ފާޑުކިއުމުން ދެފަރާތުގެ ގުޅުން ނިމުމަކަށް އައިސް ޓެސްލާގެ ހިއްސާ %12 ދަށަށް

މަސްކް އަށް ޖަވާބުދިނުމުގައި ޓްރަމްޕް ބުނެފައިވަނީ އޭނާއަކީ 'ޓްރަމްޕް ޑިރޭންޖްމަންޓް ސިންޑްރޯމް' އިން ފުރިގެންވާ މީހެއްކަމަށް

6 ޖޫން 2025

އެމެރިކާގެ ރައީސް ޑޮނަލްޑް ޓްރަމްޕާއި ބިލިއަނާ އީލާން މަސްކްގެ ދެމެދުގައި އޮތް އެކުވެރި ސިޔާސީ ގުޅުން ކުއްލިއަކަށް ނިމުމަކަށް އައިސް އެކަކު އަނެކަކަށް ބަހުގެ ހަމަލާތައް ދޭން ފަށައިފި އެވެ.

މި ހަމަނުޖެހުން ފެށުނީ ޓްރަމްޕްގެ 'އެއް ބޮޑު ރީތި ބިލް' އަށް ވަރަށް ބޮޑަށް ފާޑުކީ ހިސާބުންނެވެ. މި ބިލުގައި ހިމެނޭ ޓެކްސް ޕެކޭޖަށް ގައުމީ ދަރަންޏަށް 2.4 ޓްރިލިއަން ޑޮލައރު އިތުރުވާނެ ކަމަށް ލަފާކުރެވޭކަމަށް މަސްކް ވަނީ ބުނެފައެވެ.

Time to drop the really big bomb:@realDonaldTrump is in the Epstein files. That is the real reason they have not been made public.

Have a nice day, DJT!
— Elon Musk (@elonmusk) June 5, 2025

މަސްކް އަށް ޖަވާބުދިނުމުގައި ޓްރަމްޕް ވިދާޅުވެފައިވަނީ މަސްކްއަކީ 'ޓްރަމްޕް ޑިރޭންޖްމަންޓް ސިންޑްރޯމް' އިން ފުރިގެންވާ މީހެއްކަމަށެވެ. އަދި ބިލިއަން ޑޮލަރުގެ އަގުހުރި ސްޕޭސްއެކްސް އަދި ސްޓާލިންކް އޮޕަރޭޝަންތައް ހިމެނޭގޮތުން މަސްކްގެ ކުންފުނިތަކާއެކު ފެޑެރަލް ކޮންޓްރެކްޓްތައް ބާތިލްކުރާނެ ކަމުގެ އިންޒާރުވެސް ދެއްވިއެވެ.

In light of the President’s statement about cancellation of my government contracts, @SpaceX will begin decommissioning its Dragon spacecraft immediately pic.twitter.com/NG9sijjkgW
— Elon Musk (@elonmusk) June 5, 2025

ޓެސްލާގެ ޗީފް އެގްޒެކެޓިވް މަސްކް ބުނެފައިވާގޮތުގައި 2024ގެ އިންތިޚާބު ކާމިޔާބު ކުރުމުގައި އޭނާގެ މާލީ އެހީތެރިކަން ވަރަށް މުހިންމު ދައުރެއް އަދާކުރި އެވެ. މަސްކް ވަނީ އެކްސްގައި އާ ސިޔާސީ ޕާޓީއެއް ގާއިމުކުރުމާމެދު އާންމުން ދެކޭގޮތް ބެލުމަށް ވޯޓަކަށް ހުޅުވާލާފަ އެވެ.

Is it time to create a new political party in America that actually represents the 80% in the middle?
— Elon Musk (@elonmusk) June 5, 2025

މަސްކްގެ ކުންފުންޏަށް ސަރުކާރުން ދީފައިވާ ކޮންޓްރެކްޓްތައް ބާތިލްކުރާނެކަމުގެ ވާހަކަ ޓްރަމް ދެއްކެވުމާއެކު ޓެސްލާގެ ހިއްސާ ގާތްގަނޑަކަށް 12% ވެއްޓުނެވެ.