2024 ވައިއާރު4 އެސްޓްރޮއިޑް ދުނިޔެއާ ދިމާއަށް އަންނަ މަންޒަރުގެ ޚިޔާލީ ކުރެހުމެއް. މި އެސްޓްރޮއިޑް 2032 ވަނަ އަހަރު ދުނިޔޭގައި ޖެހުމުގެ ފުރުސަތު 3.1% ގައި އޮތްކަމަށް ނާސާއިން ބުނޭ .
2032 ވަނަ އަހަރު ދުނިޔޭގައި ޖެހޭނެކަމަށް ބެލެވުނު އެސްޓްރޮއިޑް ދުނިޔޭގެ ބިމުގައި ޖެހުމުގެ ފުރުސަތު 1.5% އަށް ދަށްވެއްޖެ
2024 ވައިއާރު4 ގެ ނަމުން ފާހަގަކުރެވިފައިވާ އެސްޓްރޮއިޑް 2032 ވަނަ އަހަރު ބިންމައްޗަށް ޖެހުމުގެ ފުރުސަތު 1.5 އިންސައްތައަށް ދަށްވެފައިވާ ކަމަށް ނާސާއިން ބުދަ ދުވަހު ބުނެފިއެވެ.
އެސްޓްރޮއިޑް ބިމުގައި ޖެހުމުގެ ފުރުސަތު 3.1%ގައި އޮތް ކަމަށް ކުރިން ބުނިނަމަވެސް ނާސާއިން ބުރާސްފަތި ދުވަހި ބުނެފައިވަނީ، ކުރިޔަށް އޮތް ދުވަސްތަކާއި ހަފްތާތަކުގައި މި އެސްޓްރޮއިޑްގެ އިތުރު ދިރާސާތައް ކުރެވޭވަރަކަށާ ދުނިޔޭގައި ޖެހުމުގެ ފުރުސަތު "ބަދަލުވަމުންދާނެ" ކަމަށެވެ.
-
ފެބްރުއަރީ 15 ގައި ނާސާގެ ޖެޓް ޕްރޮޕަލްޝަން ލެބޯޓްރީން ބުނެފައިވަނީ، 130 އާއި 300 ފޫޓު ދެމެދުގެ ދިގުމިނުގެ މި އެސްޓްރޮއިޑް ބިމުގައި ޖެހުމުގެ ފުރުސަތު 1.6% ގައި އޮތް ކަމަށެވެ.
New observations of asteroid 2024 YR4 helped us update its chance of impact in 2032. The current probability is 1.5%.
— NASA (@NASA) February 20, 2025
Our understanding of the asteroid's path improves with every observation. We'll keep you posted. https://t.co/LuRwg1eaCv pic.twitter.com/SfZIxflB95
ނާސާއިން ބުނެފައިވަނީ، މި އެސްޓްރޮއިޑް ދުނިޔޭގައި ޖެހިއްޖެނަމަ ލިބޭނެ ގެއްލުމުގެ މިންވަރު ބިނާވެގެންވަނީ އެސްޓްރޮއިޑްގެ ސައިޒާއި އެކުލެވިގެންވާ މާއްދާތަކުގެ މައްޗަށް ކަމަށެވެ. އެސްޓްރޮއިޑް ކަނޑަށް ވެއްޓިއްޖެނަމަ، ބޮޑު ސުނާމީއެއް އުފެދުމުގެ ފުރުސަތު ކުޑަ ކަމަށްވެސް އެ އިދާރާއިން ބުނެއެވެ.
އެހެންނަމަވެސް މީހުން ދިރިއުޅޭ ސަރަހައްދަކަށް ވެއްޓިއްޖެނަމަ، ސިޓީއެއްގެ އިމާރާތްތަކަށް ބޮޑެތި ގެއްލުންތަކެއް ލިބި، ފުޅާ ދާއިރާއެއްގައި ކުދިކުދި ގެއްލުންތައް ލިބިދާނެ ކަމަށް ނާސާއިން ބުނެ އެވެ.
-
މި އެސްޓްރޮއިޑް ހަނދުގައި ޖެހުމުގެ ފުރުސަތު މިހާރު އޮތީ 0.8% ގައި ކަމަށްވެސް ނާސާއިން ބުނެއެވެ.
