ބިޓްކޮއިންގެ އަގު %6.2 ދަށަށް: ބޮޑެތި ކްރިޕްޓޯކަރަންސީތަކުގެ އަގު ތިރިވަމުން ވިޔަފާރި ހަނގުރާމައިގެ ބިރުން އިންވެސްޓަރުން ފަހަތަށް ޖެހުމާއެކު، ބިޓްކޮއިން %6.2 އަށް ދަށްވެ، އީތަރ %25 އަށް ވެއްޓި، ޓެދަރ %2 އަށް މައްޗަށް ދިޔަ.
ވިޔަފާރީގެ ހަނގުރާމައިގެ ބިރަށް އިންވެސްޓަރުން ފަހަތަށް ޖެހުމުން ކްރިޕްޓޯ މާރުކޭޓުގައި އަގުތައް ބޮޑުތަނުން ދަށަށް
ހޯމަ ދުވަހު ކްރިޕްޓޯކަރަންސީތަކުގެ އަގުތައް ދަށަށް ގޮސްފައިވާއިރު، ވިޔަފާރީގެ ހަނގުރާމައެއްގެ ބިރު އުފެދި، އިންވެސްޓަރުން ފަހަތަށް ޖެހުމާ ގުޅިގެން މާލީ މާރުކޭޓުތަކުގައި ވިއްކާލުންތައް އިތުރުވެއްޖެއެވެ.
ދުނިޔޭގެ އެންމެ ބޮޑު ކްރިޕްޓޯކަރަންސީ ކަމުގައިވާ ބިޓްކޮއިންގެ އަގު ރޭގަނޑު 91,441.89 ޑޮލަރަށް ވެއްޓި، މިއީ ތިން ހަފްތާގެ ތެރޭގައި ފެނުނު އެންމެ ދަށް އަގެވެ. ޖީއެމްޓީން ހެނދުނު 0941 ގައި ބިޓްކޮއިންގެ އަގު ހުރީ 95,730.35 ޑޮލަރުގައި ކަމަށްވާއިރު، މިއީ އެދުވަހު %6.2 ދަށް އަދަދެކެވެ. ކުދި ކްރިޕްޓޯކަރަންސީއެއް ކަމަށްވާ އީތަރގެ އަގު ހުކުރު ދުވަހުން ފެށިގެން %25 ދަށަށް ގޮސްފައިވާއިރު، މިއީ 2022 ނޮވެމްބަރުން ފެށިގެން ފެނުނު އެންމެ ބޮޑު ތިން ދުވަހުގެ ގެއްލުމެވެ. އީތަރގެ އަގު މިވަގުތު ހުރީ 2,592.14 ޑޮލަރުގަ އެވެ.
-
ހަފްތާ ބަންދުގައި، އެމެރިކާގެ ރައީސް ޑޮނަލްޑް ޓްރަމްޕް ވަނީ މެކްސިކޯ އަދި ގިނަ ކެނެޑިއަން އިމްޕޯޓްތަކަށް 25% އަދި ޗައިނާގެ މުދަލަށް 10%ގެ ޓެރިފް އަންގާރަ ދުވަހުން ފެށިގެން ތަޢާރަފުކުރައްވާފައެވެ.
އެމެރިކާގެ އެންމެ ބޮޑު ދެ ވިޔަފާރި ބައިވެރިން ކަމަށްވާ ކެނެޑާ އާއި މެކްސިކޯއިން ވަނީ ވަގުތުން ޖަވާބުދާރީ ވުމަށް އިންޒާރު ދީފައެވެ. އަދި ޗައިނާއިން ބުނެފައިވަނީ ޓްރަމްޕްގެ ޓެރިފްތަކާ ދެކޮޅަށް ވޯލްޑް ޓްރޭޑް އޯގަނައިޒޭޝަންގައި ޗެލެންޖްކުރާނެ ކަމަށެވެ.
ކޮއިންގެކޯ ޑޭޓާއިން ދައްކާގޮތުގައި، އެންމެ ބޮޑު 100 ކްރިޕްޓޯކަރަންސީގެ ތެރެއިން ގާތްގަނޑަކަށް ހަތަރުބައިކުޅަ އެއްބައި ވަނީ ފާއިތުވި 24 ގަޑިއިރުގެ ތެރޭގައި %20 ނުވަތަ އެއަށްވުރެ ބޮޑު އަދަދަކުން އަގު ދަށްވެފަ އެވެ.
އެމެރިކާގެ ކްރިޕްޓޯ އެކްސްޗޭންޖް ކޮއިންބޭސްގެ ހިއްސާ ޕްރީ-މާކެޓް ޓްރޭޑިންގައި ވަނީ %5.5 ދަށަށް ގޮސްފައެވެ.
-
ޓްރަމްޕްގެ އަމިއްލަ ކްރިޕްޓޯކަރަންސީ $TRUMP ވަނީ 20 ޑޮލަރަށްވުރެ ދަށަށް ގޮސްފަ އެވެ. ކޮއިންގެކޯގެ މަޢުލޫމާތު ދައްކާގޮތުން، ޓްރަމްޕް ރައީސްކަމާ ހަވާލުވުމުގެ ކުރިން ތައާރަފުކުރެވުނު މި ކްރިޕްޓޯކަރަންސީ ފުރަތަމަ މަތިވެ، ޖެނުއަރީ 19 ގައި 73 ޑޮލަރަށްވުރެ މަތީގައި ހުރެފައިވެ އެވެ.
ކްރިޕްޓޯކަރަންސީތަކުގެ ވިޔަފާރި ކުރެވެނީ 24 ގަޑިއިރު، ހަފްތާ ބަންދުވެސް ހިމެނޭ ގޮތަށެވެ. އަދި ފަހަކަށް އައިސް މާރުކޭޓުގެ މާހައުލަށް ހައްސާސްވަމުން އަންނަ މި އެސެޓްތަކަށް ޓެރިފްތަކުގެ ސަބަބުން ކުރިމަގުގައި ދިމާވެދާނެ ކަންކަމާމެދު އިންވެސްޓަރުން ކަންބޮޑުވެ އެވެ. މީގެ ތެރޭގައި ކުންފުނިތަކުގެ ފައިދާއަށް އަސަރުކުރުމާއި އަގުތައް މައްޗަށް ދިއުން ހިމެނެ އެވެ.
-
ޓްރަމްޕް 47 ވަނަ އެމެރިކާގެ ރައީސްކަމާ ހަވާލުވި ޖެނުއަރީ 20 ގައި ބިޓްކޮއިން ރެކޯޑު އަގު ކަމަށްވާ 107,071.86 ޑޮލަރަށް އަރާފައިވެ އެވެ. އަދި ނޮވެމްބަރު މަހު ބޭއްވުނު އިންތިޚާބުން ފެށިގެން ޓްރަމްޕް ސަރުކާރުން ކްރިޕްޓޯއާ ރަށްޓެހި ގަވާއިދުތަކެއް ގެނެވިދާނެކަމުގެ އުންމީދުގައި %40 މައްޗަށް ގޮސްފައިވެ އެވެ.
ކުރީގައި ކްރިޕްޓޯއަކީ މަކަރެއްކަމަށް ލޭބަލްކުރި ޓްރަމްޕް ވަނީ އޭނާގެ ކެމްޕޭނުގައި ޑިޖިޓަލް އެސެޓްތަކަށް ތާއީދުކޮށް، އެމެރިކާ "ދުނިޔޭގެ ކްރިޕްޓޯ ވެރިކަންކުރާ ގައުމަކަށް" ހެދުމަށް ވައުދުވެފަ އެވެ.
ރައީސްކަމާ ހަވާލުވުމަށްފަހު ދުވަސްތަކެއްގެ ތެރޭގައި، ޓްރަމްޕް ވަނީ އާ ޑިޖިޓަލް އެސެޓް ގަވާއިދުތަކެއް ހުށަހެޅުމަށާއި ގައުމީ ކްރިޕްޓޯކަރަންސީ ރައްކާކުރުމުގެ މަސައްކަތް ދިރާސާކުރުމަށް ކްރިޕްޓޯކަރަންސީ ވާކިންގ ގްރޫޕެއް އުފެއްދުމަށް އަމުރުކުރައްވާފަ އެވެ.
