'ކިންގްސް ފޮރެކްސް ޓްރޭޑިން'ގެ ނަމުގައި ޕޮންޒީ ސްކީމެއް ހިންގި ކަމަށް ތުހުމަތު ކުރެވޭ ކުރީގެ މަޖިލިސް މެންބަރު އަލްހާން ފަހުމީ މީގެ ކުރިން ބޭއްވި ނޫސްވެރިންގެ ބައްދަލުވުމުގައި. (ދައުރު ފޮޓޯ/ މުޒައްޔިން ނާޒިމް)
ޕޮންޒީ ސްކީމް ހިންގި ކަމަށް ބުނާ ކުންފުނީގެ އެކައުންޓުގައި ހުރި ފައިސާ ދޫކޮށްފި
ރައްޔިތުންގެ މަޖިލީހުގެ ކުރީގެ މެމްބަރު އަލްހާނު ފަހުމީ އިސްވެ ހުންނަވައި ފޮރެކްސް ޓްރޭޑް ކުރުމުގެ ނަމުގައި މީހުންގެ އަތުން ގިނަ އަދަދެއްގެ ފައިސާ ނަގައިގެން ޕޮންޒީ ސްކީމެއް ހިންގެވިކަމުގެ ތުހުމަތުގައި ބޭންކް އޮފް މޯލްޑިވްސް (ބީއެމްއެލް)އިން ހިފަހައްޓާފައިވާ 'ކިންގްސް ކެޕިޓަލް ހޯލްޑިންސް' ކުންފުނީގެ އެކައުންޓް ބަންދުކޮށް އޭގައި ހުރި ފައިސާ އެ ކުންފުނީގެ ވެރިންނަށް ދޫކޮށްފި އެވެ.
ވީ ކިހިނެއް؟ - އެނގިފައިވާ ގޮތުގައި، ކިންގްސް ކެޕިޓަލްއިން އެދިގެން މިދިޔަ ހަފްތާގެ ތެރޭގައި ބޭންކުން ވަނީ ހިފަހައްޓާފައި ހުރި އެ ކުންފުނީގެ އެކައުންޓް ބަންދުކޮށްފަ އެވެ. އެއަށް ފަހު އެކައުންޓުގައި ހުރި 3 މިލިއަނެއްހާ ރުފިޔާ ނަގުދު ފައިސާއިން އެ ކުންފުންޏާ މިހާރު ހަވާލުކޮށްފައި ވާކަން އެނގިފައިވެ އެވެ.
ތަފްސީލް - އެ ފައިސާ އެ ކުންފުންޏާ ހަވާލުކޮށްފައި ވާކަން އެ ކުންފުނީގެ ބޮޑު ހިއްސާދާރު އަދި 'ކިންގްސް ފޮރެކްސް ޓްރޭޑިން' ސްކީމް ހިންގުމުގައި އިސްކޮށް އުޅުއްވާ އަލްހާނު ވެސް ޔަގީންކޮށްދީފައިވެ އެވެ.
އެނގުން މުހިންމު - ބޭންކިން ގަވާއިދުތައް އޮންނަ ގޮތުން:
-
ކަސްޓަމަރެއްގެ އެކައުންޓް ބަންދުކުރާއިރު އޭގައި ހުންނަ ފައިސާ އިދާރާއަކުން ވަކި އެއްޗެއް އަންގާފައި ނެތް ނަމަ އެ ފަރާތަށް ރައްދު ކުރަން ޖެހޭ
-
އެނގިފައިވާ ގޮތުގައި، އެ ކުންފުނީގެ އެކައުންޓް ބަންދުކޮށް، ފައިސާ ހަވާލުކުރީ އެއްވެސް އިދާރާއެއްގެ އިއުތިރާޒެއް އޮތްތޯ ބެލުމަށް ފަހު އެ ފައިސާ ދޫކުރަން އިދާރާތަކުގެ މައްސަލައެއް ނެތް ކަމަށް ބުނުމުން
ނަމަވެސް، އެކަމާ ގުޅޭ ގޮތުން ބީއެމްއެލްގެ ބަހެއް ލިބޭ ގޮތެއް ނުވި އެވެ.
އެނގުން މުހިންމު - އަލްހާން ހިންގެވި އެ ސްކީމާ ގުޅޭ މައްސަލަތަކެއް މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ)އިން ފުލުހުންނަށް ހުށަހެޅުމުން އެ މައްސަލަތައް މިހާރު އަންނަނީ ތަހުގީގު ކުރަމުންނެވެ.
އަލްހާން ހިންގަވާ ސްކީމުގައި އެއްވެސް ފަރާތަކުން ބައިވެރި ނުވުމަށް ފުލުހުންނާއި އެމްއެމްއޭއިން ވަނީ މީގެ ކުރިން އިލްތިމާސްކޮށްފަ އެވެ.
އިތުރަށް ކިޔާލަން -