ސަމާލުވޭ؛ އަލްހާނުގެ 'ޕޮންޒީ ސްކީމު'ގެ މަޅި ހިޔާ ފްލެޓުގައި އުޅޭ މީހުންނަށް

ރައްޔިތުންގެ މަޖިލީހުގެ ކުރީގެ މެމްބަރު އަލްހާން ފަހްމީ އިސްވެ، އިންވެސްޓްމަންޓް ސްކީމެއް ކަމަށް ބުނެ ހިންގަވަނީ ޕޮންޒީ ސްކީމެއް ކަމަށް މަރުކަޒީ ބޭންކާއި މާލީ އިދާރާތަކުން ތުހުމަތުކޮށް ފިޔަވަޅު އަޅާފައި ވިޔަސް، އެ ސްކީމު ހުއްޓާ ނުލައްވައި އޭނާ އަދި ވެސް ކުރިއަށް އެބަގެންދަވަ އެވެ. މި ފަހަރު މި ސްކީމުގެ "މަޅީ"ގައި ޖައްސަން އަމާޒު ހިފާފައި ވަނީ ހިޔާ ފްލެޓުތަކުގައި، މާލީ ގޮތުން އެންމެ ދަތި ހާލުގައި އުޅޭ މީހުންނެވެ.

މައްސަލައިގެ ފެށުން -

ވީ ކިހިނެއް؟ - އޭނާ ހިންގަވަނީ ޕޮންޒީ ސްކީމެއް ނޫން ކަމަށް ވިދާޅުވެ، މާލީ އިދާރާތަކަށް ގޮންޖައްސަވައި މިދިޔަ އަންގާރަ ދުވަހު ބޭއްވި ނޫސްވެރިންގެ ބައްދަލުވުމެއްގައި އަލްހާން ވަނީ ކިންގްސް ޓްރޭޑިންގެ މަސައްކަތްތައް ހުއްޓާ ނުލައްވާނެ ކަމަށް ވިދާޅުވެފަ އެވެ. އަދި ހިޔާ ފްލެޓުތަކުގައި ދިރިއުޅޭ މީހުންނަށް އެ ފްލެޓުތަކަށް މަހު ކުލި ދައްކަން ފަސޭހަކޮށްދޭން ހާއްސަ ސްކީމެއް ތައާރަފްކުރައްވާނެ ކަމަށް ވެސް އެ ދުވަހު އޭނާ ވިދާޅުވި އެވެ.

ކިންގްސް ފޮރެކްސްގެ ޓުވިޓާ އެކައުންޓުގައި ވެސް އިއްޔެ ވަނީ އެކަން ހާމަކޮށްފަ އެވެ. ނަމަވެސް އެ ސްކީމުގެ ތަފްސީލު އާންމުކޮށްފައެއް ނުވެ އެވެ.

އެނގުން މުހިންމު - އަލްހާނުގެ "ޕޮންޒީ ސްކީމު" ހުއްޓާ ނުލައްވާ ކުރިއަށްގެންދަވާ މައްސަލައިގައި އޭނާގެ ކުންފުނީގެ އެކައުންޓް ފްރީޒުކުރުން ފިޔަވައި ދައުލަތުގެ އެއްވެސް އިދާރާއަކުން އިތުރު ފިޔަވަޅެއް އެޅި ކަމެއް އަދި ސާފެއް ނުވެ އެވެ. ފުލުހުން އެންމެ ފަހުން ބުނެފައިވަނީ މި މައްސަލަ ތަހުގީގުކުރަމުން އަންނަ ކަމަށެވެ.

މުހިންމުވަނީ ކީއްވެ؟ - ސޯޝަލް ހައުސިން މަޝްރޫއެއް ކަމަށްވާ ހިޔާ ފްލެޓުތަކަށް މީހުން ބަދަލުވާން ފަށާފައި ވާއިރު، ފްލެޓު ލިބުނު މީހުން ވަނީ އެ ތަންތަނުގައި ދިރިއުޅެން ފަށަން ބޮޑެތި ހަރަދުތަކެއް ކޮށްފަ އެވެ. އެގޮތުން:

މި ފަދަ ބޮޑެތި ހަރަދުތަކެއް ކޮށްގެން ފްލެޓުގައި ދިރިއުޅުން ފަށާ އަދި މަހު ކުއްޔަށް ވެސް ބޮޑު އަދަދެއް ދައްކަން ޖެހޭއިރު، މި ފަދަ ސްކީމުތަކުގެ މަޅީގައި "އެންމެ ހާލުގައި އުޅޭ" މީހުން ޖެއްސުމަށް މަސައްކަތް ކުރާތީ އެ ކަމުގެ ކަންބޮޑުވުން ސޯޝަލް މީޑިއާގައި ބައެއް ފަރާތްތަކުން ވަނީ ފާޅުކޮށްފަ އެވެ.

އިތުރަށް ކިޔާލަން -