ކުލި ނަގަން ފަށާއިރު ހިޔާގެ 300 އަށް ވުރެ ގިނަ ފްލެޓު އަދިވެސް ނުނިމޭ

އޭޕްރީލް މަހު ހިޔާ ފްލެޓުތަކުން ކުލި ނަގަން ފަށަން ނިންމާފައިވާއިރު، ފިނިޝިން މަސައްކަތް ނުނިމޭ 300 އަށް ވުރެ ގިނަ ފްލެޓު އެބަހުރި ކަމަށް ފްލެޓު ލިބުނު ފަރާާތްތައް ތަމްސީލު ކުރާ ޖަމިއްޔާތަކުން ކުރި ސާވޭއަކުން ދައްކައިފި އެވެ.

ވީ ކިހިނެއް؟ - ހުޅުމާލޭ ދެ ވަނަ ފިޔަވަހީގައި ތަރައްގީކޮށްފައިވާ ހިޔާ ފްލެޓުތަކުގައި މީހުން އާބާދުވާން ފެށީ ޖުލައި 2021ގަ އެވެ. ހިޔާ ފްލެޓުގެ އެޕާޓްމަންޓެއްގެ މަހު ކުއްޔަކީ، މެއިންޓަނެންސް ފީއާ އެކު 8،500ރ. އެވެ.

އެ ފްލެޓުތައް ހަވާލުކުރީ ފްލެޓު ލިބޭ ފަރާތުން އަމިއްލައަށް ފިނިޝިން މަސައްކަތް ކުރާ ގޮތަށެވެ. އެގޮތުން:

ބުނީ ކީކޭ؟ - ހިޔާ ފްލެޓު ލިބުނު ފަރާތްތައް ތަމްސީލު ކުރާ 'ހިޔާ ޔޫނިއަން' ޖަމިއްޔާގެ ރައީސް އަބްދުﷲ އަމްޒަލް ރަޝީދު 'ދައުރު'އަށް މިއަދު ވިދާޅުވީ ފިނިޝިން މަސައްކަތާ ގުޅޭ ބޮޑެތި މައްސަލަތަކެއް ފާހަގަވެފައިވާ ކަމަށެވެ.

"ފިނިޝިން ނިންމަން އިތުރަށް ތިން މަސް ލިބުނީމަ ވެސް މަސައްކަތް ނުނިންމާ އެބަހުރި. 300 އަށް ވުރެ ގިނަ ފްލެޓުގެ މަސައްކަތް ނުނިމޭ ކަމަށް ފާހަގަވެފައި އެބަހުރި،" އޭނާ ވިދާޅުވި އެވެ.

އަމްޒަލް ވިދާޅުވީ މިހާރު ނުނިމި ހުރި ގިނަ ފްލެޓުތައް ނިންމަން ކޮންޓްރެކްޓަރުން ދީފައިވާ އެންމެ ދުރު ތާރީހަކީ ވެސް މި މަހުގެ ނިޔަލަށް ކަމަށެވެ. އެކަމަކު މަސައްކަތާ ގުޅޭ އިތުރު މައްސަލަތަކެއް ވެސް ފާހަގަވެފައިވާ ކަމަށް އޭނާ ވިދާޅުވި އެވެ. އެގޮތުން ފާހަގަވި މައްސަލަތަކަކީ:

ކޮންޓްރެކްޓަރުން މަސައްކަތް ފެށީ، އަމްޒަލް ވިދާޅުވި ގޮތުގައި އެޑްވާންސަށް ކޮންމެވެސް ވަރަކަށް ފައިސާ ނަގައިގެންނެވެ.

"އެބަހުރި 60،000ރ. އަށްވުރެ މަތިން ވެސް އެޑްވާންސަށް ފައިސާ ދީފައި. އެންމެ ދަށްކޮށް ވެސް އެޑްވާންސަށް ދީފައި އެބަހުރި 25،000،" އޭނާ ވިދާޅުވި އެވެ.

ތަފްސީލު - ހިޔާ ފްލެޓު ލިބުނު މީހުން ތަމްސީލު ކުރާ 'ކޮތަރު ކޮށި' ޖަމިއްޔާއިން ވެސް، އެ ޖަމިއްޔާގެ 110 މެމްބަރުންގެ މެދުގައި ހެދި ސާވޭ އަކުން ފިނިޝިން މަސައްކަތާ ގުޅޭ ގިނަ މައްސަލަތަކެއް ވަނީ ފާހަގަކޮށްފަ އެވެ.

އެ ޖަމިއްޔާއިން ބުނާ ގޮތުގައި ދިރާސާގައި ބައިވެރިވި 110 މީހުންގެ ފްލެޓުތަކުގެ ފިނިޝިން މަސައްކަތް މިއަދާ ހަމައަށް ވެސް ނިމިފައެއް ނުވެ އެެވެ. އެ ހުރިހާ މީހުން ވެސް އެޑްވާންސަށް ފައިސާ ދައްކާފައިވާކަން ފާހަގަކޮށް އެ ޖަމިއްޔާއިން ބުނީ، ބައެއް މީހުން ޖުމުލަ އަގު ވެސް ދަައްކާފައިވާ ކަމަށެވެ.

"ދިރާސާގެ 110 ބައިވެރިން މިގޮތަށް 33 ކުންފުންޏަކަށް މިހާތަނަށް ވަނީ 9.5 މިލިއަން ރުފިޔާ ދައްކާފައި،" އެ ޖަމިއްޔާއިން ބުންޏެވެ.

އެ ދިރާސާއިން ހޯދިފައިވާ ކަންތައްތަކަކީ:

އެނގުން މުހިންމު - ހިޔާ ފްލެޓުތަކުގެ ކުލި ނުނަގާ ގޮތަށް ދިން ގްރޭސް ޕީރިއަޑު މި މަހުގެ ނިޔަލަށް ހަމަވާއިރު، އެޗުޑީސީއިން ނިންމާފައި އޮތީ، ރާވާފައިވާ ގޮތަށް އޭޕްރީލް މަހު ކުލި ނަގަން ފެށުމަށެވެ.

އިތުރަށް ކިޔާލަން: