ހިޔާ ފްލެޓުތަކުން ކުލި ނުނަގާ މުއްދަތު ހަމަވަނީ؛ އަންނަ މަހު ކުލި ނަގަން ފަށާނެ

އެންމެ ފަހުން ނިންމާފައިވާ ގޮތަށް، އަންނަ މަހު ހިޔާ ފްލެޓުތަކުން ކުލި ނަގަން ފަށާނެ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗުޑީސީ)އިން މިއަދު ބުނެފި އެވެ.

އެނގުން މުހިންމު - ހުޅުމާލޭ ދެ ވަނަ ފިޔަވަހީގައި ތަރައްގީކޮށްފައިވާ ހިޔާ ފްލެޓުތަކުގައި މީހުން އާބާދުވާން ފެށީ ޖުލައި 2021ގަ އެވެ. ހިޔާ ފްލެޓުގެ އެޕާޓްމަންޓެއްގެ މަހު ކުއްޔަކީ، މެއިންޓަނެންސް ފީއާ އެކު 8،500ރ. އެވެ.

އެ ފްލެޓުތައް ހަވާލުކުރީ ފްލެޓު ލިބޭ ފަރާތުން އަމިއްލައަށް ފިނިޝިން މަސައްކަތް ކުރާ ގޮތަށެވެ. އެގޮތުން:

ބުނީ ކީކޭ؟ - އިތުރުކޮށްދިން ތިން މަސްދުވަހުގެ ގްރޭސް ޕީރިއަޑް ހަމަވާން ކައިރިވެފައި ވާއިރު، އެޗުޑީސީއިން އަމަލުކުރަން ވިސްނަނީ ކިހިނެއްތޯ 'ދައުރު'އިން ސުވާލުކުރުމުން އެޗުޑީސީގެ އިންފޮމޭޝަން އޮފިސަރު އަލީ މަޝާރު ވިދާޅުވީ ގްރޭސް ޕީރިއަޑް އިތުރަށް ދިގުދަންމާލަން އަދި ނުނިންމާ ކަމަށެވެ.

"މިހާރު އިއުލާން ކޮށްފައިވާ ގޮތަށް ކުލި ނަގަން ފެށޭނެ،" އޭނާ ވިދާޅުވި އެވެ.

ތަފްސީލު - ހިޔާ ފްލެޓުތަކުގެ ކުއްޔަށް ދިން ގްރޭސް ޕީރިއަޑު ހަމަވާން 23 ދުވަހަށް ވެފައި ވާއިރު، ގިނަ ބަޔަކު އެ ތަނުގައި މިހާރު ވެސް އަންނަނީ ދިރިއުޅެމުންނެވެ.

ނަމަވެސް އެއީ ސީދާ ކިހާ އަދަދެއްކަން އަދި ސާފެއް ނުވެ އެވެ. އެޗުޑީސީއިން ބުނީ އެ އަދަދު ކަށަވަރު ކުރުމަށް ފަހު ފަހުން ހިއްސާ ކުރާނެ ކަމަށެވެ.

އެންމެ ފަހުން ލިބެން ހުރި މައުލޫމާތަށް ބަލާއިރު، ނޮވެމްބަރު 2021ގެ ނިޔަލަށް ވެސް ހިޔާ ފްލެޓުގެ 1،000 އެޕާޓްމަންޓުގައި މީހުން ވަނީ ދިރިއުޅެން ފަށާފަ އެވެ.