ޓޫރިޒަމް ވަރުގަދަކުރުމާ ގުޅޭ ގޮތުން ރައީސް އާއި ކޯބިން މަޝްވަރާކުރައްވައިފި

ރާއްޖޭގެ ޓޫރިޒަމް ދާއިރާ އިތުރަށް ވަރުގަދަ ކުރެވޭނެ ގޮތްތަކާ ގުޅޭ ގޮތުން، ރައީސް އިބްރާހިމް މުހައްމަދު ސޯލިހާއި ރާއްޖެއަށް ޓޫރިޒަމް ތައާރަފުކުރުމުގައި އިސްކޮަށް ހަރަކާތްތެރިވެވަޑައިގެންނެވި އިޓަލީގެ ޖޯޖް ކޯބިން މިއަދު މަޝްވަރާ ކުރައްވައިފި އެވެ.

އެނގުން މުހިންމު - ރާއްޖެއަށް އެންމެ ފުރަތަމަ އައި ފަތުރުވެރިންނަކީ ކޯބިންގެ ބެލުމުގެ ދަށުން، ފެބްރުއަރީ 1972ގައި އައި 22 ފަތުރުވެރިންގެ ގުރޫޕެކެވެ. އިޓަލީގެ ޑައިވިންގް ޓުއާ އޮޕަރޭޓަރެއްގެ ގޮތުން ރާއްޖެއަށް ތައާރަފްވި ކޯބިން އަކީ ރާއްޖޭގައި ޓޫރިޒަމް ފަށައިގަތުމަށް މުހިއްމު ދައުރެއް އަދާކުރެއްވި ބޭފުޅެކެވެ. 

ވީ ކިހިނެއް؟ - ރާއްޖޭގެ ޓޫރިޒަމްއަށް 50 އަހަރު ފާހަގަކުރުމަށް ބާއްވާ ބައެއް ހަަރަކާތްތަކުގައި ބައިވެރިވެވަޑައިގަތުމަށް މިހާރު ރާއްޖެ ވަޑައިގެން އުޅުއްވާ ކޯބިން މިއަދު ހެނދުނު ވަނީ ރައީސްއާ ބައްދަލުކުރައްވާފަ އެވެ. މި ބައްދަލުވުމުގައި ދެ ބޭފުޅުން މަޝްވަރާ ކުރެއްވި ބައެއް ކަންތައްތަކުގެ ތެރޭގައި:

ރައީސް އޮފީހުން ބުނި ގޮތުގައި، މި ބައްދަލުވުމުގައި ކޯބިން ވަނީ ރާއްޖޭގެ އެކި ސަރަހައްދުތަކުގައި ގިނަ އެއާޕޯޓުތަކެއް ތަރައްގީކުރުމަކީ ކުރިއެރުމެއް ކަމަށް ފާހަގަކުރައްވާފަ އެވެ. އޭގެ އިތުރުން:

އެނގުން މުހިންމު - މިއީ ޓޫރިޒަމް ތައާރަފްކުރުމުގައި ހަރަކާތްތެރިވެވަޑައިގަތުމަށް ފަހު ރާއްޖެ ދޫކޮށް ވަޑައިގެންނެވި ފަހުން ކޯބިން ރާއްޖެ ޒިޔާރަތްކުރެއްވި ތިން ވަނަ ފަހަރެވެ.

ރިޓަޔަމަންޓުގައި ކޯބިން އުޅުއްވަނީ ދަތުރުފަތުރުކުރާ މީހުންނާއި ދަތުރުތައް ރާވާ ތަންތަނަށް ކޮންސަލްޓު ކޮށްދެއްވުމުގަ އެވެ. އެއީ ދަތުރުފަތުރު ކުރުމުގައި އޭނާއަށް ލިބިވަޑައިގެންފައިވާ 60 ވަރަކަށް އަހަރުގެ ތަޖުރިބާގެ އަލީގަ އެވެ.

އިތުރަށް ކިޔާލަން -