ރާއްޖެއަށް ކުނި އެތެރެ ކުރުން މަނާކޮށް، ކޮތަޅު ޓެކްސްއިން ލުޔެއް ދެނީ

ރާއްޖެއަށް ކުނި އެތެރެ ކުރުން މަނާކޮށް، ކޮތަޅު ޓެކްސްއިން ލުޔެއް ދޭން، ކުނި މެނޭޖުކުރުމުގެ ގާނޫނަށް ސަރުކާރުގެ ފަރާތުން މިއަދު އިސްލާހު ހުށަހަޅައިފި އެވެ.

ވީ ކިހިނެއް؟ - ރައްޔިތުންގެ މަޖިލީހުގެ މިއަދުގެ ޖަލްސާގައި އެ ބިލު ސަރުކާރުގެ ފަރާތުން ހުށަހެޅުއްވީ، އުނގޫފާރު ދާއިރާގެ ޕީއެންސީ މެންބަރު އިބްރާހިމް ޝިފާޒް އެވެ. ބިލު ހުށަހެޅުމަށް ފަހު، އިބްތިދާއީ ބަހުސް ވެސް މިއަދު ވަނީ ފަށާފަ އެވެ.

ތަފްސީލު - މި ބިލުން ގެންނަ ބޮޑު އެއް ބަދަލަކީ ރާއްޖެއަށް ކުނި އެތެރެ ކުރުން މަނާ ކުރުމެވެ. އެގޮތުން:

ރާއްޖެއަށް ކުނި އެތެރެ ކުރުމަކީ ކުށެއް ކަމަށް ކަނޑައެޅި ނަމަވެސް، އެ ކުށަށް ދޭނެ އަދަބެއް ބިލުގައި ސީދާ ބަޔާންކޮށްފައެއްނުވެ އެވެ.

ނަމަވެސް، ގާނޫނުގެ 63 ވަނަ މާއްދާގައި މިހާރު އޮންނަ "ގާނޫނާ ހިލާފަށް" ރާއްޖެއަށް ކުނި އެތެެރެކޮށްފި ނަމަ، މިހާރު ވެސް ފިޔަވަޅު އެޅެ އެވެ. އެއީ 5 މިލިއަން ރުފިޔާ އިން ޖޫރިމަނާ ކުރުމެވެ. އެހެންކަމުން، އަލަށް މި ގެންނަ އިސްލާހާ އެކު، ރާއްޖެއަށް ކުނި އެތެރެ ކުރާ ފަރާތެއް އެ އަދަދުން ޖޫރިމަނާ ކުރެވޭނެ އެވެ.

މިދިޔަ އެމްޑީޕީގެ ސަރުކާރުގައި، ޑިސެމްބަރު 2022ގައި ގާނޫނަށް ގެނައި އިސްލާހަކާ އެކު، އޭޕްރީލް 2023ގައި  ކޮންމެ ޕްލާސްޓިކް ކޮތަޅަކުން ޓެކްސްގެ ގޮތުގައި 2ރ. ނަގަން ފެށި އެވެ. ސަރުކާރުން މި ފަހަރު ހުށަހެޅި ބިލުގައި އޮތް މައިގަނޑު އަނެއް ބަދަލަކީ އެ ޓެކްސްއަށް ލުޔެއް ދިނުމެވެ. އެގޮތުން:

އެހެންކަމުން، މި އިސްލާހު އެ ގޮތަށް އޮވެ ފާސްވެއްޖެ ނަމަ، 50 ކޮތަޅަށް ވުރެ ގިނަ އަދަދަކަށް ޕްލާސްޓިކް ކޮތަޅު ހުންނަ ކޮތަޅު ބޮނޑިން ޓެކްސް ނުނަގާނަ އެވެ. ނަތީޖާއެއްގެ ގޮތުން ގަނޑުކޮށް ކޮތަޅު ބޮނޑި ގަންނަ އިރު އެ ބޮނޑި އަގުހެޔޮވާނެ އެވެ.