މާލެ ސިޓީ ކައުންސިލުގެ ޑަބްލިއުޑީސީ މެމްބަރުން ހުވާކުރުމުގެ ރަަސްމިޔާތު ތެރެއިން_(ފޮޓޯ/މާލޭ ކައުންސިލް)
ޑަބްލިއުޑީސީ ރައީސުންގެ މުސާރަ އަނެއްކާވެސް ކުޑަކޮށްފި: ސިޓީއަށް 20،000ރ.؛ ރަށަށް 15،000ރ.
ރަށްރަށް ވެސް ހިމެނޭ ގޮތަށް، އަންހެނުންގެ ކޮމިޓީ (ޑަބްލިއުޑީސީ)ތަކުގެ ރައީސުންގެ މުސާރަ އަނެއްކާވެސް ކުޑަކޮށްފި އެވެ.
ވީ ކިހިނެއް؟ - ޕޭ ކޮމިޝަނުން އަންހެނުންގެ ކޮމިޓީތަކުގެ މެންބަރުންގެ މުސާރަ މިދިޔަ ބުދަ ދުވަހު ކަނޑައަޅައި ފޮނުވިއިރު، ކައުންސިލުތަކުގެ ކައުންސިލުތަކުގެ ރައީސުންނާއި ކައުންސިލަރުންނަަށް ލިބޭ މުސާރައަށް ވުރެ ވެސް ބޮޑެވެ.
އެކަމަށް ފާޑުކިއުން ބޮޑުވުމުން، ދެ ފަަހަރެއްގެ މަތިން މުސާރައަށް ބަދަލު ގެނެސްފައިވެ އެވެ. އެގޮތުން:
-
ފުރަތަމަ ފޮނުވި ސާކިއުލާގައިވާ ގޮތުން، ސިޓީތަކުގެ ޑަބްލިއުޑީސީތަކުގެ ރައީސުންގެ މުސާރައަކީ 41،500ރ.
-
ރަށްރަށުގައި ތިބޭ ޑަބްލިއުޑީސީތަކުގެ ރައީސުންގެ މުސާރައަކީ 21،000ރ.
-
ފާޑުކިއުންތަކާ އެކު ޑަބްލިއުޑީސީގެ ސިޓީތަކުގެ ރައީސުންގެ މުސާރަ 33،000ރ.އަށް ކުޑަކުރި؛ އެކަމަކު މި ކޮމިޓީތަކުގެ ރަށު ރައީސުންގެ މުސާރައަށް ބަދަލެއް ނުގެނޭ
ތަފްސީލް - މިއަދު އަނެއްކާވެސް މުސާރައަށް ބަދަލުތަކެއް ވަނީ ގެނެސްފަ އެވެ. މިފަަހަރު ގެނައި ބަދަލުގައި، ރަށު ކޮމިޓީތަކުގެ ރައީސުންގެ މުސާރައިން ވެސް ބޮޑު އެެއްޗެއް ވަނީ އުނިކޮށްފަ އެވެ. އެގޮތުން، މިހާރު ގެނެސްފައިވާ ބަދަލަކީ:
-
ސިޓީތަކުގެ އަންހެނުންގެ ކޮމިޓީގެ ރައީސުންނަށް މަހަކު 20،000ރ.
-
ރަށްރަށުގެ އަންހެނުންގެ ކޮމިޓީގެ ރައީސުންނަށް މަހަކު 15،000ރ.
އެހެން މެމްބަރުންގެ މުސާރައަށް މިފަހަރު ވެސް ބަދަލެއް ގެނެސްފައެއް ނުވެ އެވެ. އެހެންވެ، ކުރިއެކޭ ވެސް އެއްގޮތަށް ޑަބްލިއުޑީސީތަކުގެ މެންބަރުންގެ މުސާރައަކީ:
-
ސިޓީތަކުގެ ޑަބްލިއުޑީސީ މެންބަރުންނަށް 6،000ރ. އަދި ނައިބު ރައީސުންނަށް 7،000ރ.
-
ރަށްރަށުގެ ޑަބްލިއުޑީސީ މެންބަރުންނަށް 5000ރ. އަދި ނައިބު ރައީސުންނަށް 6000ރ.
އެނގުން މުހިންމު - ނިމިދިޔަ ކައުންސިލުތަކުގެ ދައުރުގައި ސިޓީތަކުގެ ޑަބްލިއުޑީސީ ރައީސުންގެ މުސާރައަކީ 7،000ރ. އަދި ރަށްތަކުގެ ޑަބްލިއުޑީސީ ރައީސުންގެ މުސާރައަކީ 6،000ރ. އެވެ.
ކޮމެންޓް (3)
ސިރާޖު
ކޮމޮޑަސް
ސިކުނޑި