މާލެ ސިޓީ ކައުންސިލަރުންނާއި ޑަބްލިއުޑީސީ މެންބަރުން ހުވާކުރުމުގެ ރަސްމިއްޔާތުގެ ތެރެއިން(ފޮޓޯ/މާލެ ކައުންސިލް)
ސިޓީތަކުގެ ޑަބްލިއުޑީސީ ރައީސުންގެ މުސާރަ 33،000ރ.އަށް ކުޑަކޮށްފި
ފާޑުކިއުންތައް އަމާޒުވެފައިވަނިކޮށް ސިޓީ ކައުންސިލުތަކުގެ އަންހެނުންގެ ކޮމިޓީތަކުގެ (ޑަބްލިއުޑީސީ)ތަކުގެ ރައީސުންގެ މުސާރަ ކުޑަކޮށްފި އެވެ.
ވީ ކިހިނެއް؟ - ޕޭ ކޮމިޝަނުން އަންހެނުންގެ ކޮމިޓީތަކުގެ މެންބަރުންގެ މުސާރަ މިދިޔަ ބުދަ ދުވަހު ކަނޑައަޅައި ފޮނުވި ސާކިއުލާގައިވާ ގޮތުން، އެ ކޮމިޓީތަކުގެ ރައީސުންނަށް ލިބޭ މުސާރަ ކައުންސިލަރުނާއި ކައުންސިލުތަކުގެ ރައީސުންނަށް ލިބޭ މުސާރައަށް ވުރެ ވެސް ބޮޑެވެ.
އޭގައިވާ ގޮތުން:
-
ސިޓީތަކުގެ ޑަބްލިއުޑީސީ ރައީސުންގެ މުސާރައަކީ 41،500ރ. (އަސާސީ މުސާރަ 33،000ރ. އަދި ލިވިން އެލަވަންސް 8،500ރ.)
-
ރަށްތަކުގެ ޑަބްލިއުޑީސީ ރައީސުންގެ މުސާރައަކީ 21،000ރ. (އަސާސީ މުސާރަ 16،500ރ. އަދި ލިވިން އެލަވަންސް 4،500ރ.)
ތަފްސީލް - މިހާ ބޮޑު މުސާރައެއް ދޭތީ އާންމުންގެ ފާޑުކިއުން އަމާޒުވެފައިވަނިކޮށް، އޭގެ ފަހުން އިއްޔެ ފޮނުވި އެެހެން ސާކިއުލާއެއްގައި ވަނީ:
-
ސިޓީތަކުގެ ޑަބްލިއުޑީސީ ރައީސުންގެ މުސާރަ 33،000ރ.އަށް ކުޑަކޮށްފައި
-
އެއީ އަސާސީ މުސާރައަށް 24،500ރ. އަދި ލިވިން އެލަވަންސްގެ ގޮތުގައި 8،500ރ.
-
އެކަމަކު، ރަށްރަށުގެ ޑަބްލިއުޑީސީގެ ރައީސުންގެ މުސާރައަށް ބަދަލެެއް ގެނެސްފައެއް ނުވެ އެވެ.
ނިމިދިޔަ ކައުންސިލުތަކުގެ ދައުރުގައި ސިޓީތަކުގެ ޑަބްލިއުޑީސީ ރައީސުންގެ މުސާރައަކީ 7،000ރ. އަދި ރަށްތަކުގެ ޑަބްލިއުޑީސީ ރައީސުންގެ މުސާރައަކީ 6،000ރ. އެވެ.
