ދިވެހި ސަރުކާރާ މަޝްވަރާކުރަން މޮރިޝަސްއިން އޮތީ ތައްޔާރަށް: ނަޝީދު

ރާއްޖެއާ ސިޔާސީ ގުޅުން ކަނޑާލާފައި އޮތް މޮރިޝަސްއިން އޮތީ ސުލުހަވެރި ހައްލެއް ހޯދަން ރާއްޖެއާ މަޝްވަރާކުރަން ތައްޔާރަށް ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

ވީ ކިހިނެއް؟ - މޮރިޝަސް އިން، ރާއްޖެއާ ސިޔާސީ ގުޅުން ކަނޑާލީ، މިދިޔަ މާޗު މަސްތެރެ އެވެ. އެ ގުޅުން ކަނޑާލި ސަބަބަކަށް އެ ގައުމުގެ ސަރުކާރުން ބުނެފައިވަނީ، ޗާގޯސް ޖަޒީރާގެ ރަށްތައް އިނގިރޭސިވިލާތުން މޮރިޝަސްއަށް ހަވާލުކުރަން ނިންމާފައިވާ ނިންމުމާ ރާއްޖެއިން ދެކޮޅު ހަދާކަން ހާމަކޮށް އެކަމާ ދެކޮޅަށް މަސައްކަތް ކުރާތީ އާއި އެ ރަށްތަކުގެ މިލްކުވެރިކަމާ މެދު ދިވެހި ސަރުކާރުން ދައުވާކުރަމުންދާތީ ކަމަށެވެ.

ރާއްޖެ އާއި މޮރިޝަސްއާ ދެމެދު ސިޔާސީ ގުޅުން ގާއިމްކުރީ މީގެ 44 އަހަރު ކުރިން 15 ޖެނުއަރީ 1981ގަ އެވެ.

ބުނީ ކީކޭ؟ - އިންޑިއާގެ ނިއުދިއްލީގައި އިއްޔެ އޮތް 10 ވަނަ އިންޑިއަން އޯޝަން ޑައިލޮގްގައި ބައިވެރިވެވަޑައިގަތުމަށް ފަހު މިއަދު މާލެ ވަޑައިގެން ނޫސްވެރިންނާއި ބައްދަލުކުރައްވާ ނަޝީދު ވިދާޅުވީ، އެ ދަތުރުފުޅުގައި މޮރިޝަސްގެ ފޮރިން މިނިސްޓަރާއި ބައްދަލުކޮށް މަޝްވަރާކޮށްފައިވާ ކަމަށެވެ.

"އެއްވެސް ހާލެއްގައި އަވަށްޓެރި ގައުމުތަކާއި ޑިޕްލޮމެޓިކް ގުޅުން ނެތުމަކީ ރަނގަޅު ކަމެއް ނޫން. އެބޭފުޅުން ތިއްބެވީ ތައްޔާރަށް. އަޅުގަނޑު އުންމީދުކުރަން ރާއްޖޭގެ ފޮރިން އެފެއާޒުން ވެސް މޮރިޝަސް ސަރުކާރާ އެކު މި ފުރުސަތުގެ ބޭނުންކޮށްގެން ކުރިއަށްދާނެ ކަމަށް،" ނަޝީދު ވިދާޅުވި އެވެ.

މި ދަތުރުފުޅުގައި، ރާއްޖެ އަށް ކުރިމަތިވެފައިވާ ބޭރު ފަައިސާގެ ދަތިކަމާގުޅޭ ގޮތުން އިންޑިއާ ސަރުކާރުގެ ބޭފުޅުންނާއި ވެސް މަޝްވަރާތަކެއް ކުރައްވާފައިވާނެ ކަމަށް ނަޝީދު ވިދާޅުވި އެވެ. އެކަމަކު، އެކުވެރި ދައުލަތްތަކުން ދޭ ފައިސާ އިސްރާފުކުރަމުންދާ ނަމަ، އެ ގައުމުތަކުގެ އިސް ފަރާތްތަކުން ވެސް އެއްޗެހި ހިތަށް އަރާނެ ކަމަށް ނަޝީދު ވިދާޅުވި އެވެ. 

"އަޅުގަނޑު އުންމީދުކުރަން އިންޑިއާ ސަރުކާރަށް ޕްރޮގްރާމެއް ހުށަހަޅައިގެން ވަކި ޕްރޮގްރާމެއްގެ ދަށުން މިކަންކަން ކުރިއަށް ގެންދެވޭނެގޮތަކަށް އިންތިޒާމުތައް ހަމަޖައްސާނެ ކަމަށް،" ނަޝީދު ވިދާޅުވި އެވެ.

އެނގުން މުހިންމު -  ޗާގޯސްގެ ރަށްތަކުގެ ހަގީގީ މިލްކުވެރިންނަކީ ދިވެހިންކަން ތާރީހީ ހެކިތަކުން އެނގެން އޮތް ކަމަށް ވިދާޅުވެ އިނގިރޭސި ބޮޑުވަޒީރަށް ރައީސް މުއިއްޒު ވަނީ ސިޓީއެއް ފޮނުއްވާފަ އެވެ. ޗާގޯސް ޖަޒީރާތަކުގެ ސިޔާދަތީ ބާރު މޮރިޝަސްއާ ހަވާލުކުރުމަށް އިނގިރޭސިވިލާތުން ނިންމާފައިވާ ނިންމުމަށް ގޮންޖަހައި ގާނޫނީ ފިޔަވަޅު އެޅުމާ މެދު ވިސްނަމުން އަންނަ ކަމަށް ވެސް މި ސަރުކާރުން ވަނީ ބުނެފަ އެވެ.

މީގެ އިތުރުން، ރައްޔިތުންގެ މަޖިލިސް މި އަހަރަށް ހުޅުވުމުގެ ގޮތުން ދެއްވި ރިޔާސީ ބަޔާނުގައި ރައީސް މުއިއްޒު އިއުލާން ކުރެއްވި ގޮތުގައި: