އެމްްޓީސީސީން މިދިޔަ ބުރާސްފަތި ދުވަހު ހުޅުމާލޭގައި ބޭއްވި ޖަލްސާގައި އެ ކުންފުނީގެ މެނޭޖިން ޑިރެކްޓަރު ސައުދީ ވާހަކަ ދައްކަވަނީ. (ފޮޓޯ/ރައީސް އޮފީސް)
އެމްޓީސީސީން އިއްޔެ 49 ވަޒީފާ އިއުލާންކޮށްފި؛ ކުރިމަތިލާން ދިނީ 12 ގަޑިއިރަށް ވުރެ ކުޑަ ވަގުތެއް
އެމްޓީސީސީން އިއްޔެ އެކަނި 46 ވަޒީފާއަށް އިއުލާންކޮށް، ކުރިމަތިލާން 12 ގަޑިއިރަށް ކުރު ވަގުތެއް ދީފި އެވެ.
ވީ ކިހިނެއް؟ - ހިޔާލު ހޯދުމުގެ ވޯޓާއި ކައުންސިލް އިންތިހާބުގެ ވޯޓުލުން މިއަދު ފެށުމަށް ވަގުތު ކުޑަތަންވެފައިވަނިކޮށް، އެމްޓީސީސީން މި ވަޒީފާތަކަށް އިއުލާންކޮށަްފައިވަނީ ރޭ 12 ޖަހަން އުޅެނިކޮށެވެ.
ތަފްސިލު - ސަރުކާރުގެ ގެޒެޓުގައިވާ ގޮތުން، ރޭ 11:45 އާއި ދަންވަރު 12:31އާ ދެމެދު ހަ އިއުލާނެއްގެ ދަށުން 49 ވަޒީފާއަކަށް މީހުން ހޯދުމަށް އެމްޓީސީސީން އިއުލާންކޮށްފައިވެ އެވެ. އެގޮތުން:
-
ރޭ 12ގެ ކުރިން އާންމު ކުރި ފަސް އިއުލާނެއްގެ ދަށުން، ހޯދަން އިއުލާން ކުރި 46 ވަޒީފާއަށް ކުރިމަތިލުމުގެ ސުންގަނޑިއަކީ މިއަދު ހެނދުނު 11
-
ރޭ ދަންވަރު ކުރި އިއުލާންގެ ދަށުން ހޯދަން އިއުލާން ކުރި ތިން ވަޒީފާއަށް ކުރިމަތިލުމުގެ ސުންގަނޑިއަކީ މިއަދު މެންދުރު 12
-
މި މަގާމުތަކުގެ މުސާރައަކީ 10،000ރ. އާއި 15،000ރ.އާ ދެމެދު
-
ގިނަ މަގާމުތަކުގެ ޝަރުތަކީ "އަސާސީ ތައުލީމް ހާސިލުކޮށްފައިވުން"
މީގެ ތެރެއިން ގިނަ ވަޒީފާތަކަކީ "ޕްރޮޖެޖްގެ ނިލަކަށް" ނަގާ މަގާމުތައް ކަމަށް އެ އިއުލާންތަކުގައި ބުނެފައިވެ އެވެ. ދެން ހުރި މަގާމުތަކަކީ އެއް އަހަރުދުވަހުގެ ކޮންޓްރެކްޓަށް ނަގާ މަގާމުތަކެވެ.
ފާހަގަކޮށްލެވޭ - މި 49 ވަޒީފާއަކީ ހަމައެކަނި ރޭ އިއުލާން ކުރި ވަޒީފާތަކެވެ. އެމްޓީސީސީން ވަނީ މިދިޔަ މަހުގެ 1 އިން ފެށިގެން 28ގެ ނިޔަލަށް 1،000އަށް ވުރެ ގިނަ ވަޒީފާއަށް އިއުލާންކޮށްފަ އެވެ. އަދި މި ހަފްތާ ތެރޭގައި ވެސް ގިނަ ވަޒިފާތަކަކަށް އިއުލާންކޮށްފައިވެ އެވެ.
ކޮމެންޓް (4)
ކޮމޮޑަސް
އަހަންމަދު
ބެއްޔާގެ ދަރި
ހަތަރެސްކަން