ވަގުތީ ނަތީޖާ: ދެ އިންތިހާބު އެއްކުރަން ރައްޔިތުން ބުނީ ނޫނެކޭ

މަޖީދީއްޔާ ސްކޫލްގައި ބަހައްޓާފައިހުރި ހެންވޭރު ހުޅަނގު ދާއިރާގެ ވޯޓް ފޮށީގެ ބާތިލް ވޯޓްތަކެއް ގުނާ ގޮތުގައި ހިޔާލު ތަފާތުވެ ހަމަނުޖެހުންތަކެއް ވަނީ ހިނގާފައި. އެ ފޮށީގެ ވޯޓް ގުނުން އޮތީ ހުއްޓިފައި. 

ރަށު ކައުންސިލް އިލެކްޝަންސްގެ ވޯޓާއި އަންހެނުންގެ ތަރައްގީއަށް މަސައްކަތްކުރާ ކައުންސިލްގެ ވޯޓް ގުނާ ނިމުނު ފޮށިތަކުގައި ފެންނަ ނުފެންނަ ވޯޓް ގުނައި ނަތީޖާ ވަނީ ލިބެން ފަށާފައި. މިހާތަނަށް ލިބިފައި ހުރި ވަގުތީ ނަތީޖާތަކަށް ބަލާއިރު، ގުނި ވޯޓްގެ %67 މީހުން ބުނެފައި ވަނީ ދެ އިންތިހާބު އެއްކުރަން ނުފެންނަ ކަމަށް. އާ އެކޭ ބުނީ، %33 މީހުން. 

އެންމެ ފުރަތަމަ ހުޅުވައި ގުނަނީ ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ވޯޓް. ފެންނަ ނުފެންނަ ވޯޓްގެ ފޮށިތައް ގުނަން ފަށާނީ އެއަށް ފަހު. 

ވޯޓްލުން ނިމިފައިވާ ފޮށިތަކުގައި މިހާރު ވަނީ ވޯޓް ގުނަން ފަށާފައި

ވޯޓް ކިއުތައް ބަންދުކުރީއިރު ވަރަށް ގިނަ މަރުކަޒުތަކުގައި ވޯޓްލާ ކިއު ވަރަށް ދިގު. 

ހިއުމަން ރައިޓްސް ކޮމިޝަން (އެޗުއާރުސީއެމް) އިން ބުނީ އިންތިހާބުގެ ވޯޓުލުމުގެ ކަންކަން އާންމު ގޮތެއްގައި އަމާންކަމާއި އޮމާންކަމާއެކީގައި ކުރިއަށްދާކަން ފާހަގަކުރެވޭ ކަމަށް. ވޯޓުގެ ސައްހަކަމާ މެދު ސުވާލު އުފެދޭ ފަދަ ކަމެއް އެ ކޮމިޝަނުގެ ސަމާލުކަމަށް މިހާތަނަށް އައިސްފައިނުވާ ކަމަށް ވެސް އެ ތަނުން ބުނި.

އީސީގެ ރައީސް މުހައްމަދު ޒާހިދު ދެންމެ ވިދާޅުވީ، މިހާ ހިސާބަށް އައިރު ވޯޓުލެވޭ އާބާދީގެ %44.75 ވޯޓުލާ ނިމިފައިވާ ކަމަށް. އެއީ ވޯޓުލާން ނުކުންނަ އަދަދަށް ބަލާއިރު ރަނގަޅު އަދަދެއް ކަމަށް އޭނާ ވިދާޅުވި.

މާލޭގައި ބައެއް ފޮށިތަކުގައި ބައެއް ކުދިކުދި މައްސަލަތައް ދިމާވިޔަސް، ބޮޑެތި މައްސަލަތަކެއް ދިމާނުވާ ކަމަށާއި އިންތިޒާމުކޮށްފައިވާ ގޮތަށް ވޯޓުލުމުގެ ކަންކަން އަމާންކަމާ އެކު ކުރިއަށްދާ ކަމަށް ޒާހިދު ވިދާޅުވި.

އެންމެން ވެސް 4 ޖެހުމުގެ ކުރިން ވޯޓުލައި ނިންމާލުމަށް ޒާހިދު އިލްތިމާސްކުރެއްވި.

ފުލުހުން ދެންމެއަކު ބުނީ ގދ. ގަދޫ ސްކޫލުގައި ވޯޓުލުން ކުރިއަށްދަނިކޮށް، ވޯޓު ކަރުދާހުގައި ފާހަގަޖެހުމަށް ތައްޔާރުކޮށްފައިވާ ބޫތެއްގައި، ފާހަގަ ޖާހާއިރު ވޯޓުގެ ސިއްރުކަން ނުހިފެހެއްޓޭ ކަމަށް ބުނެ ބަޔަކު އެތަނަށް ވަދެ ބޫތަށް ބަދަލުގެންނަން އުޅުމުގެ ސަބަބުން ހަމަނުޖެހުމެއް ހިނގާފައިވާ ކަމަށް. ނަމަވެސް، މިހާރު އެ ސަރަހައްދު އާންމު ހާލަތަކަށް ގެނެސްފައިވާ ކަމަށް ފުލުހުން ބުނި.

ކުރީގެ ރައީސް މައުމޫން އަބްދުލްގައްޔޫމް ވޯޓުލައްވައިފި. އެ މަނިކުފާނު ވޯޓުލެއްވީ އަމީނިއްޔާ ސްކޫލުގައި ހުރި ވޯޓުފޮއްޓަކަށް.

އިލެކްޝަންސް ކޮމިޝަނުން ދެންމެއަކު ބުނީ މިއަދު މެންދުރު 12 ޖެހުމާ ހަމައަށް 62،083 ނުވަތަ %21.05 މީހުން ވޯޓުލާފައިވާ ކަމަށް.

އިލެކްޝަންސް ކޮމިޝަނުން ދެންމެއަކު ބުނީ މިއަދު ހެނދުނު 11 ޖެހުމާ ހަމައަށް 58،819 ނުވަތަ %19.95 މީހުން ވޯޓުލާފައިވާ ކަމަށް.

މިއަދު ކުރިއަށްދާ އިންތިހާބުތަކުގެ ކަންކަން ކުރިއަށްދާ ގޮތާ މެދު ވަރަަށް ހިތްހަމަޖެހިވަޑައިގަންނަވާ ކަމަށާއި ޑިމޮކްރަސީ ހިނގަމުންދާ ތަން ފެނިވަޑައިގަތުމަކީ އެ މަނިކުފާނުގެ ހިތްޕުޅަށް އުފާވެރިިކަން ލިބިވަޑައިގަންނަވާ ކަމެއް ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ.

މިއަދު ކުރިއަށްދާ އިންތިހާބުތަކާ ގުޅިގެން އެމްޑީޕީން ކުރި ކެމްޕޭންތަކުން ފެނުނީ މި ސަރުކާރާ މެދު ދިވެހިންގެ ހިތުގައި އޮތް ހިތްހަމަނުޖެހުން ކަމަށާއި އެކަން މިއަދުގެ ވޯޓުގައި ރައްޔިތުން ދައްކާނެ ކަމަށް ކުރީގެ ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްެޖެ.

ކުރީގެ ރައީސް މުހައްމަދު ނަޝީދު ވޯޓުލައްވައިފި. އެ މަނިކުފާނު ވޯޓުލެއްވީ އިސްކަންދަރު ސްކޫލުގައި ހުރި ވޯޓުފޮއްޓަކަށް.

ނައިބު ރައީސް ހުސެން މުހައްމަދު ލަތީފް ވޯޓުލައްވައިފި. އެ މަނިކުފާނު ވޯޓުލެއްވީ ހެންވޭރު ދަނޑުގައި ހުރި ވޯޓުފޮއްޓަކަށް.

ކުރީގެ ރައީސް އިބްރާހިމް މުހައްމަދު ސޯލިހް ވޯޓުލައްވައިފި. އެ މަނިކުފާނު ވޯޓުލެއްވީ ޖަމާލުއްދީން ސްކޫލުގައި ހުރި ވޯޓުފޮއްޓަކަށް.

އިލެކްޝަންސް ކޮމިޝަނުން ބުނީ މިއަދު ހެނދުނު 10 ޖެހުމާއަށް 41،162 ނުވަތަ %13.96 މީހުން ވޯޓުލާފައިވާ ކަމަށް.

ރާއްޖޭގެ އިންތިހާބުތައް ތަރުތީބުކުރެވިފައިވާ ގޮތާ މެދު ހިޔާލު ހޯދުމުގެ މުހިންމު ވޯޓެއް އޮތް ނަމަވެސް ވީހާ ވެސް ގިނަ ރައްޔިތުން ބައިވެރިކުރުމަށް އިލެކްޝަންސް ކޮމިޝަން (އީސީ)ން ޒިންމާ އަދާކޮށްފައި ނެތް ކަމަށް ކުރީގެ ރައީސް އަބްދުﷲ ޔާމީން މިއަދު ވިދާޅުވެއްޖެ.

މާލޭގެ މޭޔަރު ކަމަށް، ކުރީގެ ރައީސް އަބްދުﷲ ޔާމީންގެ ތާއީދާ އެކު އަމިއްލަ ގޮތުން ކުރިމަތިލައްވާފައިވާ އިސްމާއިލް ޒަރިޔަންދު ވޯޓުލައްވައިފި.

މާލޭގެ މޭޔަރު ކަމަށް، ވެރިކަން ކުރާ ޕީއެންސީގެ ފަރާތުން ކުރިމަތިލައްވާފައިވާ މޫސާ އަލީ ޖަލީލު ވޯޓުލައްވައިފި.

ހދ. ކުޅުދުއްފުށީގެ މޭޔަރު ކަމަށް ވާދަކުރައްވާ ބޭފުޅުންނަކީ (ކެންޑިޑޭޓު ނަންބަރު ތަރުތީބުން):

މާލޭގެ މޭޔަރު ކަމަށް އިދިކޮޅު އެމްޑީޕީގެ ފަރާތުން ކުރިމަތިލައްވާފައިވާ މިހާރުގެ މޭޔަރު އާްދަމް އާޒިމް ވޯޓުލައްވައިފި.

ކުރީގެ ރައީސް ޔާމީން ވޯޓުލައްވައިފި. އެ މަނިކުފާާނު ވޯޓުލެއްވީ އަހުމަދިއްޔާ ސްކޫލުގައި ހުރި ވޯޓުފޮއްޓަކަށް.

ފުވައްމުލަކު މޭޔަރު ކަމަށް ވާދަކުރައްވާ ބޭފުޅުންނަކީ (ކެންޑިޑޭޓު ނަންބަރު ތަރުތީބުން):

އައްޑޫގެ މޭޔަރު ކަމަށް ވާދަކުރައްވާ ބޭފުޅުންނަކީ (ކެންޑިޑޭޓު ނަންބަރު ތަރުތީބުން):

މާލޭގެ މޭޔަރު ކަމަށް ވާދަކުރައްވާ ބޭފުޅުންނަކީ (ކެންޑިޑޭޓު ނަންބަރު ތަރުތީބުން):

އިލެކްޝަންސް ކޮމިޝަނުން ދެންމެ ބުނީ ހުރިހާ މަރުކަޒެއްގައި ވޯޓުލުން މިހާރު ފަށާފައިވާ ކަމަށް.

އިލެކްޝަންސް ކޮމިޝަން ބުނީ ޖުމްލަ 588 ފޮށީގެ ތެރެއިން 585 ފޮށީގެ ވޯޓުލުން ފަށާފައިވާ ކަމަށް. ވޯޓުލުން ނުފެށި ހުރި މަރުކަޒުތަކަކީ، އެ މަރުކަޒަކަށް ވޯޓުލުން ފެށުމަށް ބޭނުންވާ އާންމުންގެ ދެ މީހުން ހާޒިރުނުވާ ތަންތަން ކަމަށް އެ ތަނުން ބުނި.

ހިއުމަން ރައިޓްސް ކޮމިޝަން (އެޗުއާރުސީއެމް) އިން ބުނީ އިންތިހާބު އޮބްޒާވް ކުރުމުގެ ގޮތުން އެ ކޮމިޝަންގެ ފަރާތުން މާލޭގެ އިތުރުން 18 އަތޮޅެއްގެ 21 ރަށެއްގައި ކޮމިޝަންގެ 78 މުވައްޒަފުން ހަރަކާތްތެރިވަމުން އަންނަ ކަމަށް.

ވޯޓުލެއްވުމަށް ފަހު ރައީސް ނޫސްވެރިންނަށް ދެއްވި ކުރު ބަޔާނެއްގައި ވިދާޅުވީ ވޯޓުލުމަކީ އަސާސީ ގާނޫނީ ހައްގެއް ކަމަށް. އެހެންވެ، މި އަސާސީ ހައްގު އަދާކުރުމަށް ވޯޓުގައި ބައިވެރިވުމަށް ރައްޔިތުންނަށް އެ މަނިކުފާނު އިލްތިމާސްކުރެއްވި.

ރައީސް މުހައްމަދު މުއިއްޒު ވޯޓުލައްވައިފި. އެ މަނިކުފާނު ވޯޓުލެއްވީ ތާޖުއްދީން ސްކޫލުގައި ހުރި ވޯޓުފޮއްޓަކަށް.

މިއަދު ނަގާ 3 ވޯޓުގެ ކަރުދާސް ކޮންމެ މީހަކަށް ދޫނުކުރުމަކީ ކަންބޮޑުވާ ކަމެއް ކަމަށް އެމްޑީޕީން ބުނެފި. މިއީ، އެ ޕާޓީން ބުނި ގޮތުގައި، ވޯޓުގެ ސިއްރުކަން ގެއްލުވާލުމަށް ކުރާ ކަމެއް.