ހުޅުމާލެ ބިމު ކުލިން އެފްއޭއެމަށް ލިބެން ޖެހޭ 29 މިލިއަން ރުފިޔާ ގެއްލުވާލި: އޮޑިޓް

ހުޅުމާލޭގައި ފުޓުބޯޅަ ސްކޫލެއް އެޅުމަށް އެފްއޭއެމަށް ދޫކޮށްފައިވާ ބިމުގެ ސްލޮޓްތައް އެކި ފަރާތްތަކަށް ކުއްޔަށް ދޫކޮށްގެން އެފްއޭއެމަށް ލިބުނު ފައިސާގެ ތެރެއިން 29.6 މިލިއަން ރުފިޔާ ގެއްލުވާލާފައިވާކަން އޮޑިޓް ރިޕޯޓަކުން ދައްކައިފި އެވެ.

ވީކިހިނެއް؟ - އެޗްޑީސީން އެފްއޭއެމާ އެކު 11 ޖުލައި 2018ގައި އެއްބަސްވުމެެއްގައި ސޮއިކޮށް، ހުޅުމާލޭން ދޫކުރީ 23،000 އަކަފޫޓުގެ ބިމެކެވެ. ނަމަވެސް 2023 އިން ފެށިގެން އެއްބަސްވި ގޮތަށް އެ ބިމުގެ ކުލި ނުދައްކާ އޮތުމުންނާއި ފުޓުބޯޅަ ސްކޫލުގެ މަސައްކަތް ވެސް ނުހިނގާތީ 17 ސެޕްޓެމްބަރު 2024ގައި އެޗްޑީސީން ވަނީ އެ އެއްބަސްވުން ބާތިލްކޮށްފަ އެވެ.

އެ ބިމުގެ ސްލޮޓްތައް އެކި ފަރާތްތަކަށް ކުއްޔަށް ދޫކޮށްގެން ބޮޑު ކޮރަޕްޝަނެއް ހިންގާފައިވާ ކަމަށް ތުހުމަތުކުރާ އެ މައްސަލާގައި އޮޑިޓް އޮފީހުން ތައްޔާރުކުރި އޮޑިޓް ރިޕޯޓެއް އިއްޔެ އެ އޮފީހުން ވަނީ އާންމުކޮށްފަ އެވެ.

ތަފްސީލް - އެ އޮޑިޓް ރިޕޯޓްގައިވާ ގޮތުގައި، އެފްއޭއެމުން ސަބްލީސް އެއްބަސްވުންތަކެއް ހަދައިގެން ބިމުގެ ބައިތައް ކުއްޔަށް ދޫކުރަން ފެށީ 14 ޑިސެމްބަރު 2021ގަ އެވެ. އޭރުން ފެށިގެން ބިމުގެ އެއްބަސްވުން ބާތިލްކުރަންދެން 15 ސަބްލީސް އެއްބަސްވުމެއް ހެދި އެވެ.

އެ މުއްދަތުގެ ތެރޭގައި އެފްއޭއެމްއަށް ޖުމުލަ 52.2 މިލިއަން ރުފިޔާ ލިބިފައިވާ ކަމަށް އޮޑިޓް ރިޕޯޓްގައިވެ އެވެ. ނަމަވެސް އޭގެ ތެރެއިން 29.6 މިލިއަން ރުފިޔާ ގެއްލުވާލާފައިވާ ކަމަށް ރިޕޯޓްގައި ބުނެފައިވެ އެވެ. އެގޮތުން:

ނަގުދު ފައިސާއިން އެފްއޭއެމަށް ލިބުނު ކަމުގެ ރަސީދުތަކުގައި ސޮއިކޮށްފައިވާ ތަފުސީލު ވެސް އޮޑިޓް ރިޕޯޓްގައިވެ އެވެ. ނަމަވެސް ރިޕޯޓްގައި ލިޔެފައިވަނީ ސޮއިކުރި ފަރާތުގެ މަގާމު އެކަންޏެވެ. ނަން ލިޔެފައެއް ނެތެވެ. އެގޮތުން:

އޮޑިޓް ރިޕޯޓްގައިވާ ގޮތުން، އެފްއޭއެމްގެ އެކައުންޓަށް ޖަމާކުރުމަށްފަހު އެހެން އެކައުންޓްތަކަށް ފޮނުވި ފައިސާގެ ތެރޭގައި ހިމެނެނީ:

މީގެ އިތުރުން، ފުޓުބޯޅަ ސްކޫލް ޕްރޮޖެކްޓްގެ މަސައްކަތް ކުރިއަށް ނުދިޔަ ނަމަވެސް އެ މަސައްކަތް ހަވާލުކުރި ކޮންޓްރެކްޓަރަށް ފައިސާ ދޫކޮށްފައިވާ ކަން އެނގެ އެވެ. އެގޮތުން:

ފާހަގަކޮށްލެވޭ ކަމެއް - 2018 އިން 2023އަށް ސްޕޯޓްސް މިނިސްޓްރީ އޮޑިޓްކުރުމަށް އޮޑިޓް އޮފީހުން ނެރުނު އޮޑިޓް ރިޕޯޓްގައި ވެސް ސްކޫލް ޕްރޮޖެކްޓްގައި ހިނގާފައިވާ ކޮރަޕްޝަނަށް މަގުފަހިވާ އެތައް ކަމެއް ފާހަގަކޮށްފައިވެ އެވެ. 

ގުޅުން ހުރި - އެފްއޭއެމްގެ އޭރުގެ ރައީސް ބައްސާމް އަދީލް ޖަލީލަށް ތުހުމަތުކުރެވޭ ކޮރަޕްޝަންގެ ގިނަ މައްސަލަތަކެއް ފުލުހުންނާއި އެންޓި-ކޮރަޕްޝަން ކޮމިޝަން (އޭސީސީ)ން ދަނީ ތަހުގީގު ކުރަމުންނެވެ. އެއިން ދެ މައްސަލައެއްގައި ބައްސާމްގެ މައްޗަށް ހުކުމްކޮށް އޭނާ ގެންދަވަނީ ޖުމުލަ 31 އަހަރުގެ ޖަލު ހުކުމެއް ތަންފީޒުކުރައްވަމުންނެވެ.