ޑޮލަރުގެ އަގު ކަޅު ބާޒާރުގައި 20ރ. އަށް އަރަން ގާތްކޮށްފި

ކަޅު ބާޒާރުގައި އެމެރިކާ ޑޮލަރު ވިއްކާ އަގު 20ރ. އަށް އަރަން ގާތްކޮށްފި އެވެ.

ވީކިހިނެއް؟ - އެމެރިކާ ޑޮލަރުގެ ރަސްމީ އަގަކީ 15.42ރ. ކަމަށް ވިޔަސް، ކަޅު ބާޒާރުގައި އެ އަގު 19ރ. އަށް އަރައިގެން އުޅޭތާ ގިނަ ދުވަސްތަކެއް ވެއްޖެ އެވެ.

ތަފްސީލް - މާލޭގައި ބޭރު ފައިސާ ގަނެވިއްކާ ބައެއް ތަންތަނުން މިއަދު ބުނި ގޮތުގައި އެ ތަންތަނުން މިއަދު ޑޮލަރު ގަންނަނީ 19.80ރ. އަށެވެ. 

ޑޮލަރު ވިއްކާ އަގު އުޅެނީ 19.90ރ. އާއި20ރ. އާ ދެމެދުގަ އެވެ.

ބޭރު ފައިސާ ގަނެވިއްކުމުގެ މުއާމަލާތްކުރާ ސޯޝަލް މީޑިއާ ގްރޫޕުތަކުގައި ވެސް ޑޮލަރު ގަންނަން އަދި ވިއްކަން ހުށަހަޅާ އަގުތައް އުޅެނީ ޑޮލަރެއް 19.75ރ. އާއި 20ރ. އާ ދެމެދުގަ އެވެ.

މާލޭގައި ބޭރު ފައިސާ މާރުކޮށް ގަނެވިއްކާ ބައެއް ތަންތަނުން ބުނެފައިވާ ގޮތުގައި:

އެނގުން މުހިންމު - ޑޮލަރު މާރުކުރަން މަޖުބޫރުކޮށް އެމްއެމްއޭއިން ނެރެފައިވާ ގަވައިދު އެގޮތަށް ދަމަހައްޓާ ނަމަ ޑޮލަރުގެ އަގު ފުރަތަމަ އަހަރު 19.50ރ.އަށް އަދި ދެ ވަނަ އަހަރު 21.7ރ.އަށް އަރާނޭ ކަމަށް ދިރާސާ ރިޕޯޓެއްގައި ބުނެފައިވެ އެވެ. 

އެ ބަދަލު އަންނަނީ ރިސޯޓްތަކުން މުވައްޒަފުންނަށް ޑޮލަރުން މުސާރަ ދިނުން ހުއްޓާލުމާއި ދިވެހި ބައެއް ކުންފުނިތަކުގެ ބިލްތަކަށް ޑޮލަރުން ފައިސާ ދެއްކުން ހުއްޓާލުމުން އިގްތިސާދުގައި ދައުރުވާ ޑޮލަރު މަދުވާނެތީ އެވެ. 

އެމްއެމްއޭން ނެރުނު ގަވައިދު ގާނޫނަކަށް ބަދަލުކޮށް، މިދިޔަ ޖެނުއަރީން ފެށިގެން އަމަލު ކުރަމުން އަންނަ ބޭރު ފައިސާގެ އެ ގާނޫނުގެ ދަށުން: