މާލޭގެ ގެއެއްގެ ފުރާޅެއް މައްޗަށް އަންހެނަކު ވެއްޓުނު ހާދިސާގައި އިންސާފުވެރި ތަހުގީގެއް ހިންގުމަށް ގޮވާލައި ޒުވާނުން ކުރަމުން އަންނަ މުޒާހަރާ. (ދައުރު ފޮޓޯ/އަބްދުﷲ އަނޫފު ޖުނައިދު)
އެއީ އަޅުގަނޑުގެ އެކަނި އިމާރާތެއް ނޫން؛ އެއްވެސް ނުފޫޒެއް ނުފޯރުވަން: އަމީން
މާލޭގެ އިމާރާތެއްގެ ފުރާޅު މައްޗަށް ޒުވާނަކު ވެއްޓިފައި އޮއްވާ ފެނުނު ހާދިސާއާ ގުޅުމެއް ނެތް ކަމަށާއި އެ މައްސަލައިގެ ތަހުގީގަށް ނުފޫޒު ފޯރުވަން އެއްވެސް ބޭފުޅަކަށް ގުޅުއްވައި ނުވަތަ އެފަދަ އެއްވެސް ކަމެއް ކުރައްވާފައި ނުވާނެ ކަމަށް ޓްރާންސްޕޯޓް މިނިސްޓަރު މުހައްމަދު އަމީން މިރޭ ވިދާޅުވެއްޖެ އެވެ.
މައްސަލައިގެ ފެށުން - ހެންވޭރުގައި ހުންނަ ގެއެއްގެ ފުރާޅު މައްޗަށް، 21 އަހަރުގެ އެ ޒުވާނާ ވެއްޓިފައި އޮއްވާ ފެނުނީ މިދިޔަ ހުކުރު ދުވަހު ހެނދުނެވެ. ހާލު ދެރަވަގެން ގޮސް، ޖެހިގެން އައި ހޮނިހިރު ދުވަހު ވެންޓިލޭޓަރަށްލީ ކަމަށް އައިޖީއެމްއެޗުން ބުންޏެވެ. އެ އަންހެން މީހާ ރޭގެ ވަގުތެއްގައި ވެންޓިލޭޓަރުން ވަނީ ނަގާފަ އެވެ.
އެ ޒުވާނާ ކޮއްޕާ ވައްޓާލީ ކަމަށް ތުހުމަތުކޮށް ވަރަށް ގިނަ ވާހަކަތައް ދަނީ ފެތުރެމުންނެވެ. ބައެއް މީހުންނަށް އެ ތުހުމަތު އަމާޒުކޮށް އެކި ވާހަކަތައް ސޯޝަލް މީޑިއާގައި ޕޯސްޓްކޮށްފައިވެ އެވެ.
ނަމަވެސް، ފުލުހުން ބުނީ އެ އަންހެން މީހާ ނުވަ ވަނަ ބުރިން ވެއްޓުނީ މީހަކު ކޮއްޕާލައިގެން ނޫންކަން ތަހުގީގަށް ޔަގީންވެފައިވާ ކަމަށެވެ.
ވީ ކިހިނެއް؟ - އަމީނަށް ސޯޝަލް މީޑިއާގައި ތުހުމަތުތަކެއް ކުރުމަށް ފަހު، އެ ހާދިސާގެ ތަހުގީގުގެ މައުލޫމާތު ހިއްސާކުރަން ފުލުހުން ރޭ ބޭއްވި ސިއްރު ނޫސްވެރިންގެ ބައްދަލުވުމަށް ފަހު ވެސް އެ ތުހުމަތުތަކުގެ އަޑު ގަދަވި އެވެ.
އެ ބައްދަލުވުމުގައި، ވެއްޓުނު އަންހެން މީހާ އާއި އޭނާއާ އެކު އެރޭ އުޅުނު އިތުރު ބަޔަކު މާލޭގެ މެދުތެރޭގައި ހުންނަ ގެއެއްގައި ތިބި ކަމަށް ފުލުހުން ވަނީ ބުނެފަ އެވެ. ނަމަވެސް ފުލުހުން އެ ގޭގެ ނަން ހާމައެއްނުކުރެ އެވެ. އެއީ އަންހެން މީހާ ފަހުން ވެއްޓުނު ގެއެއް ނޫނެވެ.
އެ މައުލޫމާތު ނޫސްތަކުން ރިޕޯޓުކުރުމާ އެކު ބައެއް ނޫސްތަކުންނާއި ސޯޝަލް މީޑިއާގައި އެކި މީހުން ވަނީ އެ ގޭގެ އެޑްރެސް އާންމުކޮށް، އެއީ އަމީންގެ ގެކަން ހާމަކޮށްފަ އެވެ. އަދި އެކަމާ ގުޅިގެން މިރޭ ޒުވާނުން ބޭއްވި އިހުތިޖާޖުގައި މިނިސްޓަރުގެ އިސްތިއުފާއަށް ވެސް އަންނަނީ ގޮވަމުންނެވެ.
-
މާލޭގެ ގެއެއްގެ ފުރާޅެއް މައްޗަށް އަންހެނަކު ވެއްޓުނު ހާދިސާގައި އިންސާފުވެރި ތަހުގީގެއް ހިންގުމަށް ގޮވާލައި ޒުވާނުން ކުރަމުން އަންނަ މުޒާހަރާ. (ދައުރު ފޮޓޯ/އަބްދުﷲ އަނޫފު ޖުނައިދު) -
މާލޭގެ ގެއެއްގެ ފުރާޅެއް މައްޗަށް އަންހެނަކު ވެއްޓުނު ހާދިސާގައި އިންސާފުވެރި ތަހުގީގެއް ހިންގުމަށް ގޮވާލައި ޒުވާނުން ކުރަމުން އަންނަ މުޒާހަރާ. (ދައުރު ފޮޓޯ/އަބްދުﷲ އަނޫފު ޖުނައިދު) -
މާލޭގެ ގެއެއްގެ ފުރާޅެއް މައްޗަށް އަންހެނަކު ވެއްޓުނު ހާދިސާގައި އިންސާފުވެރި ތަހުގީގެއް ހިންގުމަށް ގޮވާލައި ޒުވާނުން ކުރަމުން އަންނަ މުޒާހަރާ. (ދައުރު ފޮޓޯ/އަބްދުﷲ އަނޫފު ޖުނައިދު)
ތަފްސީލު - އެ ތުހުމަތުތައް ދޮގުކުރައްވައި އަމީން 'އެކްސް'ގައި މިރޭ ކުރެއްވި ޕޯސްޓެއްގައި ވިދާޅުވީ އެ އަންހެން މީހާއަށް އަވަސް ޝިފާއަކަށް އެދޭ ކަމަށެވެ.
އަމީން ވިދާޅުވީ އޭނާ ދިރިއުޅުއްވާ އިމާރާތުގައި ހުކުރު ދުވަހުގެ ރޭ ދަންވަރު "ގެދަރިން"އެއް ނުވަތަ ހަރަކާތެއް ބޭއްވި ކަމަށެވެ.
ނަމަވެސް އަމީން ވިދާޅުވީ އެއީ އޭނާގެ އެކަނި އިމާރާތެއް ނޫން ކަމަށާއި އެ އިމާރާތުގެ ވެރިންގެ ގޮތުގައި އޭނާގެ އިތުރުން ތިން ބެއިން ވެސް ތިބޭ ކަމަށެވެ.
"އެ ހަރަކާތް ކުރިއަށްގެންދިޔައީ އަޅުގަނޑު ދިރިއުޅޭ އެޕާޓްމަންޓުގައެއް ނޫން. އެ ހަރަކާތާ ބެހޭ އެއްވެސް މައުލޫމާތެއް ވެސް އެނގިފައެއް ނުވޭ އަދި އެޕާޓްމަންޓުގެ ބޭރުގައި ހިނގާ ކަންކަމަށް އަޅުގަނޑުގެ އެއްވެސް ބާރެއް ވެސް ނުފޯރާނެ،" އަމީން ވިދާޅުވި އެވެ.
އަމީން ވިދާޅުވި ގޮތުގައި:
-
އެ ހަރަކާތުގައި އޭނާއަށް ބޮޑުބޭބެ ކިޔާ ދެ މީހަކު ބައިވެރިވި؛ ހާދިސާއަށް ފަހު އެ މީހުންނާ ސުވާލުކުރަން ވެސް ފުލުހުން ގެންދިޔަ
-
އެ ހުރިހާ ކަމެއް އެނގިވަޑައިގަތީ ހުކުރު ދުވަހުގެ ހަވީރު
-
ތަހުގީގީ ނުވަތަ ތަންފީޒީ އިދާރާއަކާ ގުޅޭ އެއްވެސް ބާރެއް އޭނާގެ ނޯވޭ
އަމީން ވިދާޅުވީ އެ ހާދިސާގެ ފަހުން މިއަދާ ހަމައަށް ވެސް، އެ ހާދިސާއާ ގުޅޭ ގޮތުން ތަހުގީގީ އިދާރާއެއް ނުވަތަ ސަރުކާރުގެ އެއްވެސް މީހަކަށް ނުވަތަ ތަނަކަށް އެންމެ ފޯނުކޯލެއް ވެސް ކުރައްވާފައި ނުވާނެ ކަމަށެވެ.
ތަހުގީގާ ގުޅޭ އެއްވެސް މައުލޫމާތެއް ހޯދާފައިނުވާނެ ކަމަށާއި އެއްވެސް ނުފޫޒެއް ވެސް ފޯރުވާފައިނުވާނެ ކަމުގެ ޔަގީންކަން އަމީން ވަނީ ދެއްވާފަ އެވެ.
އިތުރަށް ކިޔާލަން
ފުލުހުން ބުނާ ގޮތް ގަބޫލެއްނުކުރެވޭ؛ ހަގީގަތް ހާމަކުރޭ: ޒުވާނުން
23 އޭޕްރީލު 2025
ޒުވާނާއާއެކު ހުރި މީހާ ޑްރަގަށް ޕޮޒިޓިވް؛ ޕާސްޕޯޓު ހިފަހައްޓައިފި
23 އޭޕްރީލު 2025
އަންހެން މީހާ ވެއްޓުނީ ކޮއްޕާލައިގެން ނޫންކަން ޔަގީން: ފުލުހުން
23 އޭޕްރީލު 2025
ކޮމެންޓް (5)
ރަށްމެދު
ކެކެކެ
ފީލިންގ
ތެފައާސާ.
ސުންޕާ