10 ރަށެއްގެ ސިއްހީ ހިދުމަތް ދޭ ތަންތަނުގެ އާ އިމާރާތް އެޅުމުގެ މަސައްކަތް ހަވާލުކުރުމުގެ ރަސްމިއްޔާތުގެ ތެރެއިން (ފޮޓޯ/ހެލްތު މިނިސްޓްރީ)
އިތުުރު 10 ރަށެއްގައި ސިއްހީ ހިދުމަތް ދޭ އިމާރާތްތައް އަޅަން 758 މިލިއަނަށް ހަވާލުކޮށްފި
އިތުރު 10 ރަށެއްގައި ސިއްހީ ހިދުމަތް ދޭ އާ އިމާރާތްތައް އަޅަން، ޖުމްލަ 758 މިލިއަން ރުފިޔާއަށް ސަރުކާރު ހިއްސާވާ 3 ކުންފުންޏަކާ އެކު ރޭ ސޮއިކޮށްފި އެވެ.
ވީ ކިހިނެއް؟ - ހެލްތު މިނިސްޓްރީގައި ރޭ ބޭއްވި ރަސްމިއްޔާތެއްގައި މަސައްކަތް ހަވާލުކުރި ސަރުކާރުގެ ކުންފުނިތަކަކީ:
-
އެމްޓީސީސީ
-
އާރުޑީސީ
-
ފެނަކަ
ތަފްސީލް - މީގެ ތެރެއިން އާރުޑީސީއާ ހަވާލުކޮށްފައިވަނީ:
-
ނ. ވެލިދޫ ހޮސްޕިޓަލްގެ އާ އިމާރާތުގެ މަސައްކަތް 108 މިލިއަން ރުފިޔާއަށް؛ 540 ދުވަހުން ނިންމުމަށް
-
އދ. ފެންފުށި ސިއްހީ މަރުކަޒުގެ އާ އިމާރާތުގެ މަސައްކަތް 26 މިލިއަން ރުފިޔާއަށް؛ 540 ދުވަހުން ނިންމުމަށް
މި އެއްބަސްވުންތަކުގައި ހެލްތު މިނިސްޓްރީގެ ފަރާތުން ސޮއިކުރެއްވީ ސްޓޭޓު މިނިސްޓަރު އިސްމާއިލް އަބްދުﷲ އެވެ. އާރުޑީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަލީ ޒުހައިރު އެވެ.
From the ceremony to develop health facility infrastructure, signed between the Ministry and SOEs with the presence of MPs, marking a major step in improving healthcare access for communities across the region.@ANazim2019 @MTCCPlc @rdcmaldives @TeamFenaka #RoadhaigeRoohu pic.twitter.com/rmoU6nECu8
— Ministry of Health (@MoHmv) March 28, 2025
ރޭގެ ރަސްމިއްޔާތުގައި 3 ރަށެއްގެ ސިއްހީ ހިދުމަތް ދޭ މަރުކަޒުތައް އަޅަން ފެނަކައާ ވަނީ ހަވާލުކޮށްފަ އެވެ. އެއީ:
-
ބ. ކުޑަރިކިލު ސިއްހީ މަރުކަޒުގެ އާ އިމާރާތުގެ މަސައްކަތް 7.6 މިލިއަން ރުފިޔާއަށް؛ 1 އަހަރުން ނިންމުމަށް
-
ގއ. ކޮނޑޭ ސިއްހީމަރުކަޒުގެ އާ އިމާރާތުގެ މަސައްކަތް 6.7 މިލިއަން ރުފިޔާއަށް؛ 300 ދުވަހުން ނިންމުމަށް
-
ގދ. ނަޑެއްލާ ސިއްހީ މަރުކަޒުގެ އާ އިމާރާތުގެ މަސައްކަތް 6.7 މިލިއަން ރުފިޔާއަށް؛ 300 ދުވަހުން ނިންމުމަށް
މި އެއްބަސްވުންތަކުގައި ސޮއިކުރެއްވީ ހެލްތު މިނިސްޓްރީގެ ފަރާތުން ސްޓޭޓު މިނިސްޓަރު އިސްމާއިލް އަބްދުﷲ އެވެ. ފެނަކައިގެ ފަރާތުން ސޮއިކުރެއްވީ މެނޭޖިން ޑިރެކްޓަރު މުހައްމަދު ނަޖާހު އެވެ.
މީގެ އިތުރުން، ފަސް ރަށެއްގެ ސިއްހީ ހިދުމަތްދޭ ތަންތަނުގެ އާ އިމާރާތް އެޅުމަށް އެމްޓީސީސީއާ އެކު ރޭ ވަނީ ސޮއިކޮށްފަ އެވެ. އެ ރަށްތަކަކީ:
-
ހދ. ނެއްލައިދޫ ސިއްހީ މަރުކަޒުގެ އާ އިމާރާތުގެ މަސައްކަތް 11 މިލިއަން ރުފިޔާއަށް؛ 450 ދުވަހުން ނިންމުމަށް
-
ށ. މިލަންދޫ ހޮސްޕިޓަލްގެ އާ އިމާރާތުގެ މަސައްކަތް 110.8 މިލިއަން ރުފިޔާއަށް؛ 600 ދުވަހުން ނިންމުމަށް
-
ކ. ތުލުސްދޫ ހޮސްޕިޓަލުގެ އާ އިމާރާތުގެ މަސައްކަތް 110.7 މިލިއަން ރުފިޔާއަށް؛ 600 ދުވަހުން ނިންމުމަށް
-
އއ. ރަސްދޫ ހޮސްޕިޓަލުގެ އާ އިމާރާތުގެ މަސައްކަތް 185.5 މިލިއަން ރުފިޔާއަށް؛ 780 ދުވަހުން ނިންމުމަށް
-
ގއ. ވިލިނގިލި ހޮސްޕިޓަލުގެ އާ އިމާރާތުގެ މަސައްކަތް 185.5 މިލިއަން ރުފިޔާއަށް؛ 780 ދުވަހުން ނިންމުމަށް
މި އެއްބަސްވުންތަކުގައި ސޮއިކުރެއްވީ ހެލްތު މިނިސްޓްރީގެ ފަރާތުން ސްޓޭޓު މިނިސްޓަރު އިސްމާއިލް އަބްދުﷲ އެވެ. އެމްޓީސީސީފެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ސައުދީ އެވެ.
ފާހަގަ ކުރެވޭ - މީގެ ކުރިން 9 ރަށެއްގެ ސިއްހީ ހިދުމަތް ދޭ އާ އިމާރާތްތައް އެޅުމަށް ވެސް މި ތިން ކުންފުންޏާ އެކު ވަނީ ސޮއިކޮށްފަ އެވެ.
ކޮމެންޓް (1)
ސިކުނޑި