ހުސްނުއްސުއޫދު - (ފޮޓޯ/ ރައީސް އޮފީސް)
އިސްތިއުފާ ގަބޫލުނުކޮށް ސުއޫދުގެ މައްސަލަތައް ބަލަން ނިންމައިފި
ސުޕްރީމް ކޯޓުގެ ފަނޑިޔާރު ކަމުން މިއަދު ހެނދުނު އިސްތިއުފާ ދެއްވި ހުސްނުއްސުއޫދުގެ އިސްތިއުފާ ޖުޑީޝަލް ސާވިސް ކޮމިޝަން (ޖޭއެސްސީ)އަށް ލިބިފައި ނުވާތީ، އިސްތިއުފާ ގަބޫލުނުކޮށް ސުއޫދުގެ އިތުރު މައްސަލަތަކެއް ބަލަން އެ ކޮމިޝަނުން މިއަދު ނިންމައިފި އެވެ.
ވީކިހިނެއް؟ - މިއަދު ހެނދުނު ފަނޑިޔާރު ސުއޫދު މަގާމުން އިސްތިއުފާ ދެއްވާފައިވާއިރު، އިއްޔެ ޖޭއެސްސީގެ މެންބަރުންނަށް ފޮނުވި މިއަދު މެންދުރު ފަހު 1 ޖަހާއިރު ބާއްވާ ބައްދަލުވުމުގެ އެޖެންޑާގެ ކަންކަން ދައުރު'އަށް ވަނީ އެނގިފަ އެވެ.
-
ސުޕްރީމް ކޯޓުން ޖޭއެސްސީއަށް އިންތިހާބުކޮށްފައިވާ ސުއޫދު ސަސްޕެންޑްކޮށްފައިވާތީ ކޮމިޝަނުގައި ސުޕްރީމް ކޯޓު ތަމްސީލުކުރައްވާނެ ފަނޑިޔާރަކާ ގުޅޭ ގޮތުން މަޝްވަރާކުރުން
-
ކޮމިޝަނަށް ހުށަހެޅޭ މައްސަލަތަކަކާ ގުޅިގެން ގޮތެއް ނިންމުން؛ ސުއޫދާ ގުޅޭ ގޮތުން ހުށަހަޅާފައިވާ ހަތަރު ޝަކުވާއެއް ވަކި އައިޓަމެއް ގޮތަށް އެޖެންޑާކޮށްފައިވޭ
-
ޖޭއެސްސީގައި ރައީސް ތަމްސީލްކުރެއްވި ކުރީގެ މެންބަރު މުހައްމަދު ސަމީރު ހިމެނިވަޑައިގެންނެވި ކޮމިޓީތަކަށް މެންބަރަކު ހަމަޖެއްސުން
ތަފްސީލް - މިއަދު މެންދުރު ފަހު ބައްދަލުވުމުގައި ސުއޫދުގެ މައްސަލަތައް ބެލުމަށް ޖޭއެސްސީން ނިންމީ:
-
ސުއޫދުގެ އިސްތިއުފާ ސިޓީ ޖޭއެސްސީއަށް ލިބިފައި ނުވާތީ ރައީސް މުހައްމަދު މުއިއްޒަށް އެޑްރެސްކުރައްވައި ސުއޫދު ފޮނުވި އިސްތިއުފާގެ ސިޓީ ޖޭއެސްސީން ގަބޫލު ނުކުރުމަށް
-
ޖޭއެސްސީން އެ ގޮތަށް ނިންމީ ފަނޑިޔާރުންގެ ގާނޫނުގެ 30 ވަނަ މާއްދާއަށް ބެލުމަށް ފަހު؛ އެ ގާނޫނުގައި ވަނީ ފަނޑިޔާރަކު އިސްތިއުފާ ދޭން ބޭނުންވާ ނަމަ އިސްތިއުފާގެ ސިޓީ ޖޭއެސްސީން ފޮނުވުމުން ފަނޑިޔާރުކަމުން ވަކިވާނެ ކަމަށް
-
ސުއޫދުގެ ސިޓީ އަދި ޖޭއެސްސީއަށް ނުލިބޭތީ އޭނާ ފަނޑިޔާރުކަމުން ވަކިނުވާ ކަމަށް ނިންމައި، އޭނާއާ ގުޅޭ ގޮތުން ހުށަހަޅާފައިވާ ސުލޫކީ މައްސަލަތައް ބަލަން ޖެހޭ ކަމަށް
މި މައްސަލަތަކުގެ ތަފްސީލެއް އަދި ނޭނގެ އެވެ.
އެނގުން މުހިންމު - ސުއޫދުގެ ހަތަރު މައްސަލައެއް ބަލަން ޖޭއެސްސީން މިއަދު ނިންމިއިރު އޭނާގެ މައްސަލައެއް ބަލަން މިދިޔަ މަހު 26 ވަނަ ދުވަހު ވެސް ނިންމި އެވެ.
ސުއޫދުގެ އިތުރުން މަހާޒު އަލީ ޒާހިރާއި އަޒްމިރަލްދާ ޒާހިރުގެ މައްސަލައެއް ބެލުމަށް ވެސް ކޮމިޝަނުން އޭރު ނިންމާފައިވެ އެވެ. އެގޮތުން:
-
ސުޕްރީމް ކޯޓުން ޖޭއެސްސީއަށް އިންތިހާބުކޮށްފައިވާ ސުއޫދު ސަސްޕެންޑްކޮށްފައިވާތީ ކޮމިޝަނުގައި ސުޕްރީމް ކޯޓު ތަމްސީލުކުރައްވާނެ ފަނޑިޔާރަކާ ގުޅޭ ގޮތުން މަޝްވަރާކުރުން
-
ކޮމިޝަނަށް ހުށަހެޅޭ މައްސަލަތަކަކާ ގުޅިގެން ގޮތެއް ނިންމުން؛ ސުއޫދާ ގުޅޭ ގޮތުން ހުށަހަޅާފައިވާ ހަތަރު ޝަކުވާއެއް ވަކި އައިޓަމެއް ގޮތަށް އެޖެންޑާކޮށްފައިވޭ
-
ޖޭއެސްސީގައި ރައީސް ތަމްސީލްކުރެއްވި ކުރީގެ މެންބަރު މުހައްމަދު ސަމީރު ހިމެނިވަޑައިގެންނެވި ކޮމިޓީތަކަށް މެންބަރަކު ހަމަޖެއްސުން
މި ތިން ފަނޑިޔާރުން ސަސްޕެންޑް ކުރުމަށް ވެސް ޖޭއެސްސީން ނިންމާފައިވެ އެވެ. ޖޭއެސްސީން ބުނި ގޮތުގައި ތިން ފަނޑިޔާރުން ސަސްޕެންޑްކުރީ އެންޓި ކޮރަޕްޝަން ކޮމިޝަން (އޭސީސީ) އިން އެ ފަނޑިޔާރުންނަށް ތުހުމަތުވާ މައްސަލަތަކެއް ބަލާކަން ޖޭއެސްސީއަށް އެންގުމުންނެވެ.
ތިން ފަނޑިޔާރަކު ސަސްޕެންޑްކުރަން ނިންމީ، ޕާޓީން ވަކިކުރުމުން މަޖިލީހުގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނައި ބަދަލަށް އަމުލުކުރުން މަޑުޖައްސާލަން އެދިފައިވާ ވަގުތީ އަމުރާ ގުޅޭ ގޮތުން އަޑުއެހުމެއް އެ ދުވަހު ފަށަން ކުޑަތަން ވެފައި ވަނިކޮށެވެ.
ސުޕްރީމް ކޯޓުގައި ސަސްޕެންޝަންގައި ނެތް ފަނޑިޔާރުންގެ އަދަދަކީ ހަތަރެކެވެ. ކޯޓުތަކުގެ ގާނޫނުގައިވާ ގޮތުން ސުޕްރީމް ކޯޓުގައި ދުސްތޫރީ މައްސަލައެއް ބެލޭނީ މަދުވެގެން ފަސް ފަނޑިޔާރުންގެ ބެންޗަކަށެވެ. އެހެންވެ، މި ވަގުތަށް ގާނޫނުއަސާސީގެ މައްސަލަ އެ ވަނީ ހުއްޓިފަ އެވެ.
ކޮމެންޓް (3)
އބރހ
ކިރަމަނަ
ސިކުނޑި