ހައުސިން މިނިސްޓްރީގައި ހިނގި އަލިފާނުގެ ހާދިސާގައި އެ ތަނުގައި ހުރި ބައެއް މުދާ ނެރުމުގެ މަސައްކަތުގައި މާލެ ސިޓީ ކައުންސިލްގެ މުވައްޒަފުން ހަރަކާތްތެރިވަނީ. (ދައުރު ފޮޓޯ/ އަބްދުﷲ އަނޫފް ޖުނައިދު)
ސާވާތައް ސަލާމަތްވާނެ ކަމަކަށް ނުބެލެވޭ، ހުރިހާ މައުލޫމާތެއް ގެއްލޭނެ: ހައިދަރު
ހައުސިން މިނިސްޓްރީ ހުންނަ އިމާރާތުގައި އިއްޔެ ހިނގި އަލިފާނުގެ ބޮޑު ހާދިސާއާ ގުޅިގެން އެ ތަނުގެ ސާވާތައް ސަލާމަތްވާނެ ކަމަށް ނުބެލެވޭ ކަމަށް ހައުސިން މިނިސްޓަރު ޑރ. އަލީ ހައިދަރު ވިދާޅުވެއްޖެ އެވެ.
ވީ ކިހިނެއް؟ - އަމީނީ މަގަށްވާ ގޮތަށް މާފަންނުކޮޅުގައި ހުންނަ ހައުސިން މިނިސްޓްރީގެ އިމާރާތުގައި އަލިފާން ރޯވީ އިއްޔެ ހެނދުނު ގާތްގަނޑަކަށް 7:30 ހާއިރު އެވެ. އެ އަލިފާންގަނޑު ނިއްވާލެވުނުއިރު، އެ ތަން ވަނީ އަނދައި ހުލިވެފަ އެވެ.
އެ ހާދިސާގައި ހައުސިން މިނިސްޓްރީއާ އެކު އެ އިމާރާތުގައި ހުންނަ ކޮންސްޓްރަކްޝަން މިނިސްޓްރީ ވެސް އަނދައިގެން ގޮސް، ކައިރީގައި ހުރި ތިން އިމާރާތަކަށް ވެސް ވަނީ އަސަރުކޮށްފަ އެވެ.
ބުނީ ކީކޭ؟ - ދައުލަތުގެ މީޑިއާ ޕީއެސްއެމްއަށް ދެއްވި އިންޓަވިއުއެއްގައި ހައިދަރު ވިދާޅުވީ އެ ހާދިސާގައި "ހަމަ ގާތްގަނޑަކަށް ވުޒާރާގައި ހުރި ހުރިހާ ލިޔެކިޔުމަކާއި ޑޭޓާއަކާ އެއްކޮށް އެ ދިޔައީ" ކަމަށެވެ.
"ހާއްސަކޮށް އަޅުގަނޑުމެންގެ ސާވާ ސަލާމަތްނުކުރެވޭނެ ކަމަށް މިހާރު އަންދާޒާ ކުރެވެނީ،" ހައިދަރު ވިދާޅުވި އެވެ.
"އެހެންވެއްޖެ ކަމަށް ވަންޏާ އެއީ ވަރަށް ބޮޑު ގެއްލުމެއް. އަޅުގަނޑުމެންގެ އަތުގައި ހުރި ހުރިހާ މައުލޫމާތެއް ގެއްލިގެން އެ ދިޔައީ. ވަރަށް ގިނަ، ހުރިހާ މުވައްޒަފުންގެ މައުލޫމާތާއި އަޅުގަނޑުމެން ކުރަމުންގެންދިޔަ ހުރިހާ މަޝްރޫއުއެއްގެ މައުލޫމާތެއް ވެސް ރައްކާކުރެވިފައި ހުންނާނީ ސާވާގައި. ސާވާއަށް އެކްސެސް ނުލިބޭ ކަމަށްވާ ނަމަ އެ މައުލޫމާތު އަލުން ހޯދޭނެ ގޮތެއް ނޯންނާނެ."
ހައިދަރު ވިދާޅުވީ ހުރިހާ ލިޔެކިޔުމެއް ވެސް އަނދައި ހުލިވި ކަމަށާއި އެއީ ވަރަށް ބޮޑު ގެއްލުމެއް ކަމަށެވެ.
ވަޒީރު ޑރ. ހައިދަރު ވިދާޅުވީ އަލިފާނުގެ ހާދިސާގައި އެ ވުޒާރާގެ ސަރވާ ސަލާމަތް ނުކުރެވުމުން، އޭގައި ހުރި ހުރިހާ ލިޔެކިޔުމަކާއި ޑޭޓާއެއް އެއްކޮށް ގެއްލިފައިވާ ކަމަށް@MHLUDmv pic.twitter.com/UoOzqb2mqg
— PSM News (@psmnewsmv) December 13, 2024
އެނގުން މުހިއްމު - ނިމިދިޔަ އެމްޑީޕީ ސަރުކާރުން ހިންގި 'ގެދޮރުވެރިޔާ' ސްކީމުން ފްލެޓު ލިބޭނެ ކަމަށް ނެރުނު ލިސްޓް ރައްކާކޮށްފައިވަނީ އެ މިިނިސްޓްރީގެ ކްލައުޑް ހޯސްޓިންގައި ކަމަށްވުމުން، އެ ލިސްޓު ސަލާމަތުން އޮތް ކަމަށާއި އެ މައުލޫމާތަށް އެއްވެސް އަސަރެއް ނުކުރާ ކަމަށް ހައުސިން މިނިސްޓްރީން އިއްޔެ ވަނީ ބުނެފަ އެވެ.
ނަސީބަކުން އަޅުގަނޑުމެން ފްލެޓް ލިސްޓުގެ ހުރިހާ މައުލޫމާތަކާއި ގެދޮރުވެރިކަމުގެ މަޝްރޫއާއި ބިންވެރިކަމުގެ ހުރިހާ މަޝްރޫއެއްގެ މައުލޫމާތެއް ރައްކާކުރަމުންދިޔައީ ކްލައުޑުގައި. އެހެންވީމަ ސާވާއަށް ގެއްލުން ލިބުނަސް އަޅުގަނޑުމެންނަށް އެ މައުލޫމާތު ލިބެން ހުންނާނެ ކްލައުޑުން: ވަޒީރު… pic.twitter.com/PQtXy16UKV
— PSM News (@psmnewsmv) December 13, 2024
-
ހައުސިން މިނިސްޓްރީގައި ހިނގި އަލިފާނުގެ ހާދިސާގައި އެ އިމާރާތް އަނދައި ހުލިވެފައި. (ދައުރު ފޮޓޯ/އަބްދުﷲ އަނޫފް ޖުނައިދު) -
ހައުސިން މިނިސްޓްރީގައި އަލިފާން ރޯވެ، ސިފައިން އަލިފާން ނިއްވުމުގެ މަސައްކަތުގައި. (ދައުރު ފޮޓޯ/އަބްދުﷲ އަނޫފް ޖުނައިދު) -
ހައުސިން މިނިސްޓްރީގައި ހިނގި އަލިފާނުގެ ހާދިސާގައި އެ ތަނުގައި ހުރި ބައެއް މުދާ ނެރުމުގެ މަސައްކަތް މާލެ ސިޓީ ކައުންސިލްގެ މުވައްޒަފުން ކުރަނީ. (ދައުރު ފޮޓޯ/އަބްދުﷲ އަނޫފް ޖުނައިދު) -
ހައުސިން މިނިސްޓްރީގައި އަލިފާން ރޯވެ، ސިފައިން އަލިފާން ނިއްވުމުގެ މަސައްކަތުގައި. (ދައުރު ފޮޓޯ/ އަބްދުﷲ އަނޫފް ޖުނައިދު)
ގުޅުންހުރި - މާލޭ ރައްޔިތުންގެ ރަށްވެހިކަމުގެ ހިދުމަތްތަކާއި އިމާރާތްތަކާ ބެހޭ ބައި ވެސް ހުރީ ރޯވި އިމާރާތުގަ އެވެ. އެހެންވެ، މާލޭ މީހުންގެ ގިނަ ލިޔުންތަކެއް ގެއްލުމުގެ ބިިރު އޮތް ކަމުގެ ކަންބޮޑުވުން މާލޭ ސިޓީ ކައުންސިލްގެ ޑެޕިއުޓީ މޭޔަރު އަހްމަދު ނަރީޝް އިއްޔެ ވަނީ ފާޅުކުރައްވާފަ އެވެ.
ނަރީޝް ވިދާޅުވި ގޮތުގައި:
-
1960 އިން ފެށިގެން އަދި އޭގެ ކުރީގައި ވެސް މާލޭގައި އުފަންވި ހުރިހާ އެންމެންގެ ޑޮކިއުމަންޓުތައް ހުރީ އެތަނުގައި
-
އޭގެ ތެރޭގައި ގޭގޭގެ ރަޖިސްޓްރީ އާއި ރަށްވެހިކަމުގެ ރަޖިސްޓްރީ ހިމެނޭ.
"އެއިން އެއްވެސް ލިޔެކިޔުމަކަށް ގެއްލުން ލިބިއްޖެ ނަމަ ރައްޔިތުންނަށް ލިބޭނެ ވަރަށް ބޮޑު ގެއްލުމެއް އެއީ. އެއީ އިއާދަކުރެވޭނެ އެއްޗެއް ނޫން. މިލްކުވެރިކަން ސާބިތުކުރަން ވިޔަސް، ވާރުތަ މުދަލެއް ސާބިތުކުރަން ވިޔަސް އެހެން އެއްވެސް ތާކުން އެ ލިބޭކަށް ނޯންނާނެ،" ނަރީޝް ވިދާޅުވި އެވެ.
އިތުރަށް ކިޔާލަން
ހައުސިން މިނިސްޓްރީގެ އަލިފާންގަނޑު އަހަރެންގެ ލޯމަތީގައި
13 ޑިސެމްބަރު 2024
އަލިފާނުގެ ހާދިސާ: 7 ގެއަކުން މީހުން ވަގުތީ ހިޔާއަށް
12 ޑިސެމްބަރު 2024
ހައުސިން މިނިސްޓްރީގެ އަލިފާން: އެތައް ބަޔަކަށް އެތައް ސުވާލެއް
12 ޑިސެމްބަރު 2024
މާލޭ މީހުންގެ ލިޔެކިޔުންތައް ގެއްލިދާނެ ކަމުގެ ބިރު އެބަ އޮތް
12 ޑިސެމްބަރު 2024
ފްލެޓް ލިސްޓުގެ ލިޔުންތައް ހުރީ ސަލާމަތުން: ހައުސިން މިނިސްޓްރީ
12 ޑިސެމްބަރު 2024
ކޮމެންޓް (4)
ކޮސް
ސާވޯގެ މައްސަލައެކޯ އެއީ.
ދުންބޯ އައިސާނިކެ
ކޮބާ