ޑޮލަރު މާރުކުރާ ގަވައިދު ސައްހަ، ރިޒާވް ހިފަހައްޓަން އެމްއެމްއޭއަށް ފިޔަވަޅު އެޅޭނެ: އޭޖީ

ރިސޯޓްތަކާއި ޓޫރިސްޓުން ބައިތިއްބާ ތަންތަނުން ކޮންމެ ޓޫރިސްޓެއްގެ ބޮލަކަށް ވަކި އަދަދަކަށް ޑޮލަރު މާރުކުރަން ޖެހޭ ގޮތަށް މަރުކަޒީ ބޭންކް، އެމްއެމްއޭން އެކުލަވާލި 'ބޭރު ފައިސާއާ ބެހޭ' ގަވައިދު އެގޮތަށް އެކުލަވާލުމުގެ ގާނޫނީ ބާރު އެ އިދާރާއަށް އޮންނާނޭ ކަމަަށް އެޓާނީ ޖެނެރަލް (އޭޖީ) އަހުމަދު އުޝާމް މިއަދު ވިދާޅުވެއްޖެ އެވެ.

މައްސަލައިގެ ހުލާސާ - އެމްއެމްއޭއިން 1 ސެޕްޓެމްބަރުގައި ގެޒެޓްކޮށް އަމަލުކުރަން ފެށި އެ ގަވައިދުގައި މަޖުބޫރުކޮށްފައި ވަނީ ކޮންމެ ތިން މަހަކުން ރާއްޖޭގެ ބޭންކަކަށް: 

އެ އަދަދަށް ޑޮލަރު މާރުކުރުމަކީ ކުރެވޭނެ ކަމެއް ނޫން ކަމަށް ބުނެ 70 އެއްހާ ރިސޯޓުން ވަނީ އެ ގަވައިދު އިސްލާހުކޮށްދޭން އެމްއެމްއޭގައި މިހާރު އެދިފަ އެވެ. އަދި ވިޔަފާރިތަކަށް ލިބޭ އާމްދަނީއާ މެދު އަމަލުކުރާނޭ ގޮތްތަކެއް އަންގައި ގަވައިދު ހެދުމުގެ ބާރެއް އެމްއެމްއޭއަށް ގާނޫނުން ލިބިގެން ނުވާ ކަމަށާއި އެއީ ބާތިލް ގަވައިދެއް ކަމަށް ބައެއް ގާނޫނީ ވަކީލުން މިއަދު ވަނީ ވިދާޅުވެފަ އެެވެ. 

ތަފްސީލް - ވަކީލުންގެ އެ ހިޔާލުތަކާ ގުޅޭ ގޮތުން މިއަދު އުޝާމްއާ 'ދައުރު'ން ސުވާލުކުރުމުން ވިދާޅުވީ އެމްއެމްއޭއަކީ މިނިވަން އިދާރާއެއް ކަމުން: 

އުޝާމް ވިދާޅުވީ ރާއްޖޭގެ ބޭރުގެ ފައިސާގެ ރިޒާވް އެކަށީގެންވާ މިންވަރެއްގައި ދެމެހެއްޓުމަށްޓަކައި ކުރަންޖެހޭ ކަންކަން ކުރުމުގެ ބާރު އެމްއެމްއޭއަށް ގާނޫނުން ލިބިގެންވާ ކަމަށެވެ. އަދި އެ މަގުސަދު ހާސިލްކުރަން ވިޔަފާރިތަކުގެ އާމްދަނީއާ މެދު އަމަލުކުރާނޭ ގޮތްތަކެއް އެންގުމަކީ އެއީ އެމްއެމްއޭއަށް ކުރެވިދާނޭ ކަމެއް ކަމަށް ދެކޭ ކަމަށް އުޝާމް ވިދާޅުވި އެވެ.

ބުނީ ކީކޭ؟ - "އަޅުގަނޑަކަށް ނުފެނޭ، އެބޭފުޅުން ކުރެއްވި ކަންތަކަކީ [ގަވައިދު އެގޮތަށް ހެދުމަކީ] ގާނޫނުއަސާސީއާ ހިލާފަށް، ގާނޫނާ ހިލާފަށް ކުރި ކަމެއް ކަމަކަށް،" އުޝާމް ވިދާޅުވި އެވެ. 

އެނގުން މުހިންމު - ރައީސް މުހައްމަދު މުއިއްޒު މިފަހުން އިއުލާންކުރެއްވި ގޮތުގައި ރާއްޖޭގައި ބޭރު ފައިސާއިން މުއާމަލާތްތައް ކުރެވޭނޭ ގޮތްތައް ކަނޑައަޅައި، ފޮރެކްސްއަށް ހާއްސަ ގާނޫނެއް ވަރަށް އަވަހަށް ފާސްކޮށް އަމަލުކުރަން ފަށާނެ އެވެ.